Lumà 10:2 - To kə Kəzə̀ kə̀ Fughu ko

² Ǹ lo nû alekùum dzâa wô â ghɛ̀ enyəa ghe ki nû ghɛ̂ zò alefwaʼā â Zə̀ kò, à sò kǔuwn lò ko enyəa ghe kwo yo dzì zəla ghe lô aletsə̀ghà a te.

Lumà 10:2 Iomraidhean Croise

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Kə̀fwàʼ 21:20

Ghəa ghe zuw tsughu ghəa a te gho, ghe m fughu ukɛɛ â Mughu ù te, dzɛ̀ â Pôl enyəa, “Ŋ wàazə̀ Pôl, kǒʼ ndə̀mà tə təkām tə ghì a Dzùdîa təla tə boo tsughuu, àsùghò aŋghəa dzaŋadzaŋ tə kɔʼn ghee alo kəlàŋ a.

Kə̀fwàʼ 21:28

Ghî a te ghə m buʼnlo mbɔŋ, dzàa tsùghù enyəa, “Wo ghî ghə Ezə̀lɛ̂ ghò, tɔ̌ɔ wò nlò! Wən lò tûw wəla ù tsʉ̀ boōn tsughu ghî ghò luʼū ten tə̀ dzə̀m enyəa ghe ka e zuuw â ghì ghò, ghe ka e naaŋ lâŋ kò, ghe ka e kɔʼso sugho luʼū kən: vʉ̀a ù mò fəghaan ndûw nî nyə wô sughò ghî a Gə̀lês ghò fɛ am bêne ko, nùʼn bǒon tsughu luʼū kə̀ baa kən!”

Kə̀fwàʼ 22:22

Ghî a te ghə n zəən kô shwaʼ u Pôl u te wo enyə, ù m bùghò mɔ̀m tsùghù ghəa zən enyəa: ghe ŋ kòom dàŋso nùghù kaʼ è kɔʼ buʼn səā kɔʼɔ mbɔ̀ŋ an dzə̀ tə̀ tughu to enyəa, “Nǐi kɔʼ nlǒ wə̄n! Wi màʼa nlǒ wə̄n! Ù kì yo alelō â tuw ko!”

Kə̀fwàʼ 22:3

“Ǹ lo ghùw ù Dzûu, ghe dzə tsughu aŋ naʼ e Talsùs am mbùʼ è Sìlishìa, yìa Ŋ̀ kuūwn noō fɛ̄ alo enaʼ a tsəlà Gàmalìɛl, ghe yia zoʼn kɔʼ wô mugho an tɔ̀ʼ kə umwam kə làŋ kə ghê tselè sɛ̀. Mùghò n tso ki sugho eghɛ̂ aŋ ghəa e Kəzə̀ tò ghɛ̀ a dzə̀m lò nɛ.

Lumà 10:1

Waazə̂ ghaŋa gho, fəgha kəla Ǹ diī ghè kò àsùghò gɔ̀ɔŋ zaŋa zo lo enyəa, to Zə̀ kə̀ mò ghəŋlo ghî ghə Ezə̀lɛ̂ à zə kətuw.

Lumà 10:3

Ghe kaam kwo dzə yo dzì zəla Zə̀ kə̀ naāŋ ghùw a te tsəghatsəgha a vʉ̀a wə̄n, Ghe ŋ kuuwn də̀m è tsughu, kəŋ tsughu è ghee dzì alelo tsəghatsəgha a te. Ghe ŋ kè kuuwn boō dzì zəla Zə̀ kə̀ nîi ghî ghò a te enyəa ghe doʼò tsəghatsəgha a vʉ̀a wə̄n.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

2 Kòlentìan 8:3

Nu, ghəa Ǹ lô aledzɛ̀, chìa mò fughuu nû bùʼù fùghuu tsə̀ghàa ghəa ghî a mò kwo enyəa ù lò alefughu a te, ghe m fughuu sùghò am fə̂ŋ è ghee e dzə̀m, mo kâ ghee kɔ̂n dzə̀.

Gàlashìan 1:14

Mùghò ŋ ŋgee nomlo aŋ ghəa a Zə̀ kə Tə̀dzûu tsə̀ghàtàʼà ghàŋ faŋa fə̀ li fən. Mùghò ŋgee mùʼù sùghò â mbuuw mò alebwiī aŋ ghəa ghəla bughōo kə ghê tsele ghaŋā a wii kə deē.

Gàlashìan 4:15

Duʼn kəla ghɛ̀ mò bûʼ ki tsəgha, kə ndûw ghɛ̀ êzə̄ŋ? Nu mughò ŋ kòʼ enyəa abugho dzì fə̀ bûʼ lo â ghɛ̀ alefɔ̀ʼn səa wô sə ghɛ̄ʼɛ to ghɛ̀ fughu wo â mùghò, to ghɛ̀ mafə êzə ghəŋlo.

Fèlepìan 1:9

Ŋ̀ gɔ̂ŋlò enyəa to ləgha zə eghùe zɛ̀ʼɛ e mô nǒom ndùuŋ ndùw àsùghò tɔ wɛʼɛ ù zuuwkɛlɛ wə aghəa ghəla a lô è səŋò àsùghò enyəa ghɛ̀ e lo alekwo ghəa è səŋò zo a zəŋò è biigh zo,

Fèlepìan 3:6

Mùgho fə̀ lo tsəgha ghùw wəla ù fə̀ ki zǐi alezoʼn ghì ghò an làŋ kə enaʼ ko, aŋghəa mùgho fə̀ fughuu tsəgha ghî ghəla ghe boō fughu an zən e Kə̀lestò â tsù wò bòʼ mùgho fə̀ moʼn tsəgha enyəa ghe dəmà alesàʼà maʼà làŋ kə enaʼ ko. Mùgho ŋ ghəəŋ dzɔ̀ɔ, tò aŋghəa lâŋ kə̀ deē.

Kòloshìan 4:13

Ǹ lo nû aletɔ̀ʼɔ̀ teso dzɛ̂ aŋghəa ù ŋgəmso kûu ŋgəmso ŋgeē fwaʼā a te â ghɛ̀, àsùghò â ghì à yia ghe lo an naʼ e Làodisea àsùghò an naʼ e Hielapolìs.