Lumà 1:3 - To kə Kəzə̀ kə̀ Fughu ko

³ Làbəlà e dzùŋ zən teso dzàa ghəa a Wɛ ù wə̄n, Yɛso Kə̀lestò Mughùbè u sɛ̀, ù fə̀ sə wo an tigh kə Dɛvìd.

Lumà 1:3 Iomraidhean Croise

Matìo 1:1

Kən lǒ mwàʼsò kəla kə taŋso sə tsughu wô ghê tsele a tselè Yɛso Kə̀lestò a te, Yɛso Kə̀lestò wəla ù fə̀ lo wàawɛ̀ ù Dɛvìd. Dɛvìd fə̀ lo wɛ ù Abə̀làhâm.

Matìo 1:16

Yàkɔ̂b n lo tselè Dzùghùsî, nùm ù Mèle, nughò wəla ù fə̀ dzə Yɛso wəla ghe tɔŋlo enyəa à lǒ Kə̀lestò.

Matìo 1:6

Dzɛssɛ̀ n lo tsele ù Dɛvìd wəla ù fə̀ lo də̀ŋ kò. Dɛvìd m bùghò dzə̀ wò Solomòn ghèe wìzən wəla ù fə̀ buʼù nîi tsəghà Ulìah.

Matìo 12:23

Dzughu zə zūm aghî à dzə̀m, ghe m bvʉ enyəa, “Wən tə̀m lò to wɛ̀ ù Dɛvìd wə̄n a?”

Matìo 15:22

A mo e kôʼ wìzən ù Kanàan ù lì a fughu alo enaʼ n ndùw bùgho a vʉ̀a Yɛso mò ù dìi wò nù, bùgho dzɛ̀ â wə̄n enyəa, “Wɛ ù Dɛvìd ù nùu, kwuso se zo a zəŋò mùghò a Mughùbè! Zʉ̀ ù biigh u lo a zəŋò wɛ waŋa ù zən, vʉa u ŋgeē waʼsò fəmso wə̄n.”

Matìo 26:63

Yɛso ŋ kuuwn zuuw ko mɔŋ. Fɔ̀e è ne zə n daŋso dzɛ̀ â wə̄n enyəa, “M̀ bvʉa wò â ghù an zən e Kəzə̀ enyəa ghù dzɛ̀ wo â ghàʼ enyəa ghù lǒ Kə̀lestò, wɛ̀ ù Kə̀zə̀.”

Matìo 27:43

Ù gaʼ fə̀ŋ a zəŋò Zə̀ kò; dzǎa tò Zə̀ bəghasə̄a tsughu wə̄n êzəŋ, abugho kə ləghaa wə̄n; nu fə bɔŋ so enyəa, ‘Ǹ lo Wɛ̀ ù Kə̀zə̀.’ ”

Matìo 3:17

Ghe mo e zuw dzə̀ saʼ tsughu wô alo kəwālā enyəa, “Wən lǒ wɛ waŋā, Ǹ duʼn nû ghàʼ à wə̄n.”

Matìo 9:27

Ghəa Yɛso zə̀ghàa tsughu alô tûwbʉ̀ghà ù te, nùghùun dàŋso ndùw, ghî à foō à li gho a bə̀ghà n nùghù ndùw à bàâ wə̄n. Ghe n dîi dzàa ndùw â wə̄n enyəa, “Wo wɛ ù Dɛvìd, so kwuso se zo a zə̄ŋò ghàʼ a.”

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Lûk 1:69

Chia kə nyə nduw an tigh kə Dɛvìd, kɔ̂ɔ fə wə̄n, nì fùghù sə̀ wò sɛ̀ â kàʼ fə ghûw fò a fughu enyəa ù bəghaasə sɛ̀.

Dzɔ̌n 1:14

Shwaʼ u te wə n ndùw bùghò ghùw, tsùuŋ mùghùu tsughu sɛ̀ à ghee, Ù n dêe mɛ̀ʼn wò èsəŋò e dzə̀m aŋ ghəa a Kəzə̀, ŋgee dèe sùghò ghàʼ â ləgha zo. Ghàʼ a dzə̀m ŋ kòʼ daʼa kə wə̄n ko, daʼa kəla ù ki tǒ sɔ̀ʼ kə Wɛ kəla kə nughù wo a vʉ̀a Tsele.

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 1:49

Natanìɛl fi dzɛ̂ ndùw nù â wə̄n enyəa, “Wàdè ghù lǒ Wɛ ù Kə̀zə̀. Ghù lǒ Də̀ŋ kə Ezə̀lɛ̂.”

Dzɔ̌n 10:30

Ghàʼ à bə̀ghà lò alo kəfəgha kə̀ mɔ̀ʼ.”

Dzɔ̌n 10:36

yia a bughò mugho, bəghà mò ndzəə̄m tsɔʼ kɔʼ nû, tùm nyə̀ wò am mbī; ghɛ̀ sô lǒ ênzə̂n alekoōm dzaā wo enyəa, ‘Ghù sùuwn Kə̀zə̀ a, bòʼ Ǹ dzɛ̀ enyəa, Ǹ lo Wɛ ù Kə̀zə̀ a?’

Dzɔ̌n 20:28

Tɔ̀mâs m bɛ̀lɛ̀ ndùw wə̄n enyəa, “Ghù lò Mughùbè waŋā à Zə̀ kaŋa ko.”

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Dzɔ̌n 5:25

Kùmkùm, M̀ fɛ dzàa wò nù â ghɛ̀, nəgha e te e kpee wò nù, zə m bùʼ kpē, mo ghî à kpuwnlo a kê zǔuw wô dzə̀ è Wɛ̀ ù Kə̀zə̀, ghəla ghe zuw tɔ, ghe lo zôo doʼò wò â tuw ko.

Dzɔ̌n 7:42

À lǒ mo mwàʼsò kə Kəzə̀ kə̀ ka fə dzɛ̀ enyəa Kə̀lestò ù te kê sə̌a wò an tiigh kə Dɛvìd à, mò ù nùghù wò am Bɛtə̀lɛ̀hɛ̂m, naʼà fəla Dɛvìd fə̀ sə a te a?”

Kə̀fwàʼ 2:30

Ǹ so Ǹ dzâa tsughu enyəa ghəa Dɛvìd wən màʼa fə̀ lo mò ù lò ghûwshʉ̀ghà ù Kə̀zə̀, vʉ̀a ù mò kwo sughò enyəa Zə̀ kə̀ mafə to naŋa enyəa kə lo tsuʼu naaŋ ù Dɛvìd an ndàŋ è kədə̀ŋ tò aŋghəa Dɛvìd fə̀ lô sugho də̀ŋ kò,

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Kə̀fwàʼ 8:36

Felêp n daŋso dzɛ̀ â wə̄n enyəa, “Abugho ghù boō tsughu dzə̂ aŋ am fə̂ŋ zə̀ghà e dzə̀m, a lo nû alefughu ghû â mùghù ŋ Kə̀zə̀ mò êzə̄ŋ.” Ù m bɛ̀lɛ̀ tsùghù enyəa, “Mùghò m boo enyəa Yɛso lǒ Wɛ ù Kə̀zə̀.”

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

Lumà 1:9

Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 4:1

A lo aledzàa tsughu êndūghō kùu ndùw Abə̀làhâm, tsele ù ghê tsele ghaʼa a? Ù fə̀ zoʼn kele kɔʼ êndūghō?

Lumà 9:3

Tɔŋlo enyəa to M̀ buʼù boo enyəa Zə̀ kə̀ tsɔ̂ɔm mùghò, kə gbôo sɛ̂ɛ mùghò ghàʼ a Kə̀lestò abugho e mô lo aleyòsò waazə̂ ghaŋa ghəla ghàʼ a ghee sə alo enaʼ e mɔ̀ʼ.

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

1 Kòlentìan 1:9

Zə̀ kəla kə fə̀ tɔŋɔ ghɛ̀ enyəa ghɛ̀ e lo fəgha ko kə mɔ̀ʼ ghɛ̀ à ghê Wɛ ù wə̄n Yɛso Kə̀lestò tɔɔŋ Mughùbè ù sɛ̀ naaŋ nù dzughu e wə̄n zo am fəgha kəla ù to naŋa enyəa e lo ghəəŋ nù.

1 Kòlentìan 10:18

Kòʼ nlò ghî ghə Ezə̀lɛ̂ ghò a, ghî ghəla ghe zəā fʉgha wəla ghe sɛ̂ ndûw alo kətsaʼ mgbaŋ yò kəfəgha kə mɔ̀ʼ ghèe ghê ghì ghəla ghe fwaʼa fughu alo kətsāʼ a tsəlà Zə̀ kò à?

Gàlashìan 4:4

A ŋ kuuwn bùghò nəgha e te e biso kpe tsughu, Zə̀ kə̀ n tùm sə̀ wò Wɛ ù wə̄n. Wɛ ù te n nyə wò am mbī mò à wə̄n dzə wò wìzən, wɛ wən m noo kɔʼ a tsəlà làŋ kò.

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

1 Timotì 2:5

E lo êzə̀ bòʼ, Zə̀ kə̀ lo ko kə mɔ̀ʼ, yìa à lô sugho ghùw ù mɔ̀ʼ ù nìi təmadzəə̄ŋ wô ghî ghò ghèe ghê Zə̀ kò, ghùw wə̄n lo Kə̀lestò Yɛso.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

2 Timotì 2:8

E moʼn tsughu Yɛso Kə̀lestò wəla ghe fə̀ zôm nughù kɔʼ alo evʉ, mò ù sə̀ an tigh kə Dɛvìd, zən lǒ làbəlà è dzùŋ zəla Ǹ zughò naʼn wo.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.

1 Dzɔ̌n 4:15

Ghùw wəla ù teso dzɛ̂ enyəa Yɛso lǒ Wɛ ù Kə̀zə̀, Zə̀ kə̀ ti ghèe wə̄n, vʉ̀a ù lo sugho ghèe Zə̀ kò.

1 Dzɔ̌n 5:1

Ghùw wəla ù kùm boō fughu tsughu enyəa Yɛso lǒ Bəghambī u te, ghùw te fi lo wɛ ù Kə̀zə̀. Ghùw wəla ù ləghaa Tsele ù te, ləghaa sùghò nû Wɛ ù te.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

1 Dzɔ̌n 5:5

À lo ndughoo u lò aletəma zə̂ mbī lo a, mò à gɔ̀ʼɔ̀ ko yo ghùw wəla ù boo tsughu enyəa Yɛso lo Wɛ ù Kə̀zə̀?

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Edêe Fughu 2:18

Yɛso n dzɛ̀ wò â mughò enyəa, “Tɔm nduw â tsə̀ndə̄ghā è Kə̀zə̀ e dzeŋe kə ghì a Kəzə̀ gho an naʼ e Tìatilà enyəa; ‘Wɛ̀ ù Kə̀zə̀, wəla sə a baŋa bɔ̀ɔ tò uwən, ghuw a wə̄n yia a nyəghanlo lo tǒ bvuʼ kəla ghe tsə tsughu alo kənàm ghe yia tsoʼso tsughu, ù dzɛ̀ enyəa,