Lumà 1:25 - To kə Kəzə̀ kə̀ Fughu ko

²⁵ Ghe nîi kɔ̀ʼɔ səŋò è Kəzə̀ kuuwn kɔʼɔ alo agha, ghe yia tsə̀ghà tə̀ŋò tsughu alekɔʼso fʉgha wəlà à bɔm tsughu Zə̀ kò, kuuwn yò alekɔʼso Zə̀ kəla kə bɔm fʉgha u te wo; tɔɔŋ Zə̀ kəla ghî a ki alefughuu kɔʼso mò â ghè kò nəgha tən tə̀ dzə̀m! Zə e lo ko êzə̀.

Lumà 1:25 Iomraidhean Croise

Matìo 10:37

Ghùw wəla ù ləghaa tsele ŋkāa zə̂ tsə̀ghàsə̀ aŋghəa ù ləghaa mugho a te kâ kɔ̀ʼ kpè tò ù è doʼò tsə̀ndə̄ghā zaŋā; wəla ù ləghaa sughò wɛ̀ ù wə̄n ù nùu ŋkāa ù zən tsə̀ghàsə̀ aŋghəa ù ləghaa mugho a te kà kɔ̀ʼ kpè sùghò tò ù è doʼò tsə̀ndə̄ghā zaŋā.

Matìo 6:24

Ghùw u mɔ̀ʼ yò aledzeŋe fwaʼā â ghì ghò a bə̀ghà alo e nə̀gha e mɔ̀ʼ. Abugho ù lò alefwàʼ êzə̀, ù sò bàa nù u mɔ̀ʼ, ù è ləghaa ù lì wən. Ŋkāa ù è ŋgee fwaʼā â u mɔ̀ʼ, ù è koʼō lʉghaa ù lì wən. Ghù yò alekɔʼso Zə̀ kò, kɔʼso sughò ùkua.”

Dzɔ̌n 2:8

Ù n dzɛ â ghee enyəa, “Tuuw sə kɔʼ sə̀ nlò êzə̄ŋ, ghɛ ni nduw a vʉ̀a ghùw wəla ù lɛɛ̄n ghəa ghən gho.” Ghe n tuuw sə̀ è kɔʼ, nì ndùw sùghò a vʉ̀a wə̄n.

Lumà 1:18

Zə̀ kə̀ n dè fùghù sə̀ tsùghù wò alo kəwālā kə lo fɔeso ghì à biigh gho àsùghò ghì ghəla ghe ki fə̂ŋ tə̀ biigh to, bòʼ enyəa ghe təghaso maʼnlo êsəŋò aŋ ghəa a biigh ghəla ghe ghəŋlo.

Lumà 1:23

Ghe tuu alefughu ŋkɔʼso â Zə̀ kəla kə doʼò tən, ghe ŋ kuuwn kɔʼso m̀mùʼù ghe bɔm mò fwènlo àghì, fwenlo nnwən, tənyôm à zughu to.

Lumà 9:5

Ghe yia lô sughò wɛ a awɛ a ghê tselè tsele a ghì ghə Ezə̀lɛ̂ ghò, mo Yɛso Kə̀lestò sə̀ a fughu an tigh kə te ko. Ù lò Kəzə̀, ù saʼā mbī e dzə̀m, to ghî à mô kɔʼsô tsəghà wə̄n to mbī kê bughò mîaa. Zə e lo ko êzə̀.

2 Kòlentìan 11:31

Kə̀zə̀, Tselè Mughubè Yɛso Kə̀lestò, wəla ù ki kɛɛ wəla u doʼò tən kwo nû enyəa Ŋ̀ kaʼa yo ghā gho.

Efɛsùs 3:21

Ŋ̀ gɔ̂ŋlo enyəa to sɛ̀, dzeŋe kə ghì a Kəzə̀ mò ghə̌əŋ ndùw ghəa ghəla a fughuu kɔʼsò mò â Zə̀ kò aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso an nə̀ghā tən tə dzə̀m to mbī kê bughò mîaa. Zə e lo ko êzə̀.

1 Tɛ̀sàlonìan 1:9

Ghì a te gho a dzə̀m ndòʼò tèso kaaŋ nǔ dzì zəla ghɛ̀ mò kpenî ghaʼ a te, aŋghəa ghǎʼ mò bugho alô ghɛ̀, àsùghò aŋghəa ghɛ̀ zəghà maʼà tsughu mùʼù ŋ kɔʼso mò, kàʼ ndùw alefwàʼ â Zə kə̀ səŋò kəla kə lô â tuw ko.

1 Timotì 1:11

Tsʉ̂ zən sə kɔʼ an làbəlà è dzùŋ zəla Ǹ zoʼn wô ghî gho a te — làbəlà è dzùŋ zəla Zə̀ kə̀ ghaʼa kəla ghî à kɔʼso fə̀ fughu wo â mùghò.

1 Timotì 1:17

Gɔ̂ɔŋ zaʼa e lo enyəa, to ghî à mô tə̀mâ ŋkəma, fughu sùghò ŋkɔʼso â Də̀ŋ kəla kə doʼo tən, də̀ŋ kəla kə kê kpuūw koʼò yo, kəla ghùw taʼkè kaām koʼò koʼo tsəghà, mò a mìa ko wə̄n Zə̀ kò to mbī kê bughò mìaa. Zə e lo ko êzə̀.

2 Timotì 3:4

Ghe ke e feēn fughuu kaaŋ ghî ghò, ghe ke e vuūŋ ghəəŋ kaaŋ ghəa gho, ghe e kwo enyəa à bɔ̀ɔm mìaa ko ghee, ghe ke e ləghaa yo Zə̀ kò, kuuwn lâam ləghâ ghəa ghəla ghe zuūw laan zo a te.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.