Lûk 9:12 - To kə Kəzə̀ kə̀ Fughu ko

¹² A m bùghò zuuw e bəŋo nduw, tsoʼ tə̀n èghəm à ghè tò tə bə̀ghà m bùghò dzɛ̀ â wə̄n enyəa, “To ghù mo ghəəŋ tsughu enyəa ghî ghən sɛ̂ɛ nyəā ndûw ènàʼ, à li a soʼō ndûw sughò alo təŋgwə̀là, ghe lô kpaʼā kele luʼū kə̀ bwii ko, à fəgha kə̀ zəa ko; nu a fɛ lò alo ebəghāa.”

Lûk 9:12 Iomraidhean Croise

Matìo 14:13

A m bùghò Yɛso n zuw tsughu ghəa a te gho, ù n daŋso nì kɔʼ kəkwə̀n ndùw sàŋe dòʼò ndùw wə̄n à nəŋ ko. Ndə̀mà tə aghì tə̀ n zuw tsughu enyəa ù a fughu, ghe n zəghàan tsùghû nàʼà ŋ ghee, səa kwuu ndùw ko dzì alo kəghùw, ghe dzûum nduw wə̄n.

Matìo 15:23

Yɛso ŋ kè kuūwn bɛlɛ̀ wə̄n. Tsə̀təndə̄ghā tə wə̄n tə n daŋso bùghò bǔʼ wò wə̄n â ghu ko enyəa, “Dzǔu nùghu wə̄n, nu ù bùʼn wò mbɔ̀ŋ a bàâ sɛ̀.”

Matìo 15:32

Yɛso n daŋso tɔŋɔ zùuŋ wò tsə̀təndə̄ghā tə wə̄n dzɛ̀ â ghee enyəa, “Se e kwuu mùghò a zəŋò ghì ghən gho, nu ghe n dòʼo ghàʼ à ghee alo ntsuʼ n təgha, ki yo fəgha kə̀ zəa ko; M̀ fɛ tsoo ləghaa sùghò alezə̀ghàa ndûw ghee an dzəŋ, e kwo ko ghe lô vuŋlo an dziī.”

Lûk 9:11

A m bùghò ghî à kele kɔʼ enyəa ghe lo a fughu, ghe n sə̀ tə̀ŋò nùghù ndùw a fughu. Ù m kpènì kɔ̌ʼ ghee, kàʼ ndùw ghee â shwaʼ u Kə̀zə̀ wò alekə̀a, baaŋ sùghò ghì ghəla ghe mò zuūw yô kədzûŋ.

Lûk 9:13

Yɛso ŋ kòom fə̀ŋso dzɛ̀ ndùw â ghee enyəa, “Fughu tsughu nlǒ ghee â fʉ̀ghàzəa wo.” Ghe mo enyəa, “Ghàʼ fɛ lɛ̄sō ki ko sə a ugbɛ a tɛ̀ àsùghò tsəgha to tə bə̀ghà etɔ̀ŋ, à fi lo enyəa a ki alezue fʉghàzəa u lô alekpenlo an tuw u ghì ghə̀n à dzə̀m.”

Dzɔ̌n 6:1

Ghəa ghən n tsə̀ghà è tsughu, Yɛso n dàŋ sə̀ kɔʼ Nyʉ̂ e Galèlîi (zəla ghe tɔɔ̄ŋ sugho enyəa à lǒ Nyʉ̂ e Tàebɛlìas), dàŋ sə̀ ndùw a ŋgùŋ è lì èzə̂.

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.