Lumà 1:16 - To kə Kəzə̀ kə̀ Fughu ko

¹⁶ Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 1:16 Iomraidhean Croise

Mâk 8:38

Ghî ghəla ghe də̂nsò tuw ko aŋ ghəa zaŋa àsùghò aŋ tsʉ̀ zaŋā am mwěe e nɛ zəla e tsəŋo yò Zə̀ kò, ghəəŋ tsughuu sùghò ghəa à biigh gho enyə, Wɛ̀ ù Ghùw kè bɔ̌ɔm də̀nsò sùghò kə̀tuw êzə̀ a zəŋò ghee abugho ù kè bugho ebàm am Nsəghanyəgha n Tsele ghèe ghê tum tə Kə̀zə̀ tə̀ zɔlɔ to.”

Lûk 9:26

Ghùw wəla ù də̀nsò tuw ko aŋ ghəa zaŋā, àsùghò an shwaʼ waŋā, Wɛ ù Ghùw kè də̀nsò sùghò kə̀tuw a zəŋò wə̄n, abugho kè bugho am fɔ̀e u wə̄n, àsùghò am fɔ̀e u Tsele, àsùghò u tsə̀təndə̄ghā tə Kəzə̀ tə̀ zɔlɔ to.

Dzɔ̌n 7:35

Ghî ne a Tə̀dzûu à mo aŋ ghùe e ghee enyəa, “Ghùw wən yia so e boʼò ndûw ghɛ̀ an lùʼu kəla a buw alekəŋo kôʼ wə̄n a te à? Ù sò yia moʼò alendùw saŋe doʼo ndùw ghèe ghê Tòʼò zò à, ù e zoʼn nduw ghee a?

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Lumà 10:17

Ghùw gàʼa ko fə̀ŋ alo eghəa mò ù ŋ ghəa e te e zuw, ghùw tum è tè zuuw ko abugho ghe naʼn wo làbəlà è Kə̀lestò â wə̄n.

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

Lumà 15:29

Ŋ̀ kwo tən nû enyəa abugho Ǹ lo bugho fì a vʉ̀a ghɛ̀, Ǹ lo ghəəŋ nù Kə̀lestò lo ŋgeē fughu ghɛ â bughuso zo.

Lumà 2:9

Ghî ghən a dzə̀m ghe ghəəŋ ghəa a biigh gho kê lò an utsù, ghe e koʼo fə̀tsʉ̀e an ghùu Zə̀ kò, mo ghe kaʼ nùghù tsùghù a zəŋò Dzûu tò, ghe daŋso tsughu ndûw a zəŋò ghì ghə̀la ghe yô Dzûu tò:

Lumà 4:11

Ghe fə̀ tigh kə Abə̀làhâm kə̀ bugho sugho tsughu tǒ tsə̌a enyəa ù lo ghùw ù fə̀ ki gaʼ fə̀ŋ a zəŋò Zə̀ kò, Zə̀ kə̀ n nì ndùw wə̄n aŋ ghùw ù tsəghatsəgha bòʼ fə̀ŋ zəla ù fə̀ naŋa a zəŋò Zə̀ kò mo ghe kaām tigh kə wən kə m bûʼ sugho. Zən fə̀ lo aledèe tsughu enyəa Abə̀làhâm lǒ tsele a zəŋò ghì ghən a dzə̀m ghe lo boōm Zə̀ kò, Zə̀ kə̀ lo nîi ndûw ghe enyəa ghe lo tsəghatsəgha mo ghe kaām tigh kə ghee kə m bûʼ sugho.

1 Kòlentìan 15:2

Zən lǒ làbəlà zəla è lo ghəŋlo Zə̀ kə̀ lo bəghāsə̄ ghɛ, abugho ghɛ̀ tɔ̂ʼ kwu kele tsughu shwaʼ wəla mùgho mò bugho naʼa, buw êzè, à f lo enyəa fəgha kəla ghɛ̀ moʼò enyə ghɛ̀ mò boo fughu a te fi lo kènughùnùghù.

1 Kòlentìan 2:2

Tɔŋlo enyəa aŋghəa mùgho fə̀ lo sɛ̀, mùgho n tsəm tsùghù enyəa Ǹ nîizə̂a tsughu ghəa ghən à dzəm mò à gɔ̀ʼɔ̀ ko Yɛso Kə̀lestò, à ka dɔ̂m tàŋ ghəa ghe fə̀ təghāa wə̄n.

1 Kòlentìan 2:4

Shwaʼ waŋa àsùghò tsʉ̀ zaŋa zo fə̀ zɔlɔ nû. Ŋ̀ ka fə ghəa gho â ghɛ nəghaan kə̀a dzə̀ nû ŋkāa Ŋ̀ ka fə kə̂a sùghò an tsè n utɔ̄, mùghò fə ghəa gho â ghɛ̀ kəaa an daʼa kə Zuʼ tə̀ Zɔlɔ to.

1 Kòlentìan 9:12

Abugho ghî li a ki daʼa kə te ko alekele fʉgha wən aŋ ghùu ghɛ̀, ghàʼ sô kǔuwn bòʼò kì yo daʼa kə te ko ênzə̂n tsə̀ghàsə ghee a? Ghàʼ kâ dwaʼa u te u kuuwn dè dzə. Ghàʼ fwə̂n ka tsughu ezə alo aghəa a dzəm enyəa mò à lò ko kə kwò e kwo ghàʼ lô fêe naāŋ dzî enyəa ghî à lô zuū làbəlà è Kə̀lestò.

1 Kòlentìan 9:18

Namso kaŋā kə lo kwo a te a? Namso kaŋa ko a te lo enyəa mùghò e naʼn wo làbəlà è dzùŋ e te mo ghe tsəa yo mugho, àsùghò enyəa mùghò bvʉa zee yo ghɛ â fʉgha wəla M̀ mô ki alebvʉ̄ aŋghəa Ǹ naʼn wo Làbəlà è dzùŋ e te.

2 Kòlentìan 2:12

Ghəa Ǹ nyə nduw an naʼ e Tə̀lɔ̂as alendùw naʼà Tùm è Dzùŋ è Kə̀lestò zən fughu, mùgho n ndùw kòʼ tsùghù enyəa Mughu ù te maā dzì è fwàʼ kə te ko â mùgho a fughu alo enaʼ tsʉ naŋa.

2 Kòlentìan 4:4

Aŋ ghee ghən, ghəa ghe doʼŋkè boō fughu, zʉ̀ u mbī wə n tɔ u ghee u sâʼ màʼà, enyəa ghe lô koʼō dzɔ̀ɔdzɔ̀ tə aghəa təla tə lo an səghanyəgha mə̀là n lò an Làbəlà è Dzûŋ è Kə̀lestò wəla ù lǒ tò Kəzə̀.

2 Kòlentìan 9:13

Ndə̀mà tə aghì tə̀ e ke fughuu kɔʼso mò â Zə̀ kò mò à lo bòʼ fəgha kəla ghɛ̀ fwâʼ tsughu, aŋghəa ghe zuūw tsughuu Làbəlà è Kə̀lestò è dzùŋ zən, àsùghò am mwàʼ zɛʼɛ alechuuw fughuu nduw ghee â fʉgha wo, chuuw fughuu sùghò ghì à li gho.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

1 Timotì 1:11

Tsʉ̂ zən sə kɔʼ an làbəlà è dzùŋ zəla Ǹ zoʼn wô ghî gho a te — làbəlà è dzùŋ zəla Zə̀ kə̀ ghaʼa kəla ghî à kɔʼso fə̀ fughu wo â mùghò.

2 Timotì 1:12

Zən lò e ghee M̀ fanlo enyə a fɛ an ndùghùtsāʼ. Ghəa M̀ buʼù faan ko enyə, Ǹ tsoo də̀nsò yò tuw ko, Ǹ sô kwo ghùw wəla M̀ boō fughu â wə̄n; yia Ŋ̀ kûum kwo sughò enyəa ù lo kwuu kele nù fəgha kəla ù mò fughu â mùghò, alendùw tâa ndûw an tsuʼ fəla ù lo bughoo a te ebàm.

2 Timotì 1:16

Onifɛlùs mò bugho tsəmso zee mugho aŋghəa mùgho mò lo an ndùghùtsāʼ, ù ŋ kè də̂nsò sughò kə̀tuw alebùghò kôʼ mùghò. Gɔ̂ɔŋ zaŋa e lo enyəa to Zə̀ kə̀ mô kele se è kwuso zo a zəŋò wə̄n àsùghò a zəŋò ghì ghò a dzə̀m alo wə̄n an ndughu.

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

Hibùlù 4:12

Kùmkùm shwaʼ u Kəzə̀ ù ki kədaʼa, fwàʼa sùgho aghəa, u tɔ tsə̀gha nyə fəla fə tɔɔ̄ bâa tò tə bə̀gha, u nyəa məən ndùw ghuw am fəŋ àsùghò aŋ ghùe u ghûw, nyəa məən ndùw an nyùŋ u ughùe àsùghò alo mgbaŋ mgbaŋ. Shwaʼ u te u tsʉa dèe kɔ̀ʼɔ̂ mòʼnlo e ghûw àsùghò fəgha kəla ghùw biso lo ghè kò.

1 Pità 4:16

Abugho e bûʼ kuūwn lô ko enyəa ghùw wɛʼɛ faan nù bòʼ ù boō fughu â Zə̀ kò, e kwo ko ù lo so e də̂nsò kə̀tuw, ù ki alelaam fughuu zɔ̀ɔŋ kò â Zə̀ ko enyəa ù bǒom zən e Kə̀lestò.