Lumà 1:30 - To kə Kəzə̀ kə̀ Fughu ko

³⁰ Ghe m maʼn kǎaŋ tə̀nùʼ, baa Kə̀zə̀, ki dzughu e biigh zo, kɔʼso eghue, dèe eghue, ghî a te a kəŋo utsù, bùʼù zuuw sùghò yo â ghê tsele.

Lumà 1:30 Iomraidhean Croise

Matìo 15:4

Nu Zə̀ kə̀ dzɛ̂ an làŋ kə wə̄n enyəa, ‘E zuuw nduw â zùghù, zuuw sùghò à tsùghò.’ Àsùghò enyəa, ‘Ghùw wəla ù ki dzə̀ è bǐigh a zəŋò tsele ŋkāa a zəŋò zə̂, ù ki alekpuw.’

Matìo 16:21

Alezìi tsughu an nəgha e te zo, Yɛso ŋ kaʼ tsughu aledè â tsə̀təndə̄ghā tə wə̄n to enyəa, “Ŋ̀ ki alendùw an Yɛ̀lusalɛ̀m, Ǹ ndùw ŋgeē fala aŋ ghùu tsoʼ tə enaʼ to, fɔ̀e tə̀ tughu to, àsùghò ghê dèekə̀làŋ, ghe lo wiī sughò mùghò, Zə̀ kə̀ lo zôo nughù kɔʼ mugho abugho tsuʼ ŋ kpe tsughu n təgha.”

Lûk 21:16

À kè ghɛ̀ kôom fèen fùghuu tsughuu ko ghê tsùghò ghèe ghê zùghùu, waazə̂ ghɛʼɛ, tom ghɛʼɛ, à fən ghɛʼɛ̄ gho, ghe kê wiīn maʼà daŋso sūghò ghɛ̀ à li gho a te;

Dzɔ̌n 7:7

Ghî a mbī yo alebɛ̀ ghɛ̀, ghe bâa nù mugho bòʼ Ǹ dzâa fùghuu wò ghəa a ghee à biigh ghəla ghe ghəŋlo.

Kə̀fwàʼ 5:36

tɔŋlo enyəa a fə̀ bugho fɛ an tì kə̀ li ko Tǐodàs n nùghù kɔ̀ʼ fɛ dzàa wò enyəa e lo sugho ghùw ù lì, bɔm tə aghì tə̀ n tsə̀ghà tə̀ŋò ndùw a bǎà wə̄n tò təchìakò. Ghe ŋ wi tsughu wə̄n, dzùm sàaŋ màʼà kɔ̀ʼ ghî ghə̀n à dzə̀m ghe mò tsəghà təŋò doʼò nduw a bǎà wə̄n, dzeŋe kə wə̄n kə te kə m kpùw è nduw.

Lumà 2:17

Ghɛ̀ ghəla ghɛ̀ dzɛ̂ enyəa ghɛ̀ lo Tə̀dzûu, ghɛ̀ tsəghà tə̀ŋò dòʼò tsughu an làŋ kə Musî, ghɛ̀ yia tsɔ̂ɔ sugho fə̂ŋ tò enyəa ghɛ̀ lo ghî a Kəzə̀.

Lumà 2:23

Ghɛ̀ tsɔ̂ɔ tə̀fə̀ŋ enyəa ghɛ̀ kwo nû lâŋ kə Musî kò, a sò lò kwo ghɛ̀ fughuu tuw kə̀ dəla ko â Zə̀ kò aŋghəa ghɛ̀ kôom bvʉ̂sò maʼn lâŋ kò a?

Lumà 3:27

Sɛ̌ ezə̄ŋ ki aletsɔ̀ fə̀ŋ aŋ kwo a? Fəgha kə̀ li kə tso yò. À lǒ kwò a sô yo aletsɔ̀ fə̀ŋ a? À lò enyəa sɛ̀ tɔʼɔ̀ bwìi aŋghəa lâŋ kə Musî kə̀ dêe ŋkāa? Ɛ̂ŋgaŋ dzə̂, à lǒ bòʼ fə̀ŋ zəla sɛ̀ gaʼ tsughu a zəŋò Zə̀ kò.

2 Kòlentìan 10:15

Ghàʼ too dzə̀ yǒ num tɛ̀ɛn dàŋso kə̀bəŋ, nyəa daŋso ndùw am fwàʼ u ghì à li gho, ghàʼ laam chìi ko tùʼ enyəa aŋghəa fə̀ŋ zɛʼɛ ndoʼò nɛɛ nduw, fwàʼ kaʼa kə lo tsoo dùuw sə̌a ndùw nù am bvʉa zɛʼɛ̄.

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

2 Tɛ̀sàlonìan 2:4

Ghùw ù te e ke kɔʼso ghue u wə̄n wo, tsùghòsò màʼn fʉgha wəla ghe tso tɔŋlo enyəa à lò uzʉ̀. Ù lo nyəā nyaʼā kɔʼ an ndùghène è Kə̀zə̀, ù e dzaā wo enyəa e lo Kəzə̀.

2 Timotì 3:2

Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

Dzɛ̂ms 3:5

Nom kə bɔɔm lò sugho êzə̀, à lò ko nyàaŋ fə fəfə̀ghà ènyə a zəŋò ghùw, fia fə tsɔɔ̄ fə̀ŋ an ndə̀mà tə kɔʼ tə aghəa. Mòʼo ndùw to kuw kə ŋkàʼ kə̀ ne ko a, kê kə uwə̀n kə bughoo kə n dɛ̀ màʼà è kɔʼ a.

Dzɛ̂ms 4:16

E fɛ kuuwn lò êzəŋ enyəa ghɛ̀ kɔʼso kaŋlo èghue, tsɔ̀ɔ kǎaŋ təfə̀ŋ. Ghɛ̌ fi ghəŋlo è bo abugho ghɛ̀ tsɔ̂ɔ fə̂ŋ tò êzə̀.

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.

Dzûd 1:16

Ghî ghən kwo ko alenyuūŋ kə̂a àghəa, àsùghò alekəŋ utsû â ghì à li gho, ghe ndûuw ko aŋ ghəa a ghee à biigh ghəla fə̂ŋ tə ghee tə ləghaa. Ghe tsɔ̂ɔ kǎaŋ tə̀fə̀ŋ aŋ ghùe e ghee, ghî ghən ki dzughu è kpəŋo zo alenɔɔm zəa ghî gho a te.