Lumà 12:1 - To kə Kəzə̀ kə̀ Fughu ko

¹ Yia a bugho êzəŋ a waazə̂ ghaŋa gho, à lǒ bòʼ se è kwuso zəla Zə̀ kə̀ ŋge ki a zəŋò sɛ̀ M̀ buʼū wô ghu ko â ghɛ̀ enyəa; ghɛ̀ Fughu nduw nlò ghue zɛʼɛ zo â Zə̀ kò tǒ fughu kəla ghe sɛ̂ fughu nduw â wə̄n mò ghɛ̀ kuuwn naam lò â tuw ko, mò ghɛ̀ zɔlɔ nù ghəəŋ sùghò enyəa fə̀ŋ e wə̄n e zɔlɔ. Mən lǒ kɔʼso n sə̀ŋò məla ghɛ̀ ki alefughuu â Zə̀ kò.

Lumà 12:1 Iomraidhean Croise

Lûk 7:47

Zən lò e ghee, Ǹ so Ǹ dzâa wô â ghù an tə̀ŋ kə̀ è chi enyəa, ndə̀mà tə təbòo tə̀là ù tso bûʼ ki ko fɛ, mùghò n nì zə̀, zuŋufia, ù ŋge dê ləgha zo. Yia a bugho ghùw wəla ù dè mbeʼe fə eləgha fo, Zə̀ kə̀ bôo tə wə̄n tə zə̂a sùghò mbəs.”

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 15:16

Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

Lumà 15:30

M̀ buʼu kə̀ghu â ghɛ̀ a waazə̂ ghaŋa gho an zən e Mughu ù te Yɛso Kə̀lestò àsùghò an daʼa kəla Zuʼ tə̀ Zɔlɔ tə fughu â ghɛ̀ enyəa, ghɛ̀ təmadzəəŋ wo mùghò alegɔɔ̄ŋ zee â Zə̀ kò an tuw kaŋa.

Lumà 2:4

Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Lumà 6:16

Ghɛ̀ kwo yo enyəa abugho ghɛ̀ boo tsughu alezuuw lâŋ kə ghûw kò tò ukɔ̂, ghɛ̌ fi lo ukɔ̂ â ghuw ù te a? Ghɛ̀ lo aledòʼò ùkɔ̀ â ghəa à biigh gho, ghə n nì wò èvʉ, ŋkāa ghɛ̀ e zuuw nduw â Zə̀ kò, to ghɛ̀ e mughu mùghù e tsəghatsəgha zo.

Lumà 6:19

Ŋ̀ ghəa ghən fɛ â ghɛ̀ kə̂aa wo tò ghùw nsɔ̌ɔŋnchùw, tɔŋlo enyəa ghəa à li a lo nû a tughuu â ghùw alezuūwkɛlɛ. À fə̀ bugho an tì kə̀ li ko, ghɛ̀ n nì kɔ̀ʼ ghùe zɛʼɛ naŋa tsughu tò ukɔ̂ aleghəəŋ kaaŋ tsə̀ghà dzə̀adzə̀ tə aghəa to àsùghò ndə̀mà tə ghəa a biigh to a te. An ndziī è mɔ̀ʼɔ è te, ghɛ ni kɔʼ sugho ghue zɛʼɛ zo e dzə̀m tò ukɔ̂ aleghəəŋ ghəa ghəla a lǒ tsəghatsəgha, ghəla a ghəŋlo enyəa ghùw e zɔlɔ.

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

2 Kòlentìan 10:1

À lò ghuūghùe waŋā Pôl, Ǹ zumso buʼū wô ghu ko â ghɛ̀ an zən e Kə̀lestò wəla ù bughunlō, zʉ̀ lò sugho; mùghò wəla ghî a li a kə̂aa kaŋlo enyəa, abugho Ǹ ti an sə kɛʼɛ̄ mùghò n tsəŋlo, mùghò ŋ kuuwn ki fə̀ŋ abugho Ǹ nughù nduw!

2 Kòlentìan 4:1

Ghəa Zə̀ kə̀ kwusō tsughu se zo a zəŋò ghàʼ, fùghù wò ghàʼ â fwàʼ kən, fəgha kə̀ li kə yo dzə̂ alebughusô fwee zaʼā a te.

2 Kòlentìan 4:16

Zən lò e ghee fəgha kə̀ li kə yo dzə̂ alebughusô fwee zaʼā a te. Ghəa ghue waʼa wə̄n fɛ a beē laā nduw, Zə̀ kə̀ tsôo kǔuwn fughuu tsə̀ghà ko ghàʼ â mùghù e fughu zo tsuʼu mən n dzə̀m n dzə̀m.

2 Kòlentìan 5:20

Ghàʼ fɛ êzəŋ e lo tuw kə Kə̀lestò, tò è so ghuūghùe u Kə̀zə̀ u mò ghu kə wə̄n kə̀buʼu kə buʼ am bàm zaʼā. Ghàʼ buʼu kə̀ghu an zən e Kə̀lestò enyəa ghɛ̀ biaan tsughu ghɛ̀ à ghê Zə̀ kò, ghɛ̀ ka kôom dòʼò sùghò ghî à kətūw a wə̄n gho, ghɛ̀ doʼo nduw fən a wə̄n gho!

2 Kòlentìan 6:1

Aŋghəa sɛ̀ à ghê Zə̀ kə̀ dzeŋe fwaʼà êzə̀, ghàʼ buʼu wò kə̀ghu â ghɛ̀ enyəa e kwo ghɛ̀ lô bomlo enyəa dzɔ̂ zəla Zə̀ kə mò de â ghɛ̀ e tsəghàa mîaa kə̀nughùnùghù.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 5:10

E dəma tsughu nlò aleghəəŋ ghəa ghəla a ghəŋlo enyəa fə̀ŋ è Mughu ù te e tsoʼnlo a te.

Fèlepìan 1:20

Ləgha zaŋa, àsùghò mòʼn zaŋa zo, lo enyəa, e kwo ko Ŋ̀ kê bvʉ̂a kôʼ am fwàʼ kaŋa, à è tsoo səasəa êzə̄ŋ a, àsùghò an nə̀gha tən tə̀ dzə̀m à, to Ǹ lo e ki fə̀ŋ, ghue waŋa u dzə̀m wə̀ è fughuu sugho kɔʼso mò â Kə̀lestò, ŋkāa Ǹ lo â səa à tughu gho ŋkāa M̀ kpuw ko nû.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

1 Tɛ̀sàlonìan 4:10

À kùm lò nu èsəŋò enyəa ghɛ̀ ləgha nù waazə̂ ghɛʼɛ gho an naʼ e Masɛ̀edonìa. Ghàʼ fɛ naam kuuwn toon kpeʼe wò ko ghɛ̀ a waazə̂ ghaʼa gho enyəa ghɛ̀ kele nduūŋ nduw ko mwam u te wo.

1 Tɛ̀sàlonìan 5:12

Ghàʼ buʼu kə̀ghuw â ghɛ̀ a waazə̂ ghaʼa gho enyəa, ghɛ̀ è fughuu nduw kɔʼso mò â ghì ghəla ghe dêe ghɛ â dzì am boo zɛʼɛ̄. Ghe lo tuw wɛʼɛ ghe yia a fwaʼà tə̀la tsughu alo kədaʼa alenaŋsô ghuw kə ebwìi kɛʼɛ

1 Timotì 2:3

Ŋgòʼ è mùghù zən enyə; alegɔ̀ŋlò an tuw u àghì dzɔ̀ɔ nù, zəa e tsəmso sugho fə̀ŋ è Zə̀ kəla kə bəghaasəa ghî ghò.

1 Timotì 5:4

Zə e sô kuuwn lô enyəa abugho wìikpuw ki wɛ gho ŋkāa wɛ awɛ gho, ghəəŋ tsughu enyəa ghe kele tsughu enyəa ghe ki alebùʼù kaʼ tsughu alefwàʼ fwàʼ kə Kəzə̀ a lǒ ghee an ndughu, enyəa ki alelɛnlo â ghè tsele ghèe ghê zə̀, tɔŋlo enyəa ghən lò ghəa ghəla a dzɔɔ̄ an sə kə Kəzə̀.

Filemùn 1:10

M̀ buʼu wò kə̀ghu â ghù an tuw kə wɛ waŋā wə̄n tɔɔŋ Omnɛsimùs, wəla M̀ bughò doʼò kɔʼ tsele aŋghəa Ǹ lo fɛ an ndùghùtsaʼ.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.

Hibùlù 13:22

Waazə̂ ghaŋa gho, M̀ buʼu kə̀ghu â ghɛ̀, enyəa ghɛ̀ naŋa wo nlò tuūŋ ko an shwaʼ waŋā wəla ù lo mò mùghò n tsʉ̀ wò ghɛ a te, zən lò e ghee Ǹ tɔm wô sə fə aghəa fən fo â ghɛ̀.

1 Pità 2:20

Namso kə̂a kə̀ kuuwn lǒ kwò a te à, abugho ghe buū ghû alo eghəa mò ghù ŋ ghəəŋ bonlo, ghù vʉ̀a ghù dzə̀n tsughu fə̀ŋ a te a, lò ko nû a. À sò fɛ kuuwn lò enyəa abugho ghù fanlo an dzɔ̀ zəla ghù ghəŋlo, ghù vʉ̀a ghù dzə̀n tsughu fə̀ŋ, Zə̀ kə n bughuso ghù.

1 Pità 2:5

Bùgho nlò a vʉ̀a Mughu ù te tò tia ghəla a ki mughù zò, ghe nîi kɔʼ ghɛ ghe bəghāa tiso kɔʼ ndùghù è shʉghà e Kə̀zə̀ a te, ghɛ̀ e ke fwaʼ tǒ fɔ̀e tə̀ zɔlɔ to alekɔʼɔ fughuu fughu kə̀ ushʉ̀ghà kəla kə kpe â Zə̀ kò am bàm e Yɛso Kə̀lestò.