Lumà 10:6 - To kə Kəzə̀ kə̀ Fughu ko

⁶ Fəgha kə̀là Mwàʼsò kə Kəzə̀ kə̀ kuuwn dzaā kùu ndùw ghəa ghùw bùghò doʼn tsəghatsəgha a te a vʉ̀a Zə̀ kò bòʼ boo e wə̄n lo enyəa, “Ghù ki dzə yo alebvʉa tsughu am fə̂ŋ zə̀ghà enyəa, à kè lò alo kəwala kɔʼɔ ndùw ndùgho.?” (Aledzàa tsughu enyəa, ù so ndûw nîi tsughuu wô Kə̀lestò a),

Lumà 10:6 Iomraidhean Croise

Dzɔ̌n 6:33

Tɔŋlo enyəa bɛ kə Kəzə̀ kə̀ lo kəla kə tsughuu wô alo kəwalā, chia kə fughu mughù zò â ghì a mbī gho.”

Dzɔ̌n 6:38

Nu Ŋ̀ kâ nùghù tsùghù wò dzə̀ alo kəwālā alebùghò fwâʼ ghəa a nʉ̀ghà ghaŋa, M̀ bughò alebùghò fwâʼ fwaʼ kə ghùw wəla ù tum wô mugho.

Dzɔ̌n 6:58

Kən lò bɛ kəla kə mò sə tsughu wô alo kəwālā, à yò dzə̂ tò kəla ghê tsùghò fə̀ zə ghè kò, ghe mo è kpuwnlo. Ghùw wəla ù kuuwn zə bɛ kən ko, lo mùghùun tə̀la nù.”

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:25

Wə̄n wəla Zə̀ kə fə̀ nî fughu sə wo enyəa ù bùghò kpuw vʉ e kəmùwnlo to kâŋ tə wən tə sûuw maʼa bòo tə aghì ghəla ghe boō fughu â wən. Zə̀ kə fə̀ enyə ghəŋlo aledèe tsughu enyəa kə lo tsəghatsəgha. Nu â wǐiwǐi, kə mò kɔɔn tsughu fə̀ŋ, kə̀ n tsò zhə̌ən zə̀ghàa sùgho bòo tə aghì.

Lumà 4:13

To kəla Zə̀ kə fə̀ to naŋa â Abə̀làhâm ghèe ghê waawɛ a wə̄n gho, enyəa à kè mbī e dzə̀m ki ghee fə̀ yo dzə̂ bòʼ Abə̀làhâm fə̀ zuūw lâŋ kò. À fə lo bòʼ fə̀ŋ zəla ù fə̀ gaʼ tsughu a zəŋò Zə̀ kò, Zə̀ kə̀ n nì ndùw wə̄n an tāŋ enyəa ù lò ghûw ù tsəghatsəgha.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 11:7

À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.