Lumà 11:21 - To kə Kəzə̀ kə̀ Fughu ko

²¹ Zə̀ kə̀ ka fə zə̀ghà dzə̀ Dzûu təla tə fə̀ tso biso lô ghî a wə̄n gho mò kə kâ fɔ̀eso; e ghomlō nlò, tɔŋlo enyəa kə lo zə̀ghàan sùghò yò ghɛ mò kə kà ghɛ̀ fɔeso.

Lumà 11:21 Iomraidhean Croise

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 11:19

Ghɛ̀ kê lo nû alebəla dzaā tsùghuu enyəa, “Ghe fə̀ bvuʼn maʼa tsughu nû kwèe tən to alefughu kəbûʼ enyəa ghe nyuŋù naŋa nyəa nduw sɛ̀ aŋ kàʼ fə̀ te fo.”

Lumà 11:20

E lo nû èsəŋò, ghe ka fə boo fùghù dzə̀ â Zə̀ kò, zə̀ lò e ghee ghe fə̀ bvuʼn maʼà sə tsughu wo ghee. Ghɛ̌ yia kuuwn nyɔ̂ʼ ti bòʼ ghɛ̀ fə̀ boo fughu à Zə̀ kò. Ghùw wɛʼɛ ki dzə yo alekɔʼso kaaŋ mbòʼ tò aŋ ghəa a te gho, ghɛ̀ laam ki aleghomlo aŋ ghəa zəla e lo alesə̄.

Lumà 11:22

Kòʼ nlò dzɔ̂ e Kə zə̀ zo àsùghò aŋghəa kə ŋgɛlɛ a te: Zə̀ kə̀ kwo sugho alefɔeso ghì ghəla ghe lo mo ghe ŋ ghəəŋ bonlo. Dzɔ̂ è Kəzə̀ zə e kuuwn lo â ghɛ̀ abugho ghɛ̀ ghəəŋ dzə̂ ghəa ghəlà kə leghāa enyə ghɛ̀ e ghəŋlo, buw èzə̀, Zə̀ kə lo alefàa maʼà səa tsughu wô ghɛ̀ tǒ kwèe kə fəkàʼ.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Dzûd 1:5

Aŋghəa ghɛ̀ bûʼ kwo ko ghəa ghən gho a dzə̀m, Ǹ naam ləghaa ko nù alezə̀əŋ kpeʼe wô ghɛ̀ aŋghəa Tsə̂ntə̀mbî fə̀ bəghasə tsughu ghî a wə̄n gho aŋ ghùu ghì ghə Edzipt à li gho an tì kə̀ li ko, kə ŋ kòom ndùw bùghò dzùw màʼà tsughu à li ghəla ghe fə̀ doʼŋkè boō fughu â wə̄n.