Lûk 8:13 - To kə Kəzə̀ kə̀ Fughu ko

¹³ Ghəlā aŋ gɔ̀ŋlò, fɛ lo ghəla abugho ghe zuw tsughu shwāʼ u te wo, ghe n nì ko aŋ ghùe è ghɛɛ̄n zo; wə ŋ kè kuūwn nyəā mə̄lā ghee alo tə fə̀ŋ, tɔŋlo enyəa ghe dzə̂a kwǔu kele kə̄əŋ ndùw kô boo e te zo enyə, à m bùghò nəgha è mɔɔ̄ koʼō e ghee e kpe tsughu, ghê n tìgh zə̀ghà è tsughu.

Lûk 8:13 Iomraidhean Croise

Mâk 6:20

Hɛlɔ̀d màʼa fə̀ tsəŋō tsəgha Dzɔ̌n, ù sò kwo enyəa à lǒ ghûw ù tsəghatsəgha, zɔlɔ sùghò. Ù m baʼà mbàŋ an tuw kə wə̄n. Hɛlɔ̀d mò zuūw tsughuu shwaʼ u Dzɔ̌n wo, ghue wə m kpuw tsughu wə̄n enyə; ù n naam ləghaa ko alezə̂ən shwaʼ u wə̄n u te wo.

Lûk 8:12

Sə ghəla aŋ kwàn u dziī fɛ̄ lo ghî ghəla ghe zuūw tsughuu shwaʼ u te wo, vʉatsə̄a ghə m fùʼ bùghò sɔ̀ŋ nùghù sə kɔʼ shwaʼ u te wo am fə̀ŋ tə ghee, enyəa ghe lô dɔ̂ɔm boōm tsughuu shwaʼ u te wo, ghe zəā kɔʼ kə̄tūw.

Lûk 8:14

Ghəlā an nyɔ̌ɔŋmgbê, fɛ kuuwn lò ghəla ghe zuw tsughu shwāʼ wə̄n; â ghee alekuūwn ndûw â sə ko, fəm kə mbī kə ŋ kwù ŋgwùu tsùghu ghee, fʉgha u m mbī wə̂ ŋ kwù ŋgwùu è tsughu, sʉ̂ e mbī zə̂ ŋ kwù ŋgwùu tsùghù sùghò ghee, tam kə ghee kə ŋ kè tughu.

Dzɔ̌n 15:2

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Dzɔ̌n 15:6

Ghùw wəla ù yǒ ghàʼ à wə̄n alo kəfəgha kə mɔ̀ʼ, a ŋ kə̀a màʼà sə̀ nduw wə̄n tǒ kwèe kə̀ biigh koʼ, kə mò è zum, a ŋ kuum kpàa ndùw an wə̀s, kə m pfʉ̀gə̀m ndùw fughu.

Dzɔ̌n 5:35

Dzɔ̌n fə̀ lo tò təsɛnlo, tə m bəghanlo, bàŋà dzɔ̀ɔ sùghò, ghɛ̀ n ləghaa sùghò aletsùuŋ duʼn tsughu an tsə̂ è wə̄n è te.

1 Kòlentìan 13:2

Abugho Ŋ̀ ki fughu kə te aledzaā shʉghà wò, asùghò tɔ wo alezuuwkɛlɛ nàn tə aghəa to, àsùghò ki fə̀ŋ è te aledzàa ndûw â kàʼà tò enyəa tə səə̄n nughù tsughu, tə n səəŋ nùghù tsùghù è sugho, mò kuuwn ki yo ləgha zo â ghì gho — M̀ fi lo kənughùnùghù.

1 Kòlentìan 15:2

Zən lǒ làbəlà zəla è lo ghəŋlo Zə̀ kə̀ lo bəghāsə̄ ghɛ, abugho ghɛ̀ tɔ̂ʼ kwu kele tsughu shwaʼ wəla mùgho mò bugho naʼa, buw êzè, à f lo enyəa fəgha kəla ghɛ̀ moʼò enyə ghɛ̀ mò boo fughu a te fi lo kènughùnùghù.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Gàlashìan 3:4

À lǒ enyəa fala zəla ghɛ fə̀ fala mò tsəgha miāa kə̀nughùnughù a? Ɛ̂ŋgaŋ dzə̂, Ǹ tɔʼɔ mòʼn dzə̀ yò enyəa fala e te e mò lo kə̀nughùnùghù.

Efɛsùs 3:17

àsùghò enyəa Kə̀lestò e mughu am fə̂ŋ tɛʼɛ bòʼ boo zəla ghɛ̀ ki â wə̄n. Ŋ̀ gɔ̂ŋlò enyəa to ghaŋ ghɛʼɛ a mô nyəā məla tsughu an ləgha zəla ghɛ̀ ki â Zə̀ kò àsùghò aŋ ghuè zɛʼɛ̄.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 2:7

Ghəəŋ tsughu nlò enyəa ghaŋ ghɛʼɛ a nyəā tughuu tsughu a zəŋò wə̄n, ghɛ̀ bəgha nlò mughù zɛʼɛ zo a zəŋò wə̄n, ghɛ̀ tee tən tsughu ko am boo zɛʼɛ̄ a ndziī zəla ghe mò zoʼn ghɛ a te. Ghɛ è fughuu wə̄n â zɔ̀ɔŋ kò nəgha tən tə̀ dzə̀m aŋ ghəa ghəla ù ghəŋlo â ghɛ̀.

1 Tɛ̀sàlonìan 3:5

Zə lo e ghee aŋghəa ghəa a mò tsəghà səa mugho, mùghò Ǹ tùm wò Timotì a vʉ̀a ghɛ̀ enyəa, ù bùghò kôʼ aŋghəa ghɛ̀ boō fughu a te â Kə̀lestò. À fə̀ lo bòʼ mùghò fə̀ ki tsə̄ŋ zo enyəa Satàn làʼà lo mò ù n ghɛ̀ tsom enyəa ghɛ̀ ti zəghā fwàʼ kə Kəzə̀ kò, à e bən lo tò ghàʼ mò fwaʼ mùghù mə̀ èləghāa.

1 Timotì 1:19

Tɔ̀ʼɔ teme tsughu ko aŋghəa ghù boo fughu a te â Yɛso, ghù kele tsughu sughò fə̀ŋ è zɔ̀lɔ. Ghî à li a lo nû ghe kôom buʼù kɔʼɔ̄ shiāa yo aleghə̂əŋ ghəa zəla e lô tsəghatsəgha, ghəa a te yia a ghəŋlo, ghe yia kôom yo aleboō fughu â Zə̀ kò.

Hibùlù 10:39

Sɛ̀ kuuwn yo dzə̂ aŋ kɔ̀n kə ghì ghəla ghe ghɔ̂ɔn wo ebàm, Zə̀ kə n dzùw màʼa ghee. Sɛ̀ lo ghî ghəla ghe gaʼ fə̂ŋ tò a zəŋò Zə̀ kò, mo kə lo bəghasəa nǔ sɛ̀.

Dzɛ̂ms 2:26

Nu abugho ghùw kòom zwîi yo, ù fi lo mò u m kpuw. À lò sugho eghəla abugho ghùw boō fughu tsughu ko â Zə̀ kò mò ù fwàʼà ǒ fwàʼ kə̀ dzûŋ kò, ghùw ù te kâ fi tso boo fùghù kè dzə̀ â Zə̀ kò.

2 Pità 2:20

Abugho ghî à lo mo ghe n tì zə̀ghà sə̀ wò bo e mbī zo aŋ ghəa ghe kele tsughu Mughùbè ù sɛ̀, tɔɔŋ Bəghambī Yɛso Kə̀lestò, ghe yìa kôom bughô fwə̂n kpeʼe ndûw kɔ̂ wò â bo e te zo, ghe bo tsə̀ghàsə̀ ghəa ghe fə̀ bûʼ lò tsəghà a te aŋghəa ghe fə̀ lo mo ghe kaām kele səŋò zò.

2 Pità 2:22

Mwam e ghee e deē enyəa, shwaʼ u kwə̀n kə̀ kwən wən lo èsəŋò enyəa, “Bvʉ kôom ndùuw ko èbàm alezə zaā u wə̄n wəla ù mò zɛ̂ maʼa.” Vʉa u dêe sugho enyəa, “Kwèlebʉgha kəla a sûuw tsughuu kôom bɔ̌ɔm ndùw mbə̀me kɔʼɔ ko ùghue alo kətsāʼ ebàm.”

1 Dzɔ̌n 2:19

Ghî ghən fə̀ zəghaa tsughu ghaʼ nùghù è nduw, mò à êzə lo mo ghe mo biso ti yo alo kəfəgha kə mɔ̀ʼ ghàʼ à ghee; nu abugho ghe mò ti alo kəfəgha kə mɔ̀ʼ ghàʼ à ghee, to ghe mafə doʼò dòʼò a fɛ ghàʼ à ghee; lò êzə̀, nughù sə e ghee e kûu dèe nù enyəa ghe ti yo ghàʼ à ghee alo kəfəgha kə mɔ̀ʼ.

Dzûd 1:12

Ghe lo ko tò na kə dzəa ko kə dzəso ghɛ abugho ghɛ̀ à ghee dzeŋe zəa kùun to a dzə̀m, ghe n zəa ghɛ̀ à ghee mo ghe ki ke yo tuw kə dəla ko, ghe sô lɛɛ̄n təla tsughu ko ghue e ghee zo. Ghe lo tò mbàʼ tə̀ zum to alo kəwāla kǔɛɛ kə foō kaāŋ tsəgha mo ghuuw e yo aletsoō səa tsughuu wô a te. Ghe yia lô sugho tǒ kâʼ fə nûm fò mo fə yo alebɔŋ kətam, mo ghe n dwə̀ən nùghù sə̀ kɔʼ aŋ ghueekətsə̄, mò mə̀ m bùʼ zùm sùghò.