Lumà 1:14 - To kə Kəzə̀ kə̀ Fughu ko

¹⁴ Fwaʼ kaŋa kə lo alenaʼn Làbəlà è dzùŋ zən â ghì ghò a dzə̀m, e ki dzə yo ghəa è li zo aleghəŋlo â ghì ghəla sə a ghee a lo mo ghə n tsʉ ŋkāa a kaām tsʉ, ŋkāa â ghì ghəla ghe kwo mwàʼsò kò ŋkāa ghe kwo yo.

Lumà 1:14 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Lûk 10:21

An nə̀gha e te zo, Yɛso n nùghù duʼn kɔʼ an daʼa kə Zuʼ tə̀ Zɔlɔ to, dzɛ̀ tsùghù enyəa, “Zɔ̀ɔŋ kə̌a a Tsele waŋā, Mughù ù kəwala à ghueekətsə̄ ko, enyəa ghù nàn tsughu ghəa ghən â ghî ghəla ghe moʼo enyəa ghe lo à tɔɔ gho, àsùghò ghəla ghe zuūwkɛlɛ ghəa gho, ghù vʉ̀a ghù kuūwn dê fughu tsughu â ghì ghəla ghe kwo yô ghəa gho. Òhòŋò Tsele waŋā, à mò tsəm ghû enyəa ghəa a te a doʼò èzə̀.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Kə̀fwàʼ 28:2

Ghî ghə enaʼ a te ghə n dè tsùghù ghaʼ â fɛ̀ɛn kə edzɔ̀ kə̀ li ko enyə. A m bùghò à sò lo mo ghuuw zə ŋ kāʼ tsughu zo, fwo wə n lo, ghe m fəghaan kɔʼ uwən enyəa ghàʼ a dzə̀m zʉɛɛ.

Kə̀fwàʼ 28:4

A m bùghò ghî ghə enaʼ yi kôʼ ghəa zughu zə kân aŋ kwe kə Pôl, ghe mo aŋ ghùe e ghee enyəa, “Bəghà wən e wii nû ghî ghò, ghəa ù bùʼ ti sə kɔʼ ko fɛ a n dzughùu, e dêe nù enyəa ghùw wən ki yo zə mbī zən.”

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 1:22

Ghe dzâa enyəa ghe tɔɔ nù, dèe ezə̀ mo ghe laʼsò nùʼ.

Lumà 11:25

Waazə̂ ghaŋa gho, səŋò è li e lo nû e nân doʼō Ǹ ləghaa enyəa ghɛ̀ kele tsughu, e lo ghəə̄ŋ tsughu ghɛ, ghɛ̀ è kɔʼso yo ghue zo enyəa ghɛ tɔɔ nù. Nû tuw kə̀ tughuu kəla ghî ghə Ezə̀lɛ̂ à ki yò dzə̂ ghəa è doʼn təla zo, à tsò zə̀ghàa tsughu ko Kəzə̀ enyəa zə e lo êzə̀, to kə kele kə̀bùʼ alenìi nyəa wô Toʼò zəla kə ki alenìi nyəa wô.

Lumà 12:16

E mughu nlò alo kə fəgha kə mɔ̀ʼ ghɛ̀ à ghê ghì ghò a dzə̀m. Kà nlò è kɔʼso ghue zo, laam bǒo tsughu nlò aleghəəŋ zumso tə aghəa to ghɛ̀ à ghê ghì a ulwən gho. Kà nlò è moʼō enyəa ghɛ̀ tɔ tsə̀ghà ghì à li gho.

Lumà 13:8

Ghɛ̀ ka e kele dzə ghùw u lì â ndàŋ kò. Ndàŋ kəla ghɛ̀ ki ko alekele mîaa ko enyəa ghɛ̀ è ləghaa ghue zɛʼɛ zo; tɔŋlo enyəa ghùw wəla ù ləghaa dzə̂ ghî ghò fi lueso kə̀làŋ.

Lumà 16:19

Aghî a dzə̀m kǔuwn kwo nû enyəa ghɛ̀ zuuw nù â Mughu ù te. Ghəa a te yia a ghəə̄ŋ mugho, yìa Ŋ̀ ŋgeē duʼnlo. Ǹ ləghaa enyəa ghɛ̀ è ki tɔ wo aleghəəŋ təla ko ghəa a dzûŋ ghò, àsùghò enyəa ghɛ̀ e ki yo ghu ko aŋ ghəa à biigh gho.

Lumà 8:12

Waazə̂ ghaŋa ghò, e fi lo enyəa sɛ̀ ki kəndàŋ, mò ndàŋ kə te kə kuuwn yò dzə̂ alenaam ghəəŋ nduw ko ghəa ghəla gwən e ughùe e sɛ̀ è ləghaa enyəa sɛ̀ è ghəŋlo.

1 Kòlentìan 14:11

Abugho Ǹ sô kuūwn zuūwkɛ̄lɛ̄ yo shwaʼ u te wo, M̀ fi lo ghùw ù kətum â ghùw wəlà ù kə̀aa ghəa gho an shwaʼ u te wo, ghùw ù te vʉ̀a ù lò sugho ghùwkətūm â mùghò.

1 Kòlentìan 14:16

Abugho ghù gɔ̀ɔŋ ko Zə̀ kò am fə̂ŋ zə̀ghà, ghùw wəlà ù lǒ tò ghûwkətum lo ênzə̂n aledzàa tsughu enyəa “Zə e lo ko êzə̀.” Aŋghəa ghùw fughuu zɔ̀ɔŋ kò â Zə̀ kò aŋ gɔ̀ɔŋ zə̀ghà mò ù zǔuwkɛlɛ yo ghəa ghəla ghù dzàa səa wo a?

1 Kòlentìan 2:13

Ghàʼ ghəa ghə êzəŋ e kə̂aa dzə yò an tɔ u ghûw wə̀ nsɔ̌ɔŋnchùw, ghəa ghəla ghàʼ kə̂aa wo à dèe wò Zuʼ tə zɔlɔ to aleteso dzaā nduw səŋò e ushʉ̀gha e te zo â ghì ghəla Zuʼ tə̀ Zɔlɔ tə te tə lo a zəŋò ghee.

1 Kòlentìan 3:18

E kwo ghùw lò nɔɔ̄m ghue u wə̄n wo. Abugho ghùw wɛʼɛ ù lì mòʼò enyəa e tɔɔ nù aŋghəa ghî a mbī a nîi a te, ù kì alelo tǒ ghùw ù làʼso, tò ù kè doʼò ghùw ù tɔ̌ɔ.

2 Kòlentìan 10:12

À yò dzə̂ enyəa ghàʼ ləghaa alefòʼn ndûw èghue ŋkāa ghàʼ bâan ndûw ghàʼ à ghê ghì ghəla ghe dzɛ̂ enyəa ghe lo ghî à ne gho, abugho ghe bânlo êzə alo eghue, ghe fi lâʼsò màʼn ghue e ghee.

2 Kòlentìan 11:19

Tɔŋlo enyəa ghɛ̀ duʼn ndùw enyə alebwiī ghuw ko kə mɔ̀ʼ ghɛ̀ ghê ghì à laʼso gho, mo ghue e eghùe zɛʼɛ̄ e tɔɔ nù!

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.