Lumà 11:11 - To kə Kəzə̀ kə̀ Fughu ko

¹¹ M̀ bvʉ enyəa, à lǒ mò Dzûu tə̌ fə̀ taāŋ kɔʼ alebvʉ̀a doʼo təla tsughu alo kə lùʼu kə mɔ̀ʼ à? E yo dzə ezə̀. À fə̀ lo bòʼ ghe fə̀ ghəəŋ tsughu ebo, zə lo e ghee ghəa à zəa a kətuw a bughò mɔ̂m Toʼò zò, aleghəŋlo enyəa Dzûu tə̀ è ki ghòʼ ko a zəŋò ghee.

Lumà 11:11 Iomraidhean Croise

Lûk 20:16

Ù bùghò mìasò nǔ ghee a, ù daŋso nìi fughuu səā ndûw sum u te wo â ghì à nughù ghò.” Ghəa ghî yi zuw tsughu ghəa ghən, ghe mo enyəa, “Kà boo!”

Kə̀fwàʼ 13:42

Ghəa Pôl ghèe Bànabàs səā nughùun wo, ghî yi ghə n dîi dzàa wò â ghee enyəa to ghe mô bughò kə̂aa kpeʼē wô ghəa ghən an Tsuʼntsə̄ u vʉa u mò kəə̄ŋ wo.

Kə̀fwàʼ 18:6

A m bùghò ghe sô komso wə̄n a fughu, sùuwn sùgho wə̄n a fughu, ù n zə̀ghàsò màʼà tsùghù kəgbə̂n an ndzʉ tə wə̄n, aledèe tsughu enyəa e fɛ nyuʼu dzə̀m â ghee. Ù n dzɛ̀ â ghee enyəa, “Vʉ zɛʼɛ e lɛɛn ko ghɛ̀, ghu kaŋa kə yo a te. Alenùghù tsughu êzə̄ŋ ndùw â sə ko, Ǹ lô ghəa gho êzəŋ nduw kəaa â Tòʼò zò.”

Lumà 10:19

Ǹ so ŋ kôom bvʉa kpeʼē tsughu enyəa; À lò enyəa ghî ghə Ezə̀lɛ̂ à ka fə zuwkɛlɛ̄ ŋkāa? Nu Musî fə lo ghùw ù sûesʉ aledzàa wô shwaʼ u Kəzə̀ wən â ghee enyəa, “Ǹ lo nìi wò aghì an naʼ zəla ghɛ̀ moʼò enyəa à yò dzə̂ naʼ e səŋò zò, Ŋ̀ ghəə̄ŋ tsughu ghî ghaŋa ghə e ki mʉ̌ʉn ko a te. Ǹ lo nîi wô ghì a laŋà kə enaʼ kə li ko enyə, Ŋ̀ ghəə̄ŋ tsughu nə̀ghà mə̀ è pfʉa ghe a te.”

Lumà 11:1

M̀ bvʉ enyəa, à lò enyəa Zə̀ kə ghî a wə̄n a tue màʼa nù a? Ɛ̂ŋgaŋ dzə̂! Ghuūghùe waŋā, Ǹ lo ghùw wə Ezə̀lɛ̂, Ǹ sə an tigh kə Abə̀làhâm aŋ kèndughu kə Bɛndzàmɛ̂n.

Lumà 11:12

Bo e Tə̀dzûu è nîi wò bughuso è nêe nē zo â Tòʼò zò e dzə̀m. Yìa à lo dzɔ̀ â Tòʼò zò aŋghəa Dzûu tə fə̀ lɛɛ̄ kôom tsughu alezuūwkɛlɛ fəgha kə̀là Zə̀ kə̀ ləghaa ghe kò. Dzɔ̀ mò so yia boʼò lò ênzə̂n a, abugho Tə̀dzûu tə̀ dzə̀m mò təma dzəə̄ŋ ndûw ghî ghəla ghe ki alezə kətuw a?

Lumà 11:14

Zə enyə lò enyəa waazə̂ ghaŋa tɔɔŋ Tə̀dzûu lô kpaʼa ghoʼò ghəa a te gho, to ghəa a te a ghəŋlo ghee a li a zə kətuw.

Lumà 11:31

Ghî ghə Ezə̀lɛ̂ yia a kôʼ tsughu se è kwuso zəla Zə̀ kə mò dê tsughu â ghɛ̀ a Toʼò zò, ghe yia kaʼ tsughu aletughu â tuw wo, aleghəŋlo enyəa Zə̀ kə̀ dêe wô sugho se è kwuso e te zo a zəŋò ghee.