Lumà 1:18 - To kə Kəzə̀ kə̀ Fughu ko

¹⁸ Zə̀ kə̀ n dè fùghù sə̀ tsùghù wò alo kəwālā kə lo fɔeso ghì à biigh gho àsùghò ghì ghəla ghe ki fə̂ŋ tə̀ biigh to, bòʼ enyəa ghe təghaso maʼnlo êsəŋò aŋ ghəa a biigh ghəla ghe ghəŋlo.

Lumà 1:18 Iomraidhean Croise

Lumà 1:19

Ghî a te a ki nû alekwo səŋò zəla e lo kùu ndùw Kəzə̀, nu Zə̀ kə̀ n dè fughu səŋò e te zo â ghee.

Lumà 1:28

Tò aŋghəa ghî a mò lo mo ghe n tùe màʼa enyəa ghe yo dzə̂ to ghe e kelè mòʼnlò è səŋò zò a zəŋò Zə̀ kò, Zə̀ chìa kə zəghàa maʼà tsughu ghee aleghəə̄ŋ nduw ko ghəa ghəla ghe mô ki yo aleghəŋlo.

Lumà 1:32

Ghəa ghe bûʼ kwo ko enyəa lâŋ Kə̀zə̀ kə dzɛ̂ enyəa ghùw wəla ù ghəəŋ ghəa ghən gho, namso kə wə̄n kə lo evʉ, ghe yia naam ghəə̄ŋ ko ghəa a te gho; fəghaan dzəla nduw sugho esəŋ a zəŋò ghì ghəla ghe ghəəŋ ghəa a te gho.

Lumà 2:3

Ghù moʼnlò enyəa abugho ghù saʼa ghùw alo aghəa mo ghuūghùe wʉ̂a ù ghəəŋ sùghò ghəa e mɔʼɔ e te zo, abugho Zə̀ kə̀ lo saʼa ghî gho kə lo kuuwn baʼà naŋa səa kɔʼɔ ghû a?

Lumà 3:9

A èzəŋ lo to a e dzɛ̂ èndugho? A lo nû aledzɛ̀ enyəa sɛ̀ Tə̀dzûu kuuwn nyɔ̀ʼ ti nû à? Ɛ̂ŋgaŋ dzə̂, tɔŋlo enyəa M̀ maa ki dzɛ̀ enyəa ghəa à biigh ghə ŋ kwù ŋgwùu ghî ghò a dzə̀m; Tə̀dzûu àsùghò ghì ghəla ghe yô Dzûu tò.

Lumà 4:15

Tɔŋlo enyəa, luʼu kəla lâŋ kə̀ lo a te, Zə̀ kə n dêe nʉ̀ghà u wə̄n u pfʉa wo a zəŋò ghì ghəla ghe bvʉ̂sò màʼn lâŋ kə te ko. A m bùghò luʼu kəla lâŋ kə̀ buw a te, ghù yò dzə̂ alezuw enyəa ghùw bvʉ̀ kə̀lâŋ fùghù èzə̀.

Lumà 5:6

A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

Lumà 5:9

Êzə̄ŋ wəla Zə̀ kə lo mo kə sɛ̀ nî aŋ ghì a tsəghatsəgha gho bòʼ kâŋ tə Kə̀lestò, sɛ fɛ kwo tən sugho nû enyəa Kə̀lestò lo bəghaasəa nǔ sɛ aŋ ghùu nʉ̀ghà u Kəzə̀ ù pfʉa wo.

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

Kòloshìan 3:6

À lǒ bòʼ ŋgòʼ è ghəa à biigh ghən gho Zə̀ kə̀ lo dêe nʉgha ù wə̄n u pfʉa wo a te a zəŋò ghì ghəla ghe zuūw yo â wə̄n.

2 Tɛ̀sàlonìan 2:10

Ù lo e niī wo bòobò tə agha tə wən to tsèe ndùw ghî ghò an ndə̀mà tə tədzǐi, ghî ghəla ghe fə̀ fôʼ naŋā enyəa ghe kê sə̌a mìanlò alo kələ̄ŋ, bòʼ ghe tue maʼa aleboo fughu â sə̀ŋò zò to ghe zə kətuw.

2 Tɛ̀sàlonìan 2:6

Ghɛ̌ kwo sugho nû fəgha kəla kə kɔlɔ̀ naāŋ wə̄n enyəa ù ka kaam bùghò, à lò enyəa ghe lo telè dêe fughu kɔʼ wə̄n abugho nəgha e te e lo kpē tsughuu.