Lumà 1:32 - To kə Kəzə̀ kə̀ Fughu ko

³² Ghəa ghe bûʼ kwo ko enyəa lâŋ Kə̀zə̀ kə dzɛ̂ enyəa ghùw wəla ù ghəəŋ ghəa ghən gho, namso kə wə̄n kə lo evʉ, ghe yia naam ghəə̄ŋ ko ghəa a te gho; fəghaan dzəla nduw sugho esəŋ a zəŋò ghì ghəla ghe ghəəŋ ghəa a te gho.

Lumà 1:32 Iomraidhean Croise

Lûk 11:48

Ghɛ̌ fi dêe fùghuu wò nù enyəa ghɛ̀ m boo fughu fəgha kəla ghê tsele ghɛʼɛ̄ fə̀ fwaʼ ghè kò, ghe yia a ki sugho ghu ko a te; tɔŋlo enyəa ghe fə̀ wiin ghîishʉ̀gha, ghɛ̀ yia a kuūwn bɔɔ̄ shîa tə ghee to.

Kə̀fwàʼ 22:20

Aŋghəa ghe fə̀ wiī Sìtofɔ̀e wəla ù fə̀ teso dzâa ghəa ghə̀a ghò, mùgho fə̀ ti sugho nû, mùgho m boom fughuu ndùw enyəa ghe wi wə̄n, kwu kele kɔ̀ʼ sùghò ndzʉ tə ghì ghəla ghe mò wiī wə̄n.’

Kə̀fwàʼ 8:1

Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

Lumà 1:18

Zə̀ kə̀ n dè fùghù sə̀ tsùghù wò alo kəwālā kə lo fɔeso ghì à biigh gho àsùghò ghì ghəla ghe ki fə̂ŋ tə̀ biigh to, bòʼ enyəa ghe təghaso maʼnlo êsəŋò aŋ ghəa a biigh ghəla ghe ghəŋlo.

Lumà 1:21

Ghəa ghe mò bûʼ kwo ko Zə̀ kò, ghe mò fughuu dzə yo ghè kò â kɔʼso mò àsùghò zɔ̀ɔŋ ko. Ghe n nî kɔ̀ʼ tɔ u ghee naŋa ndùw an làŋà tə aghəa, moʼnlò è biigh zəa e nyə lue tsughu am fə̀ŋ tə ghee.

Lumà 6:21

Alebùʼù nîi tsughu, namso kɛʼɛ kə mò lo kwò aŋ ghəa à biigh ghəla ghɛ̀ mò buʼù ghəəŋ tsəghà a, mo a ghəŋlo enyəa ghɛ̀ e ki tuw dəla ko êzəŋ a? Ghəa a te lo ko aletɔŋɔ wo evʉ.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

2 Tɛ̀sàlonìan 2:12

Ghəa ghən fə̀ lo enyəa ghe lo fɔeso ghee bòʼ ghe mò ləghaa aleghəəŋ ghəa à biigh gho, kuuwn tuu alebôo ghəa zəla e lo èsəŋò.