Lumà 1:13 - To kə Kəzə̀ kə̀ Fughu ko

¹³ Waazə̂ ghaŋa gho, Ǹ ləghaa enyəa ghɛ̀ kele tsughu enyəa à lò ndə̀mà tə tə̀nə̀gha M̀ moʼn tsughu alebùghò bwîin kôʼ ghɛ̀, ghəa è li zo n tsò ndùw bùghò ko enyə bùghò tə̀ghàso màʼà è tsughu. Bughò zaŋa a fi lo enyəa to M̀ mô lò alenìi nyəa wò ghì a fughu gho am bvʉa zɛʼɛ tò aŋghəa mùgho mò ghəŋlo â Tòʼò è li e zə̂.

Lumà 1:13 Iomraidhean Croise

Dzɔ̌n 12:24

Alekùu nîi tsughu, à gɔ̀ʼɔ̀ ko mo sə zə esò e nyə tsughu alo təzu, zə mò è fia, abugho e naām lô ko aŋ ghu zə n naam lò ko sə zə esò; a mò è bùghò e fîaa tsughu, zə m fùuw è kɔʼ, noo bɔŋ tsughu ndə̀m è àsò.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 4:36

Ghe tsəa nǔ ghùw wəla ù dùmlo êzə̄ŋ, vʉ̀a ù zùuŋ fʉghàzəa (ghî ghò) wəla ù doʼn təla wo, enyəa ghùw ù tǎa ghèe ghùwdùmlo ke e dzeŋe duʼnlo.

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Kə̀fwàʼ 15:12

Ghî yì à dzə̀m m bɔɔm zuuw ko mɔŋ; zəəŋ ndùw ko â Bànabàs ghèe Pôl aŋ ghəa ghe taŋsō sə̀ghà mə̀là Zə̀ kə̀ lo mo kə n dè â Tòʼò zò am bàm e ghee.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 21:19

A m bùghò ù tɔ̄ɔŋ zuw tsughu ghee, ù n tāŋsō dzɛ̀ kɔ̀ʼ ndùw ghəa ghə̀là Zə̀ kə̀ fwâʼ tsughu â zəŋò Tòʼò tò am bàm e fwàʼ kə ghee.

Kə̀fwàʼ 28:14

A m bùghò kòʼ wò waazə̂ ghaʼa à li gho fughu èzə̀, ghe mo enyəa ghàʼ mughùu tsughu ghàʼ à ghee n tsuʼu sə̀ghàmbəgha. A fi bughò nyə̀ wò nù an Lumà.

Lumà 1:12

Zə enyə lo enyəa to sɛ̀ a dzə̀m mò lò aleyòso ghue e sɛ aleghəŋlo enyəa sɛ̀ è nomlo am boo e sɛ â Zə̀ kò.

Lumà 11:25

Waazə̂ ghaŋa gho, səŋò è li e lo nû e nân doʼō Ǹ ləghaa enyəa ghɛ̀ kele tsughu, e lo ghəə̄ŋ tsughu ghɛ, ghɛ̀ è kɔʼso yo ghue zo enyəa ghɛ tɔɔ nù. Nû tuw kə̀ tughuu kəla ghî ghə Ezə̀lɛ̂ à ki yò dzə̂ ghəa è doʼn təla zo, à tsò zə̀ghàa tsughu ko Kəzə̀ enyəa zə e lo êzə̀, to kə kele kə̀bùʼ alenìi nyəa wô Toʼò zəla kə ki alenìi nyəa wô.

Lumà 7:1

Waazə̂ ghaŋa gho, ghɛ̀ kwo nû lâŋ kò. À lǒ mò ghɛ̀ məghaa nù enyəa lâŋ kə̀ ki ko kədaʼa a zəŋò ghùw an nə̀gha zəla ghùw ù te naām lo â tuw ko a?

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

1 Kòlentìan 10:1

Waazə̂ ghaŋa gho, Ǹ ləghaa enyəa ghɛ̀ kele tsughu fəgha kəla kə fə sə a zəŋò ghê tsele a sɛ̀ ghəla ghe fə̀ bwîi nduw a bǎà Musî, aŋghəa ghee a dzəm fə̀ dâŋ sə kɔʼ dzùghùntsòʼ a tsəla mbàʼ.

1 Kòlentìan 12:1

Êzəŋ a waazə̂ ghaŋa gho, kùu ndùw ghəa a fughu kəla Zùʼ tə Zɔlɔ â ghì gho, Ǹ ləghaa yo enyəa ghɛ̀ doʼo alo kəŋgòmsò aŋ ghəa a te.

1 Kòlentìan 14:20

Waazə̂ ghaŋa gho, kà nlò è moʼn dzə̄ ghəa gho tò wɛghêtùghu. Ghɛ̀ doʼo tsughu ko nlò tò wɛghêtùghu aŋ ghəa à biigh gho, nu ghə kwo yo nəŋònə̄ŋ aŋ ghəa è dzûŋ zò ŋkāa è biigh zo. Ghɛ̀ kuuwn ghînoo gho an dziī zəla ghɛ̀ moʼn ghea gho a te.

1 Kòlentìan 14:26

Waazə̂ ghaŋa gho, sɛ̀ lo aledzɛ̀ êndughō a? Abugho ghɛ̀ bughò dzeŋe tsughu, ghùw u mɔ̀ʼ n tsʉ̀ kɔ̀ʼ ezom, ù lì n zoʼn wò àghì, ù n dzɛ̀ fughu wò ghəa ghəla Zə̀ kə̀ lo mo kə n dzɛ̀ â wə̄n, ghùw ù lì ŋ kə̀a wò àghəa an shwaʼ wəla ghî à zuūwkɛlɛ yo, ghùw ù lì wə̄n n teso dzàa wò ghəa a te gho. Ghəa yì à dzəm kì alelō ko aleghəŋlo enyəa dzeŋe kə ghì a Kə̀zə̀ kə̀ è nomlo.

1 Kòlentìan 9:2

Abugho kwo yo mugho enyəa Ǹ lo tum è Kə̀lestò, ghɛ̀ yia a ŋgəə̄ŋ kwo ko mugho. Mughùu zəla ghɛ̀ mughù enyə alo kə fəgha kə mɔ̀ʼ ghɛ̀ à ghê Kə̀lestò, e dêe nù enyəa Ǹ tum è Kə̀lestò

2 Kòlentìan 1:8

Waazə̂ ghò, ghàʼ mô lə̀ghàa dzə̀ yò enyəa ghɛ̀ doʼo alo kəŋgòmsò aŋ ŋgoʼ zəla ghǎʼ mò zuw am mbùʼ è Ɛshìa; nu ŋgoʼ zəla ghe mò naŋā ghaʼ a te mò tsəghasə̄ nû, a m bûʼ kòom kwò yo enyəa a kê dòʼn nù â tuw ko.

2 Kòlentìan 2:14

Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.

Gàlashìan 3:15

Waazə̂ ghaŋa gho, alebùʼù nîi tsughuu ko an dziī zəla ghî à ghəə̄ŋ ghəa a ghee gho a te, abugho aghî à bə̀ghà à zə kɔʼ kàa mò alo eghəa, zə n tughuu â ghùw u mɔ̀ʼ alekuūwn nyəā tsughu ghəa è li zo aŋ kàa n te mò ŋkāa alebaʼso ghəa è li zo a te.

Gàlashìan 6:18

Waazə̂ ghaŋa gho, gɔ̂ɔŋ zaŋa e lo enyəa, to Mughùbè ù sɛ̀ Yɛso Kə̀lestò mò dê ghɛ̀ a dzə̀m â dzɔ̀ e wə̄n zo. Zə e lo ko êzə̀.

Fèlepìan 1:22

Abugho à bùʼ lò ko alemùghù aŋ gwə̀n e ughùe, à nǎam lò ko fwàʼ kəla kə tsəā â mùghò, alefwaʼā â Kə̀lestò. Yìa à sò lô ko enyəa, Ŋ̀ kwo dzə yo kəla kə tsəghà sə kə̀ li ko.

Fèlepìan 4:17

Ŋ̀ kəŋo dzə̀ yò fəgha kə̀là ghɛ̀ fughu wo ghè kò. Fəgha kə̀là ŋ kəŋo àlò namso kəla ghɛ̀ lo kele an dzɔ̀ɔ dzɔ̀ kə mwam kɛʼɛ̄.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

1 Tɛ̀sàlonìan 2:18

Ghǎʼ mò kuuwn ŋgee ləghaa nû alebùghò kôʼ ghɛ̀. Ghuūghùe waŋa Pôl, M̀ maā də̂m an ndə̀m è tə̀nə̀gha, Satàn ŋ kuuwn tə̀ghàsò ghàʼ.

1 Tɛ̀sàlonìan 4:13

Waazə̂ ghaʼa gho, ghàʼ ləghaa dzə̀ yò enyəa ghɛ̀ è lo alo kə̀ŋgòmsò kùu ndùw ghì ghəla ghe lo mo ghe m kpuw, enyəa ghɛ̀ ka ŋgee mʉŋe abugho ghùw kpuw tsughuu, tò ghî ghəla ghe chîi yo tùʼ enyəa ghî à lo zòom nùghùu wò nù ebàm alo evʉ̄.

2 Tɛ̀sàlonìan 2:7

Êzəŋ am mbī, ghî à tsɔŋɔ də̀mà kaaŋ nù ghî ghə̀ e ka e zuuw lâŋ kə Kəzə̀ kò. À sò kuuwn lò ko enyəa ghəa ghəla a ke ki alesə̄ lo tèlè sə̌a ko mo ghe ŋ ghùw ù biigh ù biigh ù te kwu nùghù.

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.