Lumà 1:5 - To kə Kəzə̀ kə̀ Fughu ko

⁵ À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 1:5 Iomraidhean Croise

Dzɔ̌n 1:16

Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

Kə̀fwàʼ 1:25

alenìi kɔʼ bûʼ kəla Dzudàs bàʼ naŋā kɔʼ enyəa e nughù wən â luʼū to, am fwàʼ kə tsə̀təndə̄ghā kən.”

Kə̀fwàʼ 15:14

Sǎemòn n teso kɔ̀ʼ wò ghəa Zə̀ kə̀ mò zeʼē bâŋ kôʼ Toʼò zò, shìa sə̀ wò àghì am bvʉ e ghee enyəa à lò ghî a wə̄n.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Lumà 3:29

Alenìi tsughu, à lo mò Zə̀ kə̂ ka lò ko kə Tə̀dzûu kò, chia kə kuūwn buw kə Ghì ghəla ghe yô Dzûu tò à? Ɛ̂ŋgaŋ dzə̂, kə ka yò ko kə Tə̀dzûu tò, kə lo sugho Zə̀ kə ghì ghəla ghe yò Dzûu tò.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

1 Kòlentìan 9:2

Abugho kwo yo mugho enyəa Ǹ lo tum è Kə̀lestò, ghɛ̀ yia a ŋgəə̄ŋ kwo ko mugho. Mughùu zəla ghɛ̀ mughù enyə alo kə fəgha kə mɔ̀ʼ ghɛ̀ à ghê Kə̀lestò, e dêe nù enyəa Ǹ tum è Kə̀lestò

Efɛsùs 1:12

To sɛ̀ ghəla a fə̀ lô ghî a kəsə gho alechiī tùʼ a zəŋò Kə̀lestò Yɛso è fughuu Zə̀ kò â kɔʼso mò bòʼ an səghanyəgha ŋ wə̄n.

Efɛsùs 1:6

Sɛ̀ ki alefughuu Zə̀ kò â kɔʼso mò an dzɔ̀ e wə̄n e ne zəla ù ndzə̀əm dê wo â sɛ̀ am fwàʼ kəla Wɛ ù wə̄n ù tsuʼu fə̀ fwaʼ ghè kò.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.