Lumà 12:10 - To kə Kəzə̀ kə̀ Fughu ko

¹⁰ E kûu ləghaa nduw nlò ghue zo tò waazə̂, ghɛ̀ è ki mbuuw mò aledeē nduw kɔʼso mò aŋ ghùe zɛʼɛ.

Lumà 12:10 Iomraidhean Croise

Matìo 20:26

E lo yò dzə̂ êzə̀ am bvʉa zɛʼɛ̄, ghùw wəla ù so e doʼò ghùw ù nè am bvʉa zɛʼɛ̄ ki aledòʼò tsughu ghùw ù kə̀ fwàʼ â ghì à li ghən a dzə̀m.

Lûk 14:10

Abugho ghe laam naʼà tsughu ghû èzə̀, ndǔw dòʼo tsughu am bəla e ghì a lwə̄n, enyəa mò ghùw wəla ù nàʼà ghɛ bughò nù, ù ŋ kuuwn lò aledzàa wô â ghù enyəa, ‘Fə̄n waŋā, kɔʼ dòʼo ndùw fî.’ Ghî yìa ghɛ̀ à ghee doʼ sə̀ kɔʼso ghù.

Dzɔ̌n 15:17

Lâŋ kaŋa kə lo ko enyəa, ghɛ̀ è ləghaa ghue zɛ̀ʼɛ zo.”

Dzɔ̌n 17:21

Yìa Ŋ̀ gɔ̂ŋlo enyəa to ghe mô lò alo kəfəgha kə̀ mɔ̀ʼ aŋ ghùe e ghee, tò aŋghəa ghàʼ à ghù bɔɔ̄m lô sugho alo kəfəgha kə mɔ̀ʼ a Tsele, àsùghò enyəa sɛ̀ à ghee e bɔɔm lo sugho alo kəfəgha kə mɔ̀ʼ; to mbī boo tsughu enyəa a mùghò tum wò ghù.

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Lumà 13:7

Ghɛ̀ e fughuu nduw fəgha kəla ghɛ̀ ki alefughu tsəghà ndûw â ghee: mò à lǒ mwàʼsò kə̀ chuuw ko, ghɛ̀ n chùw è nduw, chuuw ndùw sùghò chuw tɛʼɛ, ghɛ̀ m fughuu ndùw kɔʼso məla m kpe â ghee.

Gàlashìan 5:13

Yia a bughò ghɛ a waazə̂ ghaŋa gho, Zə̀ kə̀ mò ghɛ shìaa nughu sə wo enyəa ghɛ̀ e ndzəə̄m mughu. E kuuwn kwo ko ghùw wɛʼɛ lô so e nîi ndzə̀m kə emùghù kə te ko tò dzì è lì â wə̄n aleghə̂əŋ ghəa à biigh ghəla gwən e eghuè zɛʼɛ e ləghaa ghè ghò. E laam kuuwn mughu nlò alo eləgha, yosò sùghò ghue zɛʼɛ.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Fèlepìan 2:3

Kà nlò è ghəəŋ dzə ghəa gho mò ghɛ̀ moʼn tə̀la kô ghue zɛʼɛ, ŋkāa aŋ ghùe è deē zo. E koʼō nduw nlò ghî à li gho tò ghî ghəla ghe tsəghà sə ghɛ.

Kòloshìan 1:4

Ghàʼ enyə ghəəŋ tsə̀ghà bòʼ aŋghəa ghàʼ mò zuw tsughu enyəa ghɛ̀ gaʼ fə̀ŋ a zəŋò Kə̀lestò Yɛso, àsùghò bòʼ ləgha zəla ghɛ̀ ki â ghì a Kəzə̀ ghò a dzə̀m.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

Hibùlù 13:1

E ləghaa nduw ko nlò ghue zɛʼɛ zo tò waazə̂.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 2:17

E fughuu nlò kɔʼso mò â ghî ghə̀n à dzə̀m; ləghaa dzeŋe kə wɛ a ndùghèkə̀zə̀, e mughù nlò an tsəŋ e Kəzə̀, ghɛ̀ è fughuu sugho kɔʼso mò â də̀ŋ kə̀ ne ko alo enaʼ.

1 Pità 5:5

Yia a bughò sugho ghɛ a waafəghàŋ ghò, ghɛ̀ ki alebɔɔm zuuw nduw sugho â ghì ghəla ghe tsə̀ghàsə tsugho ghɛ an nōo. Ghɛ̀ a dzə̀m ghəla ghɛ̀ lo mò ghɛ̀ m boo fughu â Zə̀ kò, ki alemaʼn tsughu ghue zo aŋ ghəa a ghɛʼɛ à ghəəŋ gho â wàazughù ghò, tɔŋlo enyəa ghe tɔm naŋa am mwàʼsò kə Kəzə̀ kə̀ enyəa, “Zə̀ kə̀ nyuʼn dzə̀m a zəŋò ghùw wəla ù kɔʼso ghue wo, kuuwn tɔʼnlò â wəla ù màʼn tsughuu ghue wo.”

2 Pità 1:7

Tò aŋghəa ghɛ̀ ki mwam e ghì a Kəzə gho, ghɛ̀ ki aleləghāa nduw kə̀chìa tò waazughù. Tò aŋghəa ghɛ̀ ləghaa kə̀chìa tò waazughù, ghɛ̀ ki aleləghāa ghî ghò a dzə̀m am fə̂ŋ e mɔ̀ʼ.

1 Dzɔ̌n 4:11

Fən ghaŋa gho, abugho Zə̀ kə fə̀ tɔ̂ʼ ləgha sɛ̀ ènyə, sɛ̀ ki sugho nû aleləghāa ghue e sɛ̀ zò.

1 Dzɔ̌n 4:20

Abugho ghùw dzɛ̀ enyəa e ləghaa Kə̀zə̀, vʉ̀a ù kuuwn bâa wàazə̀, ghùw ù te fi lòʼsò ghue u wə̄n. Tɔŋlo enyəa abugho ghùw yo aleləghā wàazə̀ mò ù kòʼò ndùw nû wə̄n, ù lo ênzə̂n aleləghā Kə̀zə̀ mò ù kaam wə̄n ŋ kôʼ kò a?