Lumà 12:12 - To kə Kəzə̀ kə̀ Fughu ko

¹² Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

Lumà 12:12 Iomraidhean Croise

Matìo 5:12

E saŋlo nlò, ghɛ̀ è nyumlo, tɔŋlo enyəa namso kɛʼɛ kə dûuw nù alo kəwālā. À lò sugho eghala aŋghəa ghe fə̀ ndzaŋso ghiīshʉ̀ghà a Kəzə̀ a sûesʉ gho êzə̀.”

Lûk 10:20

Ghəa e kuūwn lô ko êzə̀, kà nlò duʼn dzə̀ aŋ ghəa ghən enyəa, zʉ̀ u zuuw â ghɛ̀; e laam duʼnlo nlò enyəa ghe n zən ghɛʼɛ̄ gho alo Kəwālā tɔm naŋa.”

Lûk 21:19

Abugho ghɛ̀ kê kɔlɔ̄ tsughu fə̂ŋ tò, ghɛ̀ ke zə tuw ko.

Lûk 8:15

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Kə̀fwàʼ 12:5

Pità fi kɔʼ nu ndùghùtsāʼ, ghî a kèlestò ghə̀ ŋ kuuwn dòʼò tsughu ko fɛ̀ è bàm mgbɛɛ gɔ̀ɔŋ ko Kə̀zə̀ an tuw kə wə̄n.

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 6:4

ghàʼ, am bà kaʼa, a kuūwn doʼò təla tsughuu ko alegɔ̀ŋlò, ghàʼ e zoʼn nduw sugho ghî ghò an shwaʼ u te wo.”

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 15:4

Ghəa ghəla ghe fə̀ ki tɔm naŋa am Mwàʼsò kə Kəzə̀ fə̀ lo alefughuu sɛ̀ â tsʉ̀ zò, enyəa to tsʉ̀ e te e mô lo aleghəŋlo sɛ̀ e lo alekaā tsughu ezə, e dzəlà tsughu sugho fə̀ŋ tə sɛ̀ aŋghəa a chiī tùʼ a te am fəgha kəla Zə̀ kə fə̀ to naŋa â sɛ̀.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 8:25

Abugho sɛ̀ moʼnlò alekele fəgha kə̀là a kaām ki yo, a ŋ ka tsughu ko èzə alechì tùʼ am fəgha kə te ko.

1 Kòlentìan 13:13

E fi lo enyəa ghəa ghən à təgha dòʼò tən nû to mbī kê bughò mîaa, ghəa a te a lo: alegaʼ fə̀ŋ a zəŋò Kə̀lestò, alechìi tùʼ alo eghəa àsùghò ləgha zo. Zəla e kuūwn bvuʼ ghəa a te gho a dzəm à lò eləgha.

2 Kòlentìan 12:8

Mùghò m buʼ kəghū â Mughu ù te tə nəgha tə təgha enyəa ù nìi nughù fʉ̀ghà ù fɔɔn wən a zəŋò mùghò.

Fèlepìan 3:1

Aŋ ghəa à li ghən a waazə̂ ghaŋa gho, duʼn kɛʼɛ̄ kə e lo nduw ko nû, tɔŋlo enyəa ghɛ̀ lo ghî a Mughu ù te. À yò dzə̂ tsû ù li wo â mùghò aletɔɔ̄ kûeen kpeʼē wô ko ghɛ̀ â ghəa è mɔʼɔ̄ zo.

Fèlepìan 4:4

E duʼnlo nlò an ghəa e Mughùte nəgha tən tə̀ dzə̀m. Ǹ so naam dzàa kueen wô ko â ghɛ̀ enyəa elo alo eduʼnlo.

Kòloshìan 1:11

Ghàʼ yia gɔ̂ɔŋ sugho enyəa Zə̀ kə̀ tughuso tsughu ghɛ an daʼa kə wə̄n kəla kə tughu tsə̀ghà dwaʼa wo u dzə̀m, tò ghɛ̀ e lo alekɔlɔ tə̀fə̀ŋ àsùghò aleka ezə alo aghəa a dzə̀m alo eduʼnlo.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

Kòloshìan 4:2

E kwo ko ghɛ̀ lô so e bughuu dòʼnlò alegɔɔ̄ŋ zee. Ghɛ̀ è tɔʼɔ̄ tiso kɔʼɔ tuw wɛʼɛ wo abugho ghɛ̀ gɔ̂ŋlo, fughuu ndùw sùghò kə̀zɔ̀ŋlò â Zə̀ kò.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Tɛ̀sàlonìan 5:8

Yia a kuuwn bugho sɛ̀ ghəla a lô wɛ a tsə̂ ghò, a ki alenaŋsō ghuw kə e bwìi kə sɛ̀ kò, a gaʼā ndûw fə̀ŋ a zəŋò Kə̀lestò, àsùghò enyəa, a e ləghaa ghue e sɛ̀ zò; sɛ̀ e ghəŋlo enyə tò kəkə̀ŋ sɛ̀ dzəlà kele alo kəchīchī alekə̀əŋ. Sɛ̀ e ndzəmā chiī sugho tùʼ enyəa a lo zəa nù tuw ko, tò a e soō alo kətàŋlò a dzəlà kele kɔʼ alo kətūw.

2 Tɛ̀sàlonìan 1:4

Zən lò e ghee ghàʼ tsɔɔ fə̀ŋ bòʼ ghɛ̀ an ndughu tə Kəzə̀ tən tə̀ dzə̀m. Ghàʼ tsɔ̂ɔ fə̀ŋ enyəa ghɛ̀ naām ti ko am boo zɛʼɛ̄, aŋghəa ghe buʼù ndzaŋso kaāŋ ko ghɛ, ghɛ̀ yia a fanlō.

2 Tɛ̀sàlonìan 3:5

Ghǎʼ yia a gɔ̂ŋlò enyəa to Mughu ù te mô ghəŋlo ghɛ̀ zuwkɛlɛ dzì zəla Zə̀ kə̀ dêe ləgha e wə̄n zo a te, àsùghò enyəa ghɛ̀ è lo alekɔlɔ̄ fə̀ŋ aŋ ŋgoʼ zəla ghɛ̀ zuūw tò Kə̀lestò.

1 Timotì 6:11

Yia a bughò ghû a Timotì, ghù lǒ ghùw wəlà ghù lo mò ghù m boo fughu â Zə̀ kò. E kwo ko ghù lò boōm naāŋ dzʉ wə̄n wo, e kəŋo ko ghəa e tsəghatsəgha zo, fwàʼà ndùw fwàʼ kə Kəzə̀ kə̀a, naaŋ ndùw fə̀ŋ a zəŋò Zə̀ kò, ki sugho eləgha â ghì ghò; kɔɔn tsughu sugho fə̀ŋ, zumso tsughu sùgho ùghue.

2 Timotì 3:10

Yia a bughò ghû a Timotì, ghù kwò nû fəgha kəla mùghò mò ghî ghò a te, àsùghò mùghù zaŋā zo e dzə̀m. Ghù kwò nû aŋghəa Ŋ̀ gaʼ fə̀ŋ a te a zəŋò Kə̀lestò àsùghò fəgha kəla Ŋ̀ kəŋo ghè kò fɛ am mbī, àsùghò ləgha zəla Ŋ̀ ki â ghì ghò àsùghò enyəa Ŋ̀ kwo nû alekɔlɔ fə̀ŋ. Ghù vʉa ghù kwo sughò enyəa Ŋ̀ kwo nû aleghaŋso ùghue am fwàʼ kə Kəzə̀ abugho ghəa a buʼù tughu ko nû.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

Hibùlù 10:32

Mòʼn wò nlò ghəa ghəla a fə̀ sə a zəŋò ghɛ̀ à wǐiwì, aŋghəa ghɛ̀ mò kôʼ tsughu tsə̀ è Kəzə̀, ghɛ̀ m fala tsughu an ndə̀mà tə aghəa, ghəa a te ghə ŋ kè kuuwn tsəghàsə ghɛ.

Hibùlù 10:36

Ghɛ̀ ki alekɔlɔ tsughu ko tə̀ fə̀ŋ, tò ghɛ̀ e lo aleghəəŋ ghəa ghəla Zə̀ kə ləghaa, ghɛ̀ lo kele kɔʼ fəgha kəla ke fə̀ to naŋā â ghɛ̀.

Hibùlù 12:1

Ghəa e lo enyəa sɛ̀ ki nu ndə̀mà tə aghì tò ghe taʼ sɛ̀ à ghee, bùghò nlò sɛ̀ zəghà maʼà ghəa ghəla a sêe wo sɛ̀ ebàm àsùghò ghəa biigh ghəla a tughuu doʼn wo a zəŋò sɛ̀, a kaā tsughu ezə alenyəŋ nyəŋ kəla kə lo â sɛ̀ â sə ko.

Hibùlù 3:6

Kə̀lestò vʉ̀a ù kuūwn fwâʼ am fə̂ŋ e wə̄n e dzə̀m tǒ wɛ aŋ ghì a Kəzə̀. Sɛ̀ lo tǒ ndughu è wən abugho sɛ tee tsughu ko am fəŋ zəla a ki àsùghò am fə̀ŋ zəla a tsɔɔ an tuʼ zəla a chiī.

Hibùlù 5:7

Ghəa Yɛso mò mughù fɛ am mbī, ù ŋ gɔ̂ɔŋ Kə̀zə̀, dìi an tùʼ è diī zo, buʼnlo m̀bɔ̀ŋ, sə̀ mə̀ n tsughuu, ù dìi dzâa nduw â ghùw wəla ù fə̀ lò alebəghaasə wən alo evʉ̄. Bòʼ ù màʼà fə̀ ŋge gaʼ fə̀ŋ a zəŋò Zə̀ kò, Zə̀ kə̀ n zuw dî e wə̄n.

Hibùlù 6:12

Ghàʼ ləghaa yo enyəa ghɛ̀ bugho lɛɛ tsughu, ghàʼ laam ləghaa enyəa ghɛ̀ e lo tò ghî ghəla ghe fə̀ ka tsughu zə zo, boo fùghù e tsughu alezə fəgha kəla Zə̀ kə̀ fə̀ to naŋā.

Hibùlù 6:15

A m bugho Abə̀làhâm ndòʼ ka tsughu sugho zə zo ləma è koo, u m bùgho kèle kɔʼ fəgha kə̀là Zə̀ kə fə̀ to naŋā.

Dzɛ̂ms 5:7

Waazə̂ ghaŋa gho, ghɛ kɔlɔ tsughu ko nlò fə̂ŋ tò êzə̀, to Mughu ù te kê telè bughò. Kòʼo sùghò aŋghəa ghî a usum a taā tsughu fʉgha u ghee wo a te, ghe ŋ kɔlɔ tsughuu təfə̂ŋ, dòʼò ko enyəə, ghuuw zə m bùghò tsùghù kwə̀n è wo, bùghò tsə̀ghà kɔ̀ʼ è sugho, fʉgha u ghee u te wə n dzə̀əm m bɔ̀ŋ tùghù dzɔ̀ tsùghù an usum.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

2 Pità 1:6

Kà è kaa ghəəŋ ko nlò ghəa gho tò ghî ghə̀la ghe kwo Zə̀ kò, ghɛ̀ ki sugho alenaŋsô ghuw kə ebwìi kò. Tò aŋghəa ghɛ̀ lo alenaŋsô ghuw kə ebwìi kɛʼɛ, ghɛ̀ ki sugho alekɔlɔ tə̀fə̀ŋ an nə̀gha e utsù. Tò aŋghəa ghɛ̀ lo alekɔɔn tsughuu fə̂ŋ tò an nə̀gha e utsù, ghɛ̀ e ki sugho mwam e ghì a Kəzə̀ gho.

Edêe Fughu 13:10

Abugho ghùw lǒ mo ghe lô wə̄n ki alekwuū fêe naŋa an ndughùtsaʼ, ghe lô wən telè kwǔu fèe nǎaŋ ko alo kətə̀ŋ. Abugho ghe ki alegbòo wi ghùw alo kəkɔ̀ɔ, ghe lô wə̄n telè wǐi ko ezə̂. Ghəa ghən fɛ dèe tsùghu enyəa ghî a Kəzə̀ à zɔlɔ a ki alekaā tsughu ezə, ghe naŋa tsughu kô fə̀ŋ tə ghee a zəŋò Zə̀ kò.