Lumà 10:3 - To kə Kəzə̀ kə̀ Fughu ko

³ Ghe kaam kwo dzə yo dzì zəla Zə̀ kə̀ naāŋ ghùw a te tsəghatsəgha a vʉ̀a wə̄n, Ghe ŋ kuuwn də̀m è tsughu, kəŋ tsughu è ghee dzì alelo tsəghatsəgha a te. Ghe ŋ kè kuuwn boō dzì zəla Zə̀ kə̀ nîi ghî ghò a te enyəa ghe doʼò tsəghatsəgha a vʉ̀a wə̄n.

Lumà 10:3 Iomraidhean Croise

Lûk 10:29

Tûw vʉ n ləghaa aledèe tsughu enyəa e kâ nɔ̄ʼ, ù m bvʉ â Yɛso enyəa, “Wàanùghò lò ndughoo?”

Lûk 16:15

Yɛso n dzɛ̀ â ghee enyəa, “Ghɛ̀ lo ghî à dzûŋ ghò an sə kə aghì, Zə̀ kə̀ kuuwn kwō fə̂ŋ tɛʼɛ; nu fʉgha wəla ghî à kuūwn kɔʼsō, à lò udzʉ an sə kə Kəzə̀.

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

Lumà 10:2

Ǹ lo nû alekùum dzâa wô â ghɛ̀ enyəa ghe ki nû ghɛ̂ zò alefwaʼā â Zə̀ kò, à sò kǔuwn lò ko enyəa ghe kwo yo dzì zəla ghe lô aletsə̀ghà a te.

Lumà 10:20

Ghùwshʉ̀ghà Èzayà fə̀ do dzɛ sə wo shwaʼ u Kəzə̀ â ghee an dzughu e tugho zo enyəa, “À fə̀ mugho laam kəŋ kele ghî ghəla ghe fə̀ kəŋo dzə̂ yo mugho. Mughò m bùgho dè wò ghue waŋa â ghì ghəla ghe fə̀ buʼù bvʉā tsəghà yô mugho.”

Lumà 11:7

A êzəŋ e lo to a e dzâa tsughu êndūghō? Ghî ghə Ezə̀lɛ̂ a ka fə kele dzə̀ fəgha kəla ghe fə̀ kəŋo tsəgha ghè kò. À fə̀ lo ko sə fə aghì fə̀là Zə̀ kə fə̀ shìaa kɔʼ. Ghî a li ghən a dzə̀m ŋ kuuwn tughuso naŋa tsughu fêŋ te ghee enyəa ghe zuuw yo fəgha kə̀là Zə̀ kə̀ tɔɔŋ ghee a te.

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:26

À fə̀ lo aledèe tsughu êzəŋ enyəa ghuūghùe u wən u lo tsəghatsəgha àsùghò enyəa à lǒ wə̄n ù ghəŋlo enyəa ghùw bùghò dòʼò tsəghatsəgha a vʉ̀a wə̄n bòʼ boo zəla ghùw ù te ki â Yɛso.

Lumà 5:19

À fə̀ lo bòʼ tughu e kətuw e ghùw u mɔ̀ʼ ndə̀mà tə aghì tə fə̀ ndûw bugho ghî à biigh gho, à lo sugho eghala bòʼ ghùw ù mɔ̀ʼ fə̀ zuw sugho lâŋ kò e fə̀ ghəŋlo ndə̀mà tə aghì tə lo bugho doʼn tsəghatsəgha.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.