Lumà 10:12 - To kə Kəzə̀ kə̀ Fughu ko

¹² Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 10:12 Iomraidhean Croise

Kə̀fwàʼ 7:59

Aŋ ghəa ghe təə̄m Sìto êzə̀ alo atīa, ù ŋ gɔ̀ɔŋ tsùghù enyəa, “Mughubè Yɛso, nǐi ndǔw fə̀ŋ zaŋa.”

Kə̀fwàʼ 9:14

Ù fɛ lo mò ù daʼa kə nî wò aŋ ghùu fɔ̀e tə̀ tughu to alekwuu kɔlɔ̄ tsughuu ghî ghəla ghe fughuu ghû â kɔʼso mò.”

Lumà 14:9

Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

Lumà 15:12

Ghùwshʉ̀ghà u Kəzə̀ Èzayà vʉ̀a ù dzɛ̀ sugho enyəa, “Ghùw kè sə̌a wò an tigh kə Dzɛsɛ̀, ghùw ù te kê lò tsəgha wəla ù kè bughò saʼa tsəgha tuw kə Etoʼò zò, Toʼò zə̀ e ke chiī tùʼ e ghee a zəŋò wə̄n.”

Lumà 2:4

Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

1 Kòlentìan 1:2

Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 15:47

Ghe fə̌ ghùw ù sûesʉ wən bɔm sə kɔʼ alo təzùʼ, ù lò ghueekətsə̄. Ghùw ù ebàm wən n sə tsùghù wo alo kəwālā.

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 2:4

À sò kuuwn lò ko enyəa Zə̀ kə̀ ŋge ki se è kwuso zo, bòʼ ləgha e wə̄n zəla kə ki â sɛ̀.

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Efɛsùs 3:16

Ŋ̀ gɔ̂ŋlò enyəa to Zə̀ kə̀ mô nîi kɔʼ kum e wən è ne zəla e kê mîaan koʼò yo kə dzəlà tsughu fə̂ŋ tɛʼɛ a te an daʼa kəla Zuʼ tə̀ Zɔlɔ tə fughuu â ghɛ̀, tò ghɛ̀ e tughuu,

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Fèlepìan 2:11

Àsùghò enyəa, aghî a dzə̀m e ke dzâa səa wo an dzughu e tughō zo enyəa, Yɛso Kə̀lestò lǒ Mughu ù te. Ghe kê èzə ghəŋlo, ghe sô fughuu kɔʼso mò â Zə̀ kò, Tsele ù te.

Fèlepìan 4:19

À lǒ Zə̀ kaŋa kə te ko kə lo fughu fʉgha wən ù dzə̀m ghɛ̀ ləghaa an kum zəla e lo an zən e Kə̀lestò Yɛso

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

1 Timotì 2:5

E lo êzə̀ bòʼ, Zə̀ kə̀ lo ko kə mɔ̀ʼ, yìa à lô sugho ghùw ù mɔ̀ʼ ù nìi təmadzəə̄ŋ wô ghî ghò ghèe ghê Zə̀ kò, ghùw wə̄n lo Kə̀lestò Yɛso.

Edêe Fughu 17:14

Ghe lo sòʼò nduw Tsʉa u Ndzì u te wo an tsam, Tsʉa u Ndzì u te u kê təma kɔʼ ghee, nu ù lò Mughu ù ghê mughùbè, lò sugho Də̀ŋ kə udwə̀ŋ. Ghî ghəla ghe lo ghèe ghee lo ghî ghəla ghe gaʼ tsughu fə̀ŋ a zəŋò wə̄n, ghe mò tɔŋɔ̄ tsughu, shìaa è kɔʼ.”

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”