Lumà 12:16 - To kə Kəzə̀ kə̀ Fughu ko

¹⁶ E mughu nlò alo kə fəgha kə mɔ̀ʼ ghɛ̀ à ghê ghì ghò a dzə̀m. Kà nlò è kɔʼso ghue zo, laam bǒo tsughu nlò aleghəəŋ zumso tə aghəa to ghɛ̀ à ghê ghì a ulwən gho. Kà nlò è moʼō enyəa ghɛ̀ tɔ tsə̀ghà ghì à li gho.

Lumà 12:16 Iomraidhean Croise

Matìo 11:5

ghî à foō a koʼò wò tə̀luʼū, à məla bwiī yia bwîi wô tsəghatsəgha, yia baaŋ ghî a tətsùghò ghò, kùʼ vʉa u zuūw wô ghəa gho, ghî à kpuuw yia zôom nùghùun kɔʼɔ alo evʉ̄, yìa M̀ fughuu sugho Làbəlà è Dzùŋ â ghì à laa gho.

Matìo 26:11

Ghî à laa a kê tsò lo tsəgha ko am bvʉa zɛʼɛ̄, sɛ̀ kê kǔuwn yò tsəgha dzə̂ a dzə̀m.

Lûk 14:13

Abugho ghù se kuuwn naʼà àghì, ghù n laam nàʼà tsughu ghî à laa gho, ubvuʼ, ghî à foō gho àsùghò ùŋgwûundughu,

Lûk 6:20

Ù n daŋso nùghùsò kɔʼ kətuw, lɛɛn ndùw tsə̀təndə̄ghā tə wə̄n, dzɛ̀ enyəa, “Dzɔ̀ lò ghɛ ghî à laa gho, tɔŋlo enyəa fɔ̂e u Kəzə̀ ù lɛɛn ghɛ̀.

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Lumà 11:20

E lo nû èsəŋò, ghe ka fə boo fùghù dzə̀ â Zə̀ kò, zə̀ lò e ghee ghe fə̀ bvuʼn maʼà sə tsughu wo ghee. Ghɛ̌ yia kuuwn nyɔ̂ʼ ti bòʼ ghɛ̀ fə̀ boo fughu à Zə̀ kò. Ghùw wɛʼɛ ki dzə yo alekɔʼso kaaŋ mbòʼ tò aŋ ghəa a te gho, ghɛ̀ laam ki aleghomlo aŋ ghəa zəla e lo alesə̄.

Lumà 11:25

Waazə̂ ghaŋa gho, səŋò è li e lo nû e nân doʼō Ǹ ləghaa enyəa ghɛ̀ kele tsughu, e lo ghəə̄ŋ tsughu ghɛ, ghɛ̀ è kɔʼso yo ghue zo enyəa ghɛ tɔɔ nù. Nû tuw kə̀ tughuu kəla ghî ghə Ezə̀lɛ̂ à ki yò dzə̂ ghəa è doʼn təla zo, à tsò zə̀ghàa tsughu ko Kəzə̀ enyəa zə e lo êzə̀, to kə kele kə̀bùʼ alenìi nyəa wô Toʼò zəla kə ki alenìi nyəa wô.

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

Lumà 15:5

To Zə̀ kəla kə ghəŋlo enyəa sɛ̀ e kaa zə zo, dzə̀là sughò fə̀ŋ tə sɛ̀ mò ghəŋlo ghɛ̀ e mughu alo kəfəgha kə mɔ̀ʼ ghɛ̀ à ghê waazughù ghò aŋghəa Kə̀lestò Yɛso ləghaa,

Lumà 6:2

Ɛ̂ŋgaŋ dzə̂! Abugho à lò aleghəŋlo ebo, sɛ̀ êzəŋ e lo tò ghî a kpuuwn gho. E fi lo enyəa sɛ̀ kôom ki yo alenaam mughu nduw ko alo ebō.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

1 Kòlentìan 3:18

E kwo ghùw lò nɔɔ̄m ghue u wə̄n wo. Abugho ghùw wɛʼɛ ù lì mòʼò enyəa e tɔɔ nù aŋghəa ghî a mbī a nîi a te, ù kì alelo tǒ ghùw ù làʼso, tò ù kè doʼò ghùw ù tɔ̌ɔ.

1 Kòlentìan 4:10

Ghàʼ lo tò fʉgha ù laʼsō wo aŋghəa ghàʼ fwaʼa â Kə̀lestò, ghɛ̀ yia kuūwn tɔɔ̄ aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò. Ghàʼ lo bvùʼù mə aghì, ghɛ̀ yia kuūwn lô ghî à tughūu gho. Ghe kɔʼso ghɛ̀, ghe yia kuūwn chwiīlwiī ghāʼ.

1 Kòlentìan 6:5

Ŋ̀ ghəa ghən kə̂a wò enyəa Ǹ də̂nsò wô tuw kɛʼɛ. To e fɛ lò enyəa ghùw yò am bvʉa zɛʼɛ̄ ù tɔɔ̄ tò ù è biaan ghəa gho am bvʉa e waazə̂ a wə̄n a, tɔ̂ɔŋ ghì a Kəzə̀ a?

1 Kòlentìan 8:2

Abugho ghùw mòʼò enyəa e kwo ghəa è li zo, ù kǎam kwo dzə yo aŋ ghəa ù mò ki alekele a te.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 3:16

Sɛ̀ ki alekuuwn bwiī nduw ko an sə̀ŋò zəla sɛ̀ kwo zîi dzə.

Fèlepìan 4:2

Ŋ̀ ŋgee buʼu kə̀ghu â ghɛ̀ a yùdìa à Sìndikì, tee tsughu ko nlò ghuw ko kəmòg aŋ ghəa e Mughùbè.

Hibùlù 13:5

Kâ nlò fə̂ŋ tɛʼɛ to aŋghəa a ukʉa gaʼ, nǐi tsughu nlò enyəa fəgha kə̀là ghù wɛʼɛ ki kə m kpe â wə̄n; nu Zə̀ kə̀ dzɛ̂ tsughu enyəa, “Ŋ̀ kê bvʉ̀so màʼà kòʼ yò ghɛ, Ŋ̀ kê zə̀ghàa tàʼa kòʼ sùghò yò ghɛ.”

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 5:3

Kà nlò è baŋso sə gho a zəŋò ghî ghəla ghe fughu naŋā enyəa ghɛ̀ è lɛnlo. E laam lo aledeē mwam e dzûŋ zəla ghe lo alekòʼò nî.

3 Dzɔ̌n 1:9

M̀ maā tɔm wò mwàʼsò kò â dzeŋe kə ghì a Kəzə̀ kɛʼɛ ko, à sò kǔuwn lò ko enyəa Dǐotefìs wəla ù ləghaa tsə̀ghà ko aledòʼò kə̀sə alo aghəa a dzə̀m u kafə tso naŋa tuūŋ ko am fəgha kəla Ǹ dzaā.