Lumà 12:6 - To kə Kəzə̀ kə̀ Fughu ko

⁶ Kə̀chìa kì ko fughu kə wə̄n nə̀ŋò nəŋ aŋghəa Zə̀ kə fughu â sɛ̀ an dzɔ̀ e wə̄n. Abugho fughu kə ghûw ù sɛ̀ ù lì kə lo aleniī naʼn wo tum è Kəzə̀, ù n naʼn ndùw tum e te am fə̂ŋ zəla ù gaʼ tsughu â Zə̀ kò.

Lumà 12:6 Iomraidhean Croise

Matìo 23:34

Ǹ so Ǹ dzàa wô â ghɛ̀ enyəa yìa Ǹ tuū wô ghɛ â ghǐishʉ̀ghà ghò, ghê wàndɔŋ, à ghê Dèekə̀làŋ; ghɛ̀ è ke təghaan winlo à li gho, tsɔʼɔ à li gho alo təkwùu an Ndughutə̀ne tə Tə̀dzûu tò, dzùu kàŋlo à li gho naʼà tə̀nàʼà.

Matìo 25:22

Wəlà ù fə̀ ni mbə̀ghà mò m bə̀ghà n sə kɔ̀ʼ wò è sugho, dzɛ̀ enyəa, ‘Mughùbè, ghù fə̀ mugho â mbə̀ghà m fughu m bə̀ghà, yia Ŋ̀ kele kpeʼē kɔʼ m bə̀ghà.’

Lûk 11:49

Kən lò soo kə eghəa kəla Zə̀ kə fə̀ dzɛ tsughu an dzì è ùtɔ enyəa, ‘Ǹ lo tūu wò ghîishʉ̀gha â ghee, à tum to, ghe kê ndzaŋso à li gho, ghe winlo à li gho.’

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 15:32

Dzudàs ghèe Saelàs, mo ghuūghùe e ghee e lo sugho ghê wàkə̀a, ghe m fəghaan kə̀aa kpèʼe ndùw ndə̀mà tə aghəa tə̀ li to â ghee, dzə̀n kpèʼe ndùw fə̀ŋ tə ghee, dzə̀n ndùw sùghò ghee â sə̀ŋ zò.

Kə̀fwàʼ 2:17

‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Kə̀fwàʼ 21:9

Tûw wən ŋ ki wɛ a wən à zən gho a chìakò, mo ghe ki yo num gho, ghe kə̂aa shwaʼ u Kəzə̀ wò.

Lumà 1:11

M̀ mbûŋlò alekòʼò wô ko ghɛ̀ alo esə̄ tò mùghò è lo aleghəŋlo Zuʼ tə Kəzə̀ tə fughu ghɛ â fughu kə nə̀ŋò ŋəŋ ko, fə̂ŋ tɛʼɛ tə nɛɛ̄ tsughu aŋ ghəa e Mughu ù te.

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

1 Kòlentìan 12:18

À fɛ kuuwn lò enyəa à fə̀ nyùŋ u ughùe u te wo u dzə̀m biaan naŋa kaaŋ wo Kəzə̀ êzə̀ aŋghəa kə mò tsə̂m tsughu enyəa zə e lo êzə̀.

1 Kòlentìan 13:2

Abugho Ŋ̀ ki fughu kə te aledzaā shʉghà wò, asùghò tɔ wo alezuuwkɛlɛ nàn tə aghəa to, àsùghò ki fə̀ŋ è te aledzàa ndûw â kàʼà tò enyəa tə səə̄n nughù tsughu, tə n səəŋ nùghù tsùghù è sugho, mò kuuwn ki yo ləgha zo â ghì gho — M̀ fi lo kənughùnùghù.

1 Kòlentìan 14:1

Ghəəŋ tsughu nlò enyəa ləgha e doʼò tsughu fəgha kəla ghɛ̀ kəŋo ghè kò, dəmà tsùghu sùghò kəla Zuʼ tə̀ Zɔlɔ tə fughuu â ghì gho, a ka dɔ̂m taŋ fughu kən enyəa ghɛ̀ è lo aledzaā shʉ̀ghà u Kəzə̀ wò.

1 Kòlentìan 14:24

Abugho ghee a dzəm kuūwn dzâa shʉghà u Kəzə̀ wò, ghùw wəlà ù dòʼkè boō fughu ŋkāa ghùw ù nughùnùghù vʉ̀a ù ndùw nyə wo fughu, ghe sò zǔuwkɛ̄lɛ̄ nǔ ghee, ghəa a te ghəla ù tɔ kɔʼ sô kɔlɔ̀ tsughu wə̄n aŋ ghəa a wə̄n à biigh gho.

1 Kòlentìan 14:29

Ghɛ̀ m fughu tsughu sùghò kəbûʼ â ghiīshʉ̀ghà a Kəzə̀ ghò a bə̀ghà ŋkāa a təgha, ghe n dzɛ̀ wò sùghò ùshʉ̀ghà, ghî à li ghə n lo aletɔ̀ʼɔ̀ lɛɛ̄n nyəā tsughu ghəa yia ghe ghiīshʉ̀ghà yi mô dzɛ̂ wo.

1 Kòlentìan 3:5

Apolòs fi lo ndugho a? Pôl vʉ̀a ù lò ndugho a? Ghe ŋkɔ̂ɔ ghɛ̀ mò tsəghà tsughu a bàâ ghee alebùghò boo fughu â Kə̀lestò, mò chìa fə̀ fwaʼā nduw ko fəgha kela Mughu ù te mò fughu â wə̄n enyəa ù fwàʼ.

1 Kòlentìan 7:7

M̀ moʼò enyəa abugho ghəa ghən à dzəm mò lo aŋ ghəa ghuūghùe waŋā u lo a te to e mô dzɔ̀ɔ. À sò fɛ kuuwn lò ko enyəa chìa kì nduw ko fughu kə wə̄n kəla Zə̀ kə̀ mò namsō wə̄n a te, chìa wən ŋ ki fughu kən, ù lì ù vʉ ŋ ki sugho kə̀ nughù kò.

2 Kòlentìan 8:12

Tɔŋlo enyəa abugho ghɛ̂ e te e lo, Zə̀ kə̀ fəgha kə̀là ghùw fughu nìi ndùw sùghò am fəgha kəla ghùw ù te ki, à yò dzə̂ am fəgha kə̀là ù ki yo.

Efɛsùs 3:5

Kən fə̀ lo nàn kə eghəa kəla Zə̀ kə fə̀ lo mo kə kaām dê fughù kòʼ tsə̀ghà â ghùw an tì kə̀ li ko, tò aŋghəa Zə̀ kə ghəəŋ tsughu êzə̄ŋ Zuʼ tə̀ Zɔlɔ tia tə nî dè fughu wò nàn kə eghəa tə te to â tum tə wə̄n tə̀ zɔlɔ to àsùghò â ghǐishʉ̀ghà a Kəzə̀ ghò.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Fèlepìan 3:15

Sɛ̀ ghəla sɛ̀ lo mo sɛ̀ n noo kpe aŋ ghəa a Kəzə̀, sɛ̀ ki alelɛɛn ghəa gho an dzì è mɔ̀ʼɔ è te. À m bùghò ghəa zəla tuw kə kpuūw ghɛ a te, Zə̀ kə ŋ ghəəŋ ghɛ̀, ghɛ̀ mò è kele.

1 Tɛ̀sàlonìan 5:20

Kà nlò è ghuuw maʼn shwaʼ u ghìishʉghà a Kəzə̀ ghò.

2 Pità 1:20

Aŋ ghəa ghən a dzə̀m, ghɛ̀ ki alezuūwkɛlɛ̄ tsughu enyəa, ghəa è li yo dzə̂ ghe tɔm naŋa am Mwàʼsò kə Kəzə̀, zəla ghiīshʉ̀ghà a fə̀ dzɛ naŋā wo mò à fə̀ tso moʼn sə kɔʼ ko ghee aŋ ŋgəŋ è ghee.