Lumà 10:16 - To kə Kəzə̀ kə̀ Fughu ko

¹⁶ À sò kǔuwn lo ko enyəa à yò dzə aghî a dzəm ghe lo mo ghe m boo làbəlà è dzùŋ è te. Tɔŋlo enyəa ghùwshʉ̀ghà ù Kə̀zə̀, Èzayà fə dzɛ̀ naŋa enyəa, “Mughu ù te, à mò lo ndugho ù mò boo fughu â shwaʼ u sɛ̀ wò?”

Lumà 10:16 Iomraidhean Croise

Matìo 13:14

Ghəa a te a fɛ lueso tsughu lâŋ kə ghuwsʉghàs Èzayà a zəŋo ghee ghəa ù fə dzɛ̂ tsughu enyəa, ‘Ghɛ̀ lo mgbaŋa zəən nù, ghɛ̀ è zuuw tɔɔ yo, ghɛ̀ è kòʼō, kòʼò kɛ̀lɛ yo.

Dzɔ̌n 10:26

Ghɛ̀ yo alebōo bòʼ ghɛ̀ yo dzə ndzì taŋa to.

Kə̀fwàʼ 28:24

Ghî à li ghə m boo fùghù ndùw sùghò am fəgha kəla ù mò kəaa, à li ghə ŋ kè boo.

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

Lumà 3:3

À fə̀ sə kə kwò aŋghəa ghee à li a tɔ̂ʼ tì yo am boo e ghee a? Aŋghəa ghee à li a fə̀ taʼkè ghə̂əŋ ghəa ghəla ghe fə̀ boō naŋa aleghəŋlo, e fə lo nû enyəa Zə̀ kə̀ yo sugho aleghəə̄ŋ ghəa ghəla kə fə̀ to naŋa a?

Lumà 6:17

E sô kuuwn lò ko enyəa, a fughu kəzɔ̀ŋlò â Zə̀ kò enyəa ghɛ̀ ghəla ghɛ̀ mo bûʼ lô tsəgha kɔ̂ wò â ghəa a biigh gho, ghɛ̀ bwîi nù aŋ ghəa ghəla ghî ghəla ghe mo zoʼn ghɛ a te fə̀ fughu naŋa â ghɛ̀.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Gàlashìan 5:7

Ghɛ̀ mò mgbaŋa bwiī dzɔɔ̄ nû, am fwàʼ kə Kə̀zə̀ kɛʼɛ. À màʼà ghɛ koōm bughu naŋa ndughoo enyəa ghɛ̀ ka tee tən tsughu ko an səŋò e te zo a?

2 Tɛ̀sàlonìan 1:8

Abugho ù kè səā tsughu wo ghèe ghè tsə̀təndə̄ghā tə Kəzə̀ tə wə̄n to èzə̀ à wə̀n ù bəghaan wo, ù kê dî tə̀ŋgàmà a zəŋò ghì ghəla ghe kwo yo Zə̀ kò àsùghò a zəŋò ghì ghəla ghe bwîi yo aŋghəa Làbəlà è Mughùbè ù sɛ̀ Yɛso děe.

Hibùlù 11:8

À fə̀ lo bòʼ Abə̀làhâm fə̀ boo fughu tsughu â Zə̀ kò e fə̀ ghəŋlo enyəa ù zuw dzə̀ e Kə̀zə̀ aŋghəa Zə̀ kə̀ fə̀ tɔŋɔ wə̄n enyəa ù ndùw an lùʼù kəla ù fə̀ ki alendùw zə. Ù n sə̀ nùghù ndùw a fughu mò ù kwò yo luʼu kəla ù mò nduūw a fughu.

Hibùlù 4:2

Tɔŋlo enyəa ghe maā làbəlà e dzùŋ zən â sɛ̀ naʼa wò, to aŋghəa ghe fə̀ naʼà ndûw sugho â wɛ ghə Ezə̀lɛ̂ ghəla ghe fə̀ lo aŋ ŋgwən. Làbəlà zəla ghe fə̀ naʼa nduw â ghee ŋ kè kuuwn kwu eghəa, bòʼ ghî ghəla ghe fə̀ zuw làbəlà e te ka fə nî naŋa dzə̀ am fə̀ŋ tə ghee.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 2:8

Ghe yia tɔm naŋa sugho am Mwàʼsò kə Kəzə̀ enyəa, “Zən lò tia zəla ghî à kê tsɔ̂ɔn tsəghà ghuw gho a te; nɛ kəla ghî à kê tâaŋ bvʉā a te.” Ghe kê ghuw a tsɔ̂nlo bòʼ ghe fə̀ tsughoso maʼa shwaʼ u te wo; tò aŋghəa Zə̀ kə fə̀ fôʼ naŋā â ghee.

1 Pità 3:1

Yi ghə anum gho, e zuuw nduw sugho nlò â num ghɛʼɛ gho, to abugho ghe à li a lô ko mo ghe kâ bǒo fughu â Zə̀ kò, ghe n lo alebōo fughu mò ghùw kà ghəa zo â ghee kə̂a bòʼ mwam zɛʼɛ, yi a ghee,