Lumà 1:21 - To kə Kəzə̀ kə̀ Fughu ko

²¹ Ghəa ghe mò bûʼ kwo ko Zə̀ kò, ghe mò fughuu dzə yo ghè kò â kɔʼso mò àsùghò zɔ̀ɔŋ ko. Ghe n nî kɔ̀ʼ tɔ u ghee naŋa ndùw an làŋà tə aghəa, moʼnlò è biigh zəa e nyə lue tsughu am fə̀ŋ tə ghee.

Lumà 1:21 Iomraidhean Croise

Dzɔ̌n 3:19

Sa zə eghəa zəla Zə̀ kə̀ saʼā ghî ghò a te lo enyəa, tsə̀ tùghù nyəa wò am mbī, ghî yia kuūwn ləghaa ləm ko tsə̀ghàtàʼà tsə̀, ghəa a ghee à ghəəŋ gho a sô lô ghəa à biigh gho.

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Lumà 1:19

Ghî a te a ki nû alekwo səŋò zəla e lo kùu ndùw Kəzə̀, nu Zə̀ kə̀ n dè fughu səŋò e te zo â ghee.

Lumà 1:28

Tò aŋghəa ghî a mò lo mo ghe n tùe màʼa enyəa ghe yo dzə̂ to ghe e kelè mòʼnlò è səŋò zò a zəŋò Zə̀ kò, Zə̀ chìa kə zəghàa maʼà tsughu ghee aleghəə̄ŋ nduw ko ghəa ghəla ghe mô ki yo aleghəŋlo.

Lumà 11:10

To ghe mô fôsò naŋa sə a ghee gho aŋghəa ghe yo alekòʼò kɛlɛ̂ ghəa è li zo. To kwəla kə e lo alesə̄ ghùw ù te an dzəm aŋ ghù fala zo.”

Lumà 15:9

Ù fə̀ bugho sugho aleghəŋlo enyəa to Toʼò e mô fùghuu ŋ kɔʼso â Zə̀ kò an se è kwuso zəla Zə̀ kə ki â ghee. Ghe tɔm naŋa am Mwàʼsò kə Kəzə̀ enyəa, “E fi lo enyəa, Ǹ lo təma ŋkəma â ghù am bvʉa zə Etòʼò, mùghò e zoo ghû aŋ ndzàŋ tə ŋkɔʼso to.”

2 Timotì 3:2

Ghî ghə̀ ke e bɔɔm kwo tsughu ko ghue e ghee zo, ghe e ŋge ki sə a ukʉ̄a gho, ghe e ke chwiilwii ghî ghò, ghaŋso kaaŋ sùghò èghue, ki dzughu à biigh gho, zuuw yo â ghê tsele, fughuu yo zɔ̀ɔŋ ko â ghì ghəla ghe yoso ghee, ghe ke e niī yo ghəa a Kəzə̀ ghò tò ghəa è li zo.

1 Pità 1:18

Ghɛ̀ kwo nû enyəa ghe fə̀ tsə tsəgha nduw fəgha kə̀ səŋò kò alezuū sə tuw kɛʼɛ aŋ ghəa a biigh ghəla ghɛ̌ fə̀ kôʼ ni aŋ ghùu ghê tsele ghɛʼɛ̄. À fə̀ yo dzə alo kəfəgha tò etsɛ ŋkāa tia è nyəghaan zo, u fʉgha to u e boō mîaa.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

Edêe Fughu 14:7

Ù mo an zò kə dzə̂ enyəa, “E tsəŋo nduw nlǒ Zə̀ kò, ghɛ̀ è fughuu nduw ghè kò â kɔʼso mò, tɔŋlo enyəa nəgha e wə̄n è saʼa zə aghì zə̀ m kpē; e fughu nduw nlò kɔʼso mò â ghùw wəla ù fə̀ bɔm wala ko à ghueekətsə̄ ko, dzùghùntsòʼ àsùghò nndzînlò”

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”