Lumà 1:9 - To kə Kəzə̀ kə̀ Fughu ko

⁹ Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 1:9 Iomraidhean Croise

Mâk 1:1

Ghən lò ghəa ghə̀là làbəlà è dzùŋ fə̀ dəghàan tsughu a te kùu ndùw Yɛso Kə̀lestò, Wɛ̀ ù Kə̀zə̀.

Lûk 18:1

Yɛso n daŋso kwə̀ən kə̀a tsughu aghəa â tsə̀təndə̄ghā tə wə̄n to enyəa ghe lô bughū kômlo alegɔɔ̄ŋ tsəgha.

Kə̀fwàʼ 12:5

Pità fi kɔʼ nu ndùghùtsāʼ, ghî a kèlestò ghə̀ ŋ kuuwn dòʼò tsughu ko fɛ̀ è bàm mgbɛɛ gɔ̀ɔŋ ko Kə̀zə̀ an tuw kə wə̄n.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 27:23

nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Lumà 9:1

Ghəa ghə̀là Ŋ̀ kə̂aa wo yò dzə agha, Ŋ̀ kə̂aa êsəŋò, tɔŋlo enyəa ghàʼ à Kə̀lestò lò kəfəgha kə̀ mɔ̀ʼ. Zuʼ tə̀ Zɔlɔ təla tə lo am fə̂ŋ zaŋa teso dzàa wò nù enyəa Ŋ̀ kaʼn yo gha gho.

2 Kòlentìan 1:23

Ǹ dzɛ̂ enyəa Zə̀ kə̀ mʉā fughu gùw zaŋa — enyəa mùghò mò koōm moʼn ke nû alebùghò tɛ̂ a vʉ̀a ghɛ̀ aŋ Kolèent enyəa Ŋ̀ ka ghɛ kôom bùghò fə̀mso kpeʼe sùghò.

2 Kòlentìan 11:31

Kə̀zə̀, Tselè Mughubè Yɛso Kə̀lestò, wəla ù ki kɛɛ wəla u doʼò tən kwo nû enyəa Ŋ̀ kaʼa yo ghā gho.

Gàlashìan 1:20

Kòʼô! Ghəa ghəla Ǹ tɔɔ̄ wô fɛ â ghɛ̀, Zə̀ kə̀ kwo nû enyəa Ŋ̀ kaʼn yo gha gho.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Fèlepìan 1:3

M̀ fughuu kə̀zɔ̀ŋlò â Zə̀ kaŋa ko nəgha tən tə̀ dzə̀m abugho M̀ moʼn tsughu ghɛ,

Fèlepìan 1:4

àsùghò nəgha tən tə̀ dzə̀m abugho Ŋ̀ gɔ̂ŋlo â ghɛ̀, M̀ bughoo mùgho ŋ gɔŋlò alo eduʼnlo,

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

1 Tɛ̀sàlonìan 1:2

Ghàʼ fughuu zee kə̀zɔ̀ŋlò â Zə̀ kò bòʼ ghɛ̀ a dzə̀m, yia a zə̂əŋ zee sughô zən ghɛ̀ʼɛ̀ ghò aŋ gɔ̀ɔŋ zaʼa.

1 Tɛ̀sàlonìan 3:10

Ghǎʼ yìa a gɔ̂ɔŋ zēe Zə̀ kò, gɔ̀ɔŋ bwîi am fə̂ŋ zaʼa e dzə̀m enyəa to kə mô ghəŋlo enyəa to ghàʼ mô kôom koʼò wô ghɛ̀, ghɛ̀ koʼ wo sugho ghàʼ, asùghò enyəa ghàʼ kele sughò dzì zəla a lô alefəghaan nîi tisô boo zɛʼɛ a te.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:3

M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

Filemùn 1:4

Waʼawāʼ, M̀ fughuu kə̀zɔ̀ŋlò â Zə̀ ko nəgha tən tə dzə̀m abugho Ǹ zə̂əŋ tsughu ghû aŋ gɔ̀ɔŋ zaŋa.