Lumà 10:7 - To kə Kəzə̀ kə̀ Fughu ko

⁷ Ŋkāa enyəa, “À lò ndughoo ù lò alenyəa tsughuu ndûw an naʼ zə evʉ̄?” (Aledzàa tsughu enyəa, à lǒ mò ù so e ndûw zôo nughù səā kɔʼɔ̄ wô Kə̀lestò alo evʉ̄ a)?

Lumà 10:7 Iomraidhean Croise

Lûk 8:31

Zʉ̀ u te wə m buʼu kə̀ghu â Yɛso enyəa, e kwo ù lò nîi tuū nduw ghee alô fə̀bɛʼɛ̀bigh.

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.