Lumà 1:8 - To kə Kəzə̀ kə̀ Fughu ko

⁸ Alekaʼa nùghu tsughu, M̀ fughuu kə̀zɔ̀ŋlò â Zə̀ kaŋa kò am bàm e Yɛso Kə̀lestò an tuw wɛʼɛ u dzə̀m, enyəa mbī e dzə̀m fɛ zuuwkɛlɛ mɛʼn wò nù enyəa ghɛ̀ m boo fughu â Kə̀lestò.

Lumà 1:8 Iomraidhean Croise

Matìo 24:14

Ghe lo naʼà tsughu làbəlà è dzùŋ zə̀n â nàʼà mə̀n n dzə̀m n dzə̀m, to ghî ghən à dzə̀m zuūw, sěe mbī lo daŋso bughò mîanlo.”

Lûk 2:1

Ghe fə Dzɔ̌n dzə tsughu an sùghù e Də̀ŋ kə̀ nêe ne kəla kə fə saʼa am mbùʼ e Lumà e dzə̀m tɔŋlo enyəa à lò Agûsì. An tì kə̀n, Agûsì m fùghù sə̀ wò kə̀làŋ enyəa ghe taŋ aghî a fughu am mbùʼ è te e dzə̀m.

Kə̀fwàʼ 11:28

Ghùw ù ghee u mɔ̀ʼ zən e mò lô Àgabùs n nùghù těe è kɔʼ, dzɛ̀ wò ùshʉ̀ghà enyəa dzə̀ŋ è bǐigh è bǐigh è lì kê nyə̌a am mbī e dzə̀m; ghəa ghən m bɔɔm bùghò sə̀ ko an dzə̂ è wə̄n an tì kəla Kòlodìus fə̀ lo də̀ŋ ne ko.

Kə̀fwàʼ 28:22

Ghàʼ kuuwn ləghaa nù alezūw moʼn zə̀ghà; nu ghàʼ kwo nû enyəa ghe tsôo kə̀aa bǒon kaaŋ tsə̀ghà kô ghəa a dzeŋe kəla ghù lò a te an lùʼu ten tə̀ dzə̀m.”

Lumà 10:18

Ǹ sô fɛ kuuwn bvʉā wô enyəa, à lò enyəa ghe ka mo tùm è dzùŋ zən zuw ŋkāa? Ŋ̀ kwo enyəa ghe mafə zuw, nu Shwaʼ u Kəzə̀ u dzɛ̂ enyəa, “Ghe n zùghòo ŋgəa tsughu shwaʼ u te wo am mbī e dzə̀m. Bâ kə mbī kə̀ li ko yo mo ghe kaām shwaʼ u te wo a fughu zuw.”

Lumà 16:19

Aghî a dzə̀m kǔuwn kwo nû enyəa ghɛ̀ zuuw nù â Mughu ù te. Ghəa a te yia a ghəə̄ŋ mugho, yìa Ŋ̀ ŋgeē duʼnlo. Ǹ ləghaa enyəa ghɛ̀ è ki tɔ wo aleghəəŋ təla ko ghəa a dzûŋ ghò, àsùghò enyəa ghɛ̀ e ki yo ghu ko aŋ ghəa à biigh gho.

Lumà 6:17

E sô kuuwn lò ko enyəa, a fughu kəzɔ̀ŋlò â Zə̀ kò enyəa ghɛ̀ ghəla ghɛ̀ mo bûʼ lô tsəgha kɔ̂ wò â ghəa a biigh gho, ghɛ̀ bwîi nù aŋ ghəa ghəla ghî ghəla ghe mo zoʼn ghɛ a te fə̀ fughu naŋa â ghɛ̀.

1 Kòlentìan 1:4

Ǹ tsôo fùghuu tsəghà ko kəzɔ̀ŋlò â Zə kò bòʼ dzɔ̀ zəla kə lo mo kə n dè â ghɛ̀ am bàm e Kə̀lestò Yɛso.

2 Kòlentìan 2:14

Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.

Efɛsùs 1:15

À lǒ bòʼ ghəa ghən à dzə̀m Zə̀ kə lo mo kə m fwàʼ àsùghò alekaʼā nughù wô aŋghəa mùgho mò zuw tsughu fə̀ŋ zəla ghɛ̀ gaʼ tsughu a zəŋò Mughu ù te Yɛso àsùghò ləghaa zəla ghɛ̀ ki â ghì a Kəzə̀ gho a dzə̀m,

Efɛsùs 1:16

Ǹ lo mò Ŋ̀ kaām bughu naŋa kòʼ tsəgha alefughu kəzɔŋlò â Zə̀ kò an tuw wɛʼɛ. Yìa Ŋ̀ gɔ̂ɔŋ sugho an tuw wɛʼɛ nəgha tən tə dzə̀m abugho Ŋ̀ gɔ̂ŋlo,

Efɛsùs 3:21

Ŋ̀ gɔ̂ŋlo enyəa to sɛ̀, dzeŋe kə ghì a Kəzə̀ mò ghə̌əŋ ndùw ghəa ghəla a fughuu kɔʼsò mò â Zə̀ kò aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso an nə̀ghā tən tə dzə̀m to mbī kê bughò mîaa. Zə e lo ko êzə̀.

Efɛsùs 5:20

Ghɛ̀ è fughuu nduw sugho zɔɔŋ kò â Zə̀ kò, Tsele ù sɛ̀ alo aghəa a dzə̀m àsùghò an nə̀gha tən tə̀ dzə̀m an zən e Mughùbè Yɛso Kə̀lestò.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 1:3

M̀ fughuu kə̀zɔ̀ŋlò â Zə̀ kaŋa ko nəgha tən tə̀ dzə̀m abugho M̀ moʼn tsughu ghɛ,

Kòloshìan 1:3

Ghàʼ tsôo fùghuu tsə̀ghà ko kə̀zɔ̀ŋlò â Zə̀ kò, Tsele ù Mughubè ù sɛ̀, Yɛso Kə̀lestò, abugho ghàʼ gɔŋlo an tuw wɛʼɛ.

1 Tɛ̀sàlonìan 1:2

Ghàʼ fughuu zee kə̀zɔ̀ŋlò â Zə̀ kò bòʼ ghɛ̀ a dzə̀m, yia a zə̂əŋ zee sughô zən ghɛ̀ʼɛ̀ ghò aŋ gɔ̀ɔŋ zaʼa.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

2 Timotì 1:3

M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

Filemùn 1:4

Waʼawāʼ, M̀ fughuu kə̀zɔ̀ŋlò â Zə̀ ko nəgha tən tə dzə̀m abugho Ǹ zə̂əŋ tsughu ghû aŋ gɔ̀ɔŋ zaŋa.

Hibùlù 13:15

Bùgho nlò tò sɛ̀ fughuu ndûw Kə̀zə̀ êzəŋ â kɔʼso mò tǒ fughu kə sɛ̀ am bàm e Yɛso — aŋghəa sɛ̀ dzâa səa wo an dzughu a sɛ̀ enyəa ù lò Mughu ù te.

1 Pità 2:5

Bùgho nlò a vʉ̀a Mughu ù te tò tia ghəla a ki mughù zò, ghe nîi kɔʼ ghɛ ghe bəghāa tiso kɔʼ ndùghù è shʉghà e Kə̀zə̀ a te, ghɛ̀ e ke fwaʼ tǒ fɔ̀e tə̀ zɔlɔ to alekɔʼɔ fughuu fughu kə̀ ushʉ̀ghà kəla kə kpe â Zə̀ kò am bàm e Yɛso Kə̀lestò.

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.