Lumà 1:11 - To kə Kəzə̀ kə̀ Fughu ko

¹¹ M̀ mbûŋlò alekòʼò wô ko ghɛ̀ alo esə̄ tò mùghò è lo aleghəŋlo Zuʼ tə Kəzə̀ tə fughu ghɛ â fughu kə nə̀ŋò ŋəŋ ko, fə̂ŋ tɛʼɛ tə nɛɛ̄ tsughu aŋ ghəa e Mughu ù te.

Lumà 1:11 Iomraidhean Croise

Kə̀fwàʼ 16:5

Êzə ko, êzə ko, ghe n dzəlà ndùw ghì a ndughutəkəzə̀ â sə̀ŋ zò am boo e ghee, kɔ̂n kə ghee ki n noom səa ndùw sùgho tsuʼu mən n dzə̀m n dzə̀m.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 19:6

A m bùghò Pôl daŋso gaʼ tsughu ghu a wə̄n gho an tuw u ghee, Zuʼ tə̀ Zɔlɔ tə n daŋso nyə tsughu a zəŋò ghee; ghe ŋ kàʼ ndùw alesāʼ saʼà tə nàʼà tə̀ nughù tò, kə̀aa ndùw shwaʼ u Kəzə̀.

Lumà 1:12

Zə enyə lo enyəa to sɛ̀ a dzə̀m mò lò aleyòso ghue e sɛ aleghəŋlo enyəa sɛ̀ è nomlo am boo e sɛ â Zə̀ kò.

Lumà 15:23

Aŋghəa e lo êzəŋ enyəa mùgho m fwàʼ mɛ̀ʼɛ̀ kǎaŋ wô fwàʼ kaŋa ko am mbùʼ zən, àsùghò aŋghəa mùgho mò dîi kêe tsəgha an ndə̀mà tə tənùu alebùghò kôʼ ghɛ̀,

Lumà 15:29

Ŋ̀ kwo tən nû enyəa abugho Ǹ lo bugho fì a vʉ̀a ghɛ̀, Ǹ lo ghəəŋ nù Kə̀lestò lo ŋgeē fughu ghɛ â bughuso zo.

Lumà 15:32

Ghɛ̀ e gɔɔ̄ŋ tsughu sugho enyəa mùghò e lo alebùghò sə fi a vʉ̀a ghɛ̀ abugho Zə̀ kə̀ boō dzə, mò fə̀ŋ zaŋa zɔlɔ nù, àsùghò enyəa M̀ bughò zʉ̂ʉn daŋà tsəghà ughue fì èzə̀ sɛ̀.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

2 Kòlentìan 1:15

Ghəa mùgho mò tɔ̂ʼ kwo ghəa ghən, mùghò n ləghaa alebùghòo dzə̂ alô ghɛ̀ esə̄, enyəa ghɛ̀ lô kpaʼā kele maāŋ kɔʼɔ̄ namso ko.

2 Kòlentìan 1:21

À kǔuwn lò Kəzə̀ kə kê ghəŋlo a tɔʼɔ̄ teme tsughu alo kəfəgha kə mɔ̀ʼ sɛ̀ à ghê Kə̀lestò, tsuʼ naŋā kɔʼ sùghò sɛ̀ enyəa sɛ̀ e lo ghî a wə̄n gho.

2 Kòlentìan 11:4

Ǹ ghəa ghən enyə kə̀aa bòʼ enyəa, abugho ghùw bùghò fughu wô ghɛ â tsʉ̀ zò kùu ndùw Yɛso ù nùghù mò à yò dzə̂ wəla ghǎʼ mò dzaā, ŋkāa ghe yia nî wò shʉghà ù li wo mò à yò dzə̂ wəla ghàʼ mò nî wo, ŋkāa abugho ghe yia boō ndûw làbəlà mò à yò dzə̂ zəla ghɛ̀ mò bûʼ boō dzə, ghɛ̀ m mbà kpènì ghee.

2 Kòlentìan 9:14

Ghe lo e diī ghɛ, gɔ̀ŋlò an tuw wɛʼɛ bòʼ dzɔ̂ è nêene zəla Zə̀ kə̀ dê tsughu â ghɛ̀.

Fèlepìan 1:8

Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Fèlepìan 2:26

Mùghò n tsughu tsən enyəa Ŋ̀ ki alenìi tuū wô wə̄n ebàm a vʉ̀a ghɛ̀, nu ù dìi kèe alebùghò kôʼ ghɛ̀.

Fèlepìan 4:1

E fi lo enyəa waazə̂ ghaŋa à dzûŋ ghəla Ŋ̀ ki am fə̂ŋ è dzùŋ, ndòʼò mbùuŋ kèe sùghò alekòʼ ghɛ, ghɛ̀ lo duʼn kaŋā, lò sugho namso kaŋa am M̀ mbûŋ nù alekòʼ ghɛ̀. Ka tsughu ko nlò zə̀ zo aŋ ghəa e Mughu ù te a fən ghaŋa à dzûŋ ghò.

1 Tɛ̀sàlonìan 3:13

Ghǎʼ yìa gɔ̂ɔŋ sugho enyəa to Mughu ù te mô ghəəŋ tsughu ghɛ̀ nɛɛ tsughu, ghɛ̀ ke e lo tsəghātsəghā, zɔlɔ am sə kə Kəzə, Tsele ù sɛ̀ àsùghò a vʉ̀a Mughùbè Yɛso abugho ù lo bugho ebàm ghèe ghê ghì a wə̄n gho.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.

2 Tɛ̀sàlonìan 3:3

À sò kǔuwn lò ko enyəa Mughu ù te lo nâaŋ dzughu e wə̄n, ù lo fughu nù ghɛ â daʼa ko, ù lo tughuso nù ghɛ, ù kə̀ŋo naŋā sùghò ghɛ̀ aŋ ghùu ghì à biigh gho.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.

2 Pità 1:12

E fi lo enyəa Ǹ lo ki tsəgha ko alezəə̄ŋ zee wò ghɛ, ghəa e bûʼ lo ko enyəa ghɛ̀ kwo ziī nû ghəa a te gho, tɔ̀ʼ tì sugho an səŋò zəla ghɛ̀ lo mò ghɛ̀ ŋ kele zìi.