Lumà 12:7 - To kə Kəzə̀ kə̀ Fughu ko

⁷ Abugho ghùw ù sɛ̀ ù lì lo alefwaʼā â ghì a Kəzə̀ ghò, ù e bɔɔm fwaʼā nduw êzə̀; mo fughu kə ù lì kə̀ lo alezoʼn nduw ghî ghò, ù ŋ kûm zòʼn ndùw ghee.

Lumà 12:7 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Dzɔ̌n 3:2

Tûw vʉ m bùghò kòʼ wò Yɛso â tsuʼ wo, dzɛ̀ â wə̄n enyəa, “Wàdè, ghàʼ kwo nû enyəa ghù lo ghùw wəla Zə̀ kə̀ tum wo alebùghò zoʼnlo àghì, tɔŋlo enyəa ghùw yò aledeē sə̀ghàa mə̀là ghù děe ghè mò, mò Zə̀ kə̀ kâ ghu ko a te gāʼ.”

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 20:20

Ghɛ̀ kwo nû enyəa Ŋ̀ ka mō sə̂əm kòʼ tsəghà aletsʉ̀ ghɛ̀ ŋkāa aleghə̂əŋ ghəa zə̄lā e ki aleyòso ghɛ̀; ghəa mùgho mò zoʼn tsəghà ghɛ dzîi dziī àsùghò ndùghù tə̀ndughu,

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 6:1

Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

1 Kòlentìan 12:28

Zə kə fə̀ sûesʉ tsuʼ naŋa kɔʼ tum tə Kə̀lestò esə̄ an dzeŋe kə ghì a Kəzə̀, kə n daŋso tsuʼ naŋa kɔʼ ghiīshʉ̀ghà a Kəzə̀, aŋ ghì a kə̀təgha gho Zə̀ kə n tsuʼ naŋa kɔʼ ghê wàdè, daŋso tsuʼ kɔʼ ghî ghəla ghe deē sə̀ghà mò, daŋso tsuʼ naŋa kɔʼ ghî ghəla ghe baāŋ ghì a dzaŋa gho, kə n tsuʼ naŋa kɔ̀ʼ ghì ghəla ghe kwo alebianlo àghəa aleyoso aghì, tsuʼ tsughu ghiīshʉ̀ghà, tsuʼ tsughu, tsuʼ tsughu ghêe wàdè, tsuʼ tsughu ghî ghəla ghe deē səghàa mò, tsuʼ tsughu ghəla ghe baāŋ ghî ghò, tsuʼ tsughu ghəla ghe yôso, daŋso tsuʼ naŋa kɔ̀ʼ sùghò ghəla ghe saʼā ndə̀m è sàʼà tə tənàʼà tò.

1 Kòlentìan 12:5

Ndə̀m tə ufwàʼ tə̀ lo kaaŋ nû, a lò ko Mughu ù te u mɔ̀ʼɔ ù ghəŋlo enyəa chìa è fwaʼa nduw fwàʼ kə wə̄ ko nəŋōnə̄ŋ.

1 Kòlentìan 14:26

Waazə̂ ghaŋa gho, sɛ̀ lo aledzɛ̀ êndughō a? Abugho ghɛ̀ bughò dzeŋe tsughu, ghùw u mɔ̀ʼ n tsʉ̀ kɔ̀ʼ ezom, ù lì n zoʼn wò àghì, ù n dzɛ̀ fughu wò ghəa ghəla Zə̀ kə̀ lo mo kə n dzɛ̀ â wə̄n, ghùw ù lì ŋ kə̀a wò àghəa an shwaʼ wəla ghî à zuūwkɛlɛ yo, ghùw ù lì wə̄n n teso dzàa wò ghəa a te gho. Ghəa yì à dzəm kì alelō ko aleghəŋlo enyəa dzeŋe kə ghì a Kə̀zə̀ kə̀ è nomlo.

Gàlashìan 6:6

Ghî a ki alefughū nduw sugho yôsò zò â ghì ghəla ghe zoʼn nduw ghee an shwaʼ u Kəzə̀ mo ghe fughuu nduw ghee â fʉgha ù dzûŋ wəla ghe ki.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Kòloshìan 4:17

Ghɛ̀ dzɛ nduw â Achippùs enyəa, ù ghəəŋ tsughu, ù kùum fwaʼ mɛʼɛ̄ fwàʼ chia Mughu ù te mò fughu â wə̄n enyəa ù e fwaʼā.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

1 Timotì 3:2

Tsoʼ an dzeŋe kə ghì a Kəzə̀ kì alelo ghùw wəla mughù e wə̄n e zɔlɔ̄, mò ù kì ko wi u mɔ̀ʼ, mò ù kì sugho bughuun kə dzə̂, naŋso tsughu sùghò ghuw kə ebwìi ke wə̄n, mò ghəa a ghəə̄ŋ ko an ulwàŋ — ù e ki sugho zǐi alezoʼnlo aghî an shwaʼ u Kəzə̀, kwo sugho alekpeēnî aghì abugho ghe bwîin nduẁ alo wə̄n an ndughu.

1 Timotì 4:16

E nîi ghôm zò a m ghùe wʉ̂a àsùghò an tsʉ zəla ghù zoʼn ghî gho a te. E ti ko a te, nu abugho ghù ghəə̄ŋ dzə êzə̀, ghù lo bəghasə ghùe wʉ̀a wò àsùghò ghì ghəla ghe zuūw â ghù.

1 Timotì 5:17

Tsoʼ tə dzeŋe kə ghì a Kəzə̀ təla tə nyɔʼɔ̀ fwaʼā fwàʼ kə ghee ko, ki alekelê namso kə̀ dzûŋ kò àsùghò kɔʼso mò; a ka dɔ̂m taŋ ghəla ghe zughò shwaʼ u Kəzə̀ wò, zoʼn sùghò àghì.

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

2 Timotì 2:24

Ghùw ù kəfwàʼ u Mughu ù te ki yo aledòʼò ghùw wəla ù kəŋo shwaʼ wo; ù lǎam ki alelo ghùw wəla ki mwam ù dzûŋ wò a zəŋò ghì ghò a dzə̀m, lò sugho wàdè ù dzùŋ wəla ù kaā tsughu zə zo.

2 Timotì 4:2

E dəma ko alezughò shwaʼ u Kəzə̀ u te wo nəgha tən tə̀ dzə̀m, kà ghî à ləghaa ŋkāa ghe ləghaa yo. E naŋso ndùw ghî ghò, kwɛ̀ɛn ndùw ghee, dzə̀là ndùw sùghò ghee â sə̀ŋ zò. E ndòʼò màʼn tsughuu sugho ghue wo aletsʉ̀ ghee an shwaʼ u Kəzə̀.