Lumà 11:10 - To kə Kəzə̀ kə̀ Fughu ko

¹⁰ To ghe mô fôsò naŋa sə a ghee gho aŋghəa ghe yo alekòʼò kɛlɛ̂ ghəa è li zo. To kwəla kə e lo alesə̄ ghùw ù te an dzəm aŋ ghù fala zo.”

Lumà 11:10 Iomraidhean Croise

Lumà 1:21

Ghəa ghe mò bûʼ kwo ko Zə̀ kò, ghe mò fughuu dzə yo ghè kò â kɔʼso mò àsùghò zɔ̀ɔŋ ko. Ghe n nî kɔ̀ʼ tɔ u ghee naŋa ndùw an làŋà tə aghəa, moʼnlò è biigh zəa e nyə lue tsughu am fə̀ŋ tə ghee.

Lumà 11:8

E lo nû am mwàʼsò kə Kəzə̀ enyəa, “Zə̀ kə fə̀ tughuso naŋa tsughu fə̂ŋ tə ghee, làʼsò nàŋa tsughu sùghò moʼnlò e ghee, alebùghò tâa wô an tsuʼ fə nɛ fə̄n ghùw ù te u mɔ̀ʼ buʼ yò alekòʼòkɛlɛ ŋkāa alezuūwkɛlɛ̂ ghəa è li zo.”

Efɛsùs 4:18

Ləm chia kə lo an sə a ghee, ghe yia a ki yo ghu ko am mùghù è fughu zəla Zə̀ kə̀ fughu â ghì ghò, bòʼ fə̂ŋso e ghee, ghe sô tughuso naŋā tsughu fə̂ŋ tə ghee to.

2 Pità 2:17

Ghî ghən lo tò bûʼ wə mmùghu wəla mùghù n zʉme nùghù sə kɔʼ a te, mo u ki yo fwàʼ kò; ghe lo tò bʉgha wə eghuuw kuɛ̀ɛ kə̀ dzûu kaāŋ tsəgha. Ghe m bùʼ kò â ghee tsəm naŋa am fə̂ŋ è kə̀ləm.

2 Pità 2:4

Tɔŋlo enyəa Zə̀ kə̀ ka fə̂ zəən zə̀ghà dzə̀ alefɔesô tsə̀ntəndə̄ghā tə wə̄n tə̀ li to an nə̀gha zəla ghə fə̀ ghəə̄ŋ tsughu bo zo. Kə a fə̀ ni kɔn tsughu ghee, màʼà nàŋa nyə tsughu alô fə̀baʼebigh, am bùʼ kə utsù enyəa ghe e ləəm tsughu tsuʼu saʼ wo.

Dzûd 1:13

Ghe lo tǒ ŋgaam kə kətùŋùtùŋu an dzùghùntsòʼ, mo ghəa a ghee dəla a kətuw a dêe sə̌a kɔʼɔ ùghue tò etsə̀m. Ghe lo tǒ sə̀ghàbəlà mə̀la n làʼà ŋgəaa kaāŋ tsəgha edzūŋ, mò Zə̀ kə̀ n naŋa luʼu kə kələm kə̀ biigh ko â ghè mò, kəla ŋ kè doʼn təla a te.

Dzûd 1:6

Tsə̀təndə̄ghā tə Kəzə̀ təla tə fə̀ ti naŋa taʼa tsughu bəla zəla Zə̀ kə fə̀ naŋa enyəa ghe e fwaʼa a te, tì zə̀ghàa tàʼà sùghò luʼū təla ghe fə̀ mughu a te, Zə̀ kə ŋ kùm tsùghu ghee alo tətsāʼ fè nàŋa ndùw ghee an alo kələ̄m enyəa tə doʼò fughu to nəgha zəla ghe lo saʼā sàʼ è wə̄n ne a te lo telè kpeē tsughu.