Lumà 1:1 - To kə Kəzə̀ kə̀ Fughu ko

¹ À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 1:1 Iomraidhean Croise

Mâk 1:14

Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ,

Dzɔ̌n 12:26

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.

Dzɔ̌n 15:15

Alekaʼa tsughu êzə̄ŋ nùghù ndùw â sə ko, Ŋ̀ kôom yò aletɔ̄ŋɔ̄ ghɛ̀ enyəa ghɛ̀ lo ŋkɔ̂ɔ, nu kɔ̂ɔ fə̀ kwo yo fəgha kəla mughùbè ù wə̄n fwaʼā. Mughò êzə̄ŋ e tɔɔŋ ghɛ enyəa à lò fən ghaŋā, tɔŋlo enyəa mugho n dzɛ̀ mɛ̀ʼɛ̀ ghɛ â fəgha kəla mùgho mò zuw wo aŋ ghùu Bə̀ghà.

Dzɔ̌n 15:20

E moʼnlo nlò shwaʼ wəla mugho mò dzɛ̂ naŋā â ghɛ̀ enyəa, ‘Kɔ̂ɔ fə̀ tsəghàsə̌a tsə̀ghà yǒ mughùbè ù wə̄n.’ Abugho ghe mò lo alendzaŋso kaaŋ mùghò, ghe lo ndzaŋso kaaŋ sùghò nù ghɛ. Abugho ghe mò lo alezuūw naŋa shwaʼ waŋā, à fi lo enyəa ghe lo zuuw naaŋ sùghò nù shwaʼ wɛʼɛ wo.

Kə̀fwàʼ 13:9

Zuʼ tə̀ Zɔlɔ tə ŋ ghəəŋ tsughu Sôol wəla ghe tɔɔ̄ŋ sughò enyəa à lò Pôl ù n tughùsò lɛ̌ɛn tɔɔn nyəa ndùw ko ghùw ù fə̌ən vʉ tsəghatsəgha alo asə,

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 21:40

A m bùghò Komndzūghū vʉ fughu tsughu wə̄n â bùʼ kò, Pôl n tee kɔʼ kɔʼ alo ŋkɔʼɔ, fòʼn ndùw ghee â ghu gho enyəa ghe doʼò tsughu mɔŋ. A m bùghò ghe ndôʼ də̂m sugho, ghî à nughù zuw doʼò tsughu mɔ̄ŋ, Pôl ŋ kàʼ ndùw ghee â ghəa à kəaa gho an shwaʼ u Hebə̀lù, dzɛ̀ â ghee enyəa.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Kə̀fwàʼ 22:7

Mùghò n təghaa bvʉ̀ ndùw a ghuu, zuw tsughu dzə̀ è ghùw ù lì ù dzàa wo â mùghò enyəa, ‘Sôol, Sôol, ghù mùghò ènyə ndzaŋso bòʼ kwò à?’

Kə̀fwàʼ 26:1

Agelepà n dzɛ̀ ndùw â Pôl enyəa, “Ghù kì nû daʼa ko êzəŋ alebâaŋ ghue wʉ̀a.” Pôl n daŋso kele kɔʼ ghu a wən edzuŋ, kàʼ ndùw sùghò ghue ù baaŋ wo:

Kə̀fwàʼ 26:14

A m bùghò ghàʼ bvʉ̂ ndûw a ghueetsə̄, mùgho n zuw dzə̀ è ghùw ù lì è dzàa wo â mùghò an shwaʼ u Hebə̀lù enyəa, ‘Sôol, Sôol, à lǒ kwò ghù sò ndzaŋsō mugho à? Ghù tsò wii sùghò ghue wʉ̀a kə̀nùghùnùghù enyəa ndzàŋso mùghò.’

Kə̀fwàʼ 27:23

nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 1:9

Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 11:13

Ŋ̀ ghəa ghən fɛ êzəŋ kə̂aa wò â ghɛ̀ a Toʼò zò, aŋghəa à naām lô dzə̂ mugho ghùw wəla ghe tum wo enyəa ù bùghò naʼà làbəlà è Kə̀zə̀ zən â ghɛ̀. Ǹ nî tsùghù enyəa fwàʼ kə̀là Zə̀ kə̀ fughu â mùghò lô fwàʼ səŋò kò.

Lumà 15:16

Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

Lumà 15:29

Ŋ̀ kwo tən nû enyəa abugho Ǹ lo bugho fì a vʉ̀a ghɛ̀, Ǹ lo ghəəŋ nù Kə̀lestò lo ŋgeē fughu ghɛ â bughuso zo.

Lumà 16:18

Ŋgòʼ è ghì a te gho fwaʼà dzə̀ yò â Mughùbè ù sɛ̀ Kə̀lestò, e ghee lò ko alekə̄ŋ buʼ kə unʉ̀ghà kə ghee. Ghe koʼò tsùghû ghì ghəla boo e ghee e lo mo e tɔ̂ʼ tì yo, ghe ni kɔʼ kpə̀ŋòkpə̀ŋ tə ushwaʼ tsèe ghee a te ghe n nəghaan sùghò ghe alo kənōm.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

1 Kòlentìan 1:1

À lò mugho Pôl Ǹ tɔɔ̄ wo mwàʼsò kən ko â ghɛ̀. Zə kə̌ fə tsə̂m tsughu nû, kə n nì kɔ̀ʼ mugho enyəa Ǹ doʼò tsughu tùm è Kə̀lestò Yɛso. Ǹ lo fɛ ghàʼ à wàazə̀ waʼa Sɔ̀stɛ̂ns aŋghəa Ǹ tɔɔ̄ mwàʼsò kən ko.

1 Kòlentìan 9:1

À lǒ mò Ǹ ndzə̂əm mùghù yo aŋ ŋgəŋ zaŋa a? À lǒ mò Ǹ yo tum è Kə̀lestò a? À lǒ mò Ŋ̀ kâ Mughubè ù sɛ̀ Yɛso kôʼ à? À lǒ mò à ka fɛ mugho ghəŋlo enyəa ghɛ̀ boo fughu â Mughu ù te à?

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

2 Kòlentìan 11:5

Ghî ghəla ghe toō ko num enyəa à bìso lǒ ghee tum tə Kə̀lestò to, Ŋ̀ kwo dzə yo enyəa ghə̂an fə̀ li fə lo nû ghe tsə̀ghàsə mugho a te.

2 Kòlentìan 11:7

À lò enyəa mùgho mò bonlo eghəa aletsughuso naŋā tsughu ghùe waŋa a ghueetsə̄ a, enyəa ghɛ̀ kuuwn ghaʼ kɔʼ bòʼ mùgho mò kə̂aa wô shwaʼ u Kəzə̀ wò â ghɛ̀ mò ghɛ̀ kâ mùghò tsə ŋkāa?

2 Kòlentìan 12:11

Mùghò m fə̀n fəgha kə̀ laʼso ko mò à ghə̌əŋ ghɛ̀, mò à lǎam lò ghɛ alekɛɛ mugho, tɔŋlo enyəa ghəa M̀ bûʼ buw ko fəgha ko, ghî ghəla ghe toō num enyəa ghe lo kɔ tə tətūm, Ŋ̀ kwo dzə yo enyəa nyàaŋ fə eghəa fə̀ lo nû ghe tsə̀ghàsə mugho a te.

2 Kòlentìan 2:12

Ghəa Ǹ nyə nduw an naʼ e Tə̀lɔ̂as alendùw naʼà Tùm è Dzùŋ è Kə̀lestò zən fughu, mùgho n ndùw kòʼ tsùghù enyəa Mughu ù te maā dzì è fwàʼ kə te ko â mùgho a fughu alo enaʼ tsʉ naŋa.

2 Kòlentìan 4:5

Ghàʼ fɛ kə̀aa dzə̀ yò ghəa a ghùe ghaʼā gho; ghàʼ kə̂aa wò ghəa a Yɛso Kə̀lestò, enyəa ù lò Mughù ù te, ghǎʼ yia kuūwn lo kɔ̀ɔ mɛʼɛ mò aŋ ghəa e Yɛso.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Fèlepìan 2:11

Àsùghò enyəa, aghî a dzə̀m e ke dzâa səa wo an dzughu e tughō zo enyəa, Yɛso Kə̀lestò lǒ Mughu ù te. Ghe kê èzə ghəŋlo, ghe sô fughuu kɔʼso mò â Zə̀ kò, Tsele ù te.

Kòloshìan 1:1

À mwàʼsò kən kə tɔɔ wò mùghò Pôl tum è Kə̀lestò Yɛso zəla Zə̀ kə̀ mò shîaa kɔʼ. M̀ mwàʼsò kən kə tɔɔ wò mò Ǹ lo ghàʼ à wàazə̀ ù sɛ̀ Timotì.

Kòloshìan 1:25

À lò bòʼ dzeŋe kə ghì a Kəzə̀ kən, Zə̀ kə̀ naŋā mùghò enyəa N̂ doʼò ghùw ù kə̀fwàʼ wɛʼɛ a te, enyəa mùghò è kuū naʼ wo shwaʼ u Kəzə̀ wò.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

1 Tɛ̀sàlonìan 2:8

Ghǎʼ mò kuū ləghaa nû ghɛ, zə̀ lǒ e ghee ghǎʼ mò kaā kə̂a ko yo ghɛ â shwaʼ u Kəzə̀ wò, ghàʼ m fùghù mɛ̀ʼɛ̀ wò ghue zaʼa aleyòsò ghɛ̀, ghàʼ màʼà ŋge gaʼ fə̀ŋ a zəŋò ghɛ̀.

1 Tɛ̀sàlonìan 2:9

Waazə̂ ghaʼa gho, ghɛ̀ mgbaŋ kwo nû aŋghəa ghǎʼ mò fwaʼà zeē nduw, bùghò fwàʼà bwǐi ndùw enyəa ghàʼ lô so e laʼà fəgha kə̀ li ko an nə̀ghà zəla ghǎʼ mò kə̂aa wô shwàʼ u Kəzə̀ wò â ghɛ̀. Ghǎʼ mǒ èzə fwaʼā aleghəŋlo enyəa e kwo ko ghàʼ lô doʼn fəm ko â ghùw wɛʼɛ u mɔ̀ʼ.

1 Timotì 1:1

À mwàʼsò kən kə tɔm mugho Pôl. Zə̀ kəla kə bəghaasəa sɛ̀ ghèe Kə̀lestò Yɛso wəla a chiī tùʼ è sɛ̀ a zəŋò wə̄n fə̀ fughu mughu â daʼa ko enyəa mùghò e lo tum è Kə̀lestò Yɛso.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:11

Zə̀ chia kə shîaa kɔʼ mugho tǒ tum è Kə̀lestò àsùghò tǒ wàdè alezoʼn wo ghî ghò, nàʼn ndùw sùghò làbəlà è dzùŋ è te.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

Hibùlù 5:4

Ghùw mɔʼɔ̄ tsɔʼɔ̄ dzə̀ yò ghue u wə̄n wo aledòʼò Tuw kə fɔ̀e bòʼ ù lə̀ghâ ŋkɔʼso mo, à wə̄n telè tsɔ̀ʼɔ kɔʼɔ̄ Kə̀zə̀ tò aŋghəa kə fə̀ tɔŋɔ Ɛlɔ̀n.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.

1 Pità 4:17

Tɔŋlo enyəa nəgha zə m kpe â Zə̀ kò alesāʼ mbī, mò ù bùʼù kàʼa nùghù tsùghù dzə̀ a zəŋò ghì a wə̄n gho. Abugho saʼ tə te tə ki alekaʼā nughù tsughu a zəŋò sɛ̀ wɛ a Kəzə̀, e lo bòʼò bǒo ênzə̂n a zəŋò ghì ghəla ghe lo mo ghe boom yo làbəlà e Kəzə̀ a?

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Edêe Fughu 1:1

Ghən lò ghəa ghəla Yɛso Kə̀lestò fə̀ dê fughu wo â Dzɔ̌n. À fə̀ ghəa a te gho â wə̄n fughu Kəzə̀ enyəa ù dèe tsughu â kɔ̀ɔ ŋ wə̄n mò tò ghe kele tsughu ghəa ghəla a ki alekùʼù nî kə̀bala. Kə̀lestò ŋ ghəəŋ tsughu enyəa ghî à kelê ghəa ghən mò ù tùm ndùw tsə̀ndə̄ghā e wə̄n a vʉ̀a kɔ̀ɔ fə wə̄n fo, tɔɔŋ Dzɔ̌n.

Edêe Fughu 22:6

Tsə̀ndə̄ghā e Kə̀zə̀ n dzɛ̀ â mùghò enyəa, “Shwaʼ wən lo shwaʼ wəla ghî a lo aleboō fughu a te, vʉà ù lô êsəŋòʼ. Tsə̂ntə̀mbî Kəzə̀, kəla kə fughuu Zuʼ tə̀ Zɔlɔ to â ghiīshʉ̀ghà a wə̄n gho n tùm wo tsə̀ndə̄ghā e wə̄n enyəa e bùghò dêe fughu wô â kɔ̀ɔ ŋ wə̄n mò fəgha kəla kə kuʼn ki alenì kəbəla.”

Edêe Fughu 22:9

Tsə̀ndə̄ghā e te ŋ kuuwn dzɛ̀ â mùghò enyəa, “Kà ghəəŋ dzə̀ èzə̀! Ǹ lo sugho fəkɔ̂ɔ tò ghû ghɛ̀ â ghê waazughu ghò tɔ̂ɔŋ ghiīshʉ̀ghà àsùghò ghì ghəla ghe naāŋ fəgha kəla ghe tɔm naŋa am mwàʼsò kən. E kɔʼso nduw Zə̀ kò!”