Lûk 7:16 - To kə Kəzə̀ kə̀ Fughu ko

¹⁶ Fə̂ŋ tə̀ n sə ghee, ghe n daŋso kàʼ ndùw Zə̀ kə̀ kɔʼso ko; dzàa tsùghuu enyəa, “Sɛ̀ ŋ ghùwshʉ̀gha ù ne kele am bvʉa e sɛ̀.” Àsùghò enyəa, “Zə̀ kə̀ ŋ ghì a wə̄n a bâŋ kòʼ.”

Lûk 7:16 Iomraidhean Croise

Matìo 15:31

Ghəa saʼ kə aghì chi kə koʼ aŋghəa mùʼ ù kə̂a wô ghəa gho, ghî a bà kə̀ mɔ̀ʼ bwìi wô tsəghatsəgha a te, ghəla ghe mò lo kə̀əŋ wò ghe n tughuu doʼn wo, ghî à foō a koʼò wô luʼū to; dzughu ghə zūm ghee, ghe ŋ kàʼ ndùw alefughu ŋkɔʼso â Zə̀ kə Ezə̀lɛ̂ kò.

Matìo 21:11

Ghî à mo enyəa, “Wən lǒ ghùwshʉ̀ghà Yɛso, ù sə wo an Nazalɛ̀t, am mbùʼ è Galèlîi.”

Matìo 28:8

Ghe fi daŋso kwuun zə̀ghàa tsùghù nû a fughu alo eshìa, nòʼò ndùw ko â ghue zo alo eduʼnlo, ghe nyəŋō ndûw alendùw dzɛ̂ â tsə̀təndə̄ghā tə wə̄n to.

Matìo 9:8

A m bùghò nê kə aghì chi kə kôʼ tsughu ghəa yi gho, fə̂ŋ tə̀ n sə ghee, ghe ŋ kàʼ ndùw alekɔʼso Kə̀zə̀, kəla kə mò fughu ŋgòʼò dàʼà kən â ghì ghò.

Lûk 1:65

Fə̂ŋ tə̀ n sə ghî a ukɔn a te gho a dzə̀m. Ghe n zɔ̀ŋ ndùuŋ ndùw ghəa a te alo kəzɔ̀ŋ an nàʼà fə Dzùdîa fi fughu aŋ ukwàʼ.

Lûk 1:68

“Ŋkɔʼso â Tsə̂ntə̀mbî, Zə̀ kə Ezə̀lɛ̂, bòʼ kə ŋ ghì a wə̄n a bughò bwìin kòʼ, chia kə tsəmsō ghee.

Lûk 19:44

ghe lo foʼ ghɛ am fʉgha wə ŋkwə̀n ghɛ̀ à ghê wɛ ghɛʼɛ gho, ghe buū sâʼ naʼ zɛʼɛ, fəgha kə lo e koōm tɛɛ̄n daŋso yo fughu; tɔŋlo enyəa, ghɛ̀ kaā kôʼkɛ̀lɛ nəgha zəla Zə̀ kə̀ mò bwîin wo alebùghò bəghaā sə ghɛ.”

Lûk 2:20

Ghî à baʼā a təndzì yi n nughùun ndùw èbàm, fughuu ndùw ùnyoʼ, kɔʼso ndùw Kə̀zə̀ alo ezōm aŋ ghəa ghəla ghe mô zuw bɔɔm ndùw kòʼ ndùw sùghò an tə̀ŋ kə̀là tum zə mô dzɛ̂ â ghee.

Lûk 24:19

“Ghəa à ghɛ gho?” Ù nùghù bvʉ tsughu. Ghe mo enyəa, “Ghəa a Yɛso, ghùw Nazalɛ̀t wəla ù mò lo tùghùtùghù kə ghùwshʉ̀gha kò aŋ ghəa a wə̄n à ghəəŋ gho, àsùghò aŋ ghəa a wə̄n à kəaa gho a vʉ̀a Zə̀ kò, àsùghò an sə kə ghì ghə̀n à dzə̀m.

Lûk 5:26

Dzughu zə n zum ghee a dzə̀m, ghe ŋ kɔ̀ʼsō Kə̀zə̀, tsəəŋ kə̀aa tsùghuu enyəa, “Ghàʼ bwîi tsəgha, ghǎʼ ŋ ghəa e nɛ kòʼ.”

Lûk 5:8

Ghəa Sǎemòn tɔɔŋ Pità kòʼ ghəa yì, ù n tə̀m ndùw tə̀ŋguʼ a vʉ̀a Yɛso, dzɛ̀ â wə̄n enyəa, “Nùghu a vʉ̀a mùghò a Mughùbè, Ǹ lo ghùw wəla Ŋ̀ ghəə̄ŋ ghəa à biigh gho.”

Lûk 7:15

Ghùw kpǔuw vʉ n daŋso nùghù dòʼò è kɔʼ, kàʼ wò ghəa à kəaa gho. Yɛso fi kôom fughu kɔʼ nû nʉ̀ghà vʉ̀ â wɛ̀.

Lûk 7:39

Falàsîi vʉ̀a ù fə̀ zɔʼɔ̄ wə̄n ŋ kòʼ ghəa yì, dzɛ̀ tsùghù aŋ ghùe u wə̄n enyəa, “Abugho bəghà wə̄n mô lo ghùwshʉ̀gha, to ù mâa kèle ŋgòʼ è fə̀ghà kəla yìzən wəla ù mɔ̀ɔ wo wə̄n lo â ghè kò, enyəa à lǒ yìzən ù bǐigh.”

Lûk 8:37

Ghî a mbùʼ è Dzɛlàsîn a dzə̀m n dzɛ̀ â Yɛso enyəa ù zə̀ghàa tsughu naʼ e ghee, nu fə̂ŋ tə̀ maā ghee sə bonlo. Ù fi kôom bɔ̌ɔm nì kɔ̀ʼ sùghò nǔ kwə̀n chì ko, nùghù wò â dàŋ kò.

Lûk 9:19

Ghe m bɛ̀lɛ̀ tsùghù enyəa, “Ghe so enyəa ghù lǒ Dzɔ̌n Fùghùu mùghù ŋ Kə̀zə̀; à li yia a so enyəa ghù lǒ Èlaedzà, a li yia a kuūwn dzɛ̂ enyəa à lǒ ghùwshʉ̀gha u mɔ̀ʼ aŋ ghîishʉ̀gha à wîiwii gho, ù fə̀n wo.”

Dzɔ̌n 1:21

Ghe ŋ kòom bvʉ̀ â wə̄n enyəa, “Ghù kuuwn lò ndughoo a? À lò ghùwshʉ̀ghà Èlaedzà à? Ŋkāa ghù lo ghùwshʉ̀gha ù Kə̀zə̀ wəla ghàʼ ləə̄m tsəgha a?” Dzɔ̌n mo è tue. ù m bɛ̀lɛ̀ tsughu ghee enyəa, “Ɛ̂ŋgaŋ dzə̂.”

Dzɔ̌n 1:25

Ghe m bvʉ â wə̄n enyəa, “Ghù sò ghì ghò â mùghù ŋ Kə̀zə̀ ŋ kuuwn fughu tò ndugho a, ghù sô yô Kə̀lèstò, yò sugho Èlaedzà, ŋkāa ghùwshʉ̀ghà ù Kə̀zə̀ a?”

Dzɔ̌n 4:19

Nughò vʉ n dzɛ̀ â Yɛso enyəa, “Mughùbe, Ŋ̀ kôʼ enyəa ghù lǒ ghùwshʉ̀ghà ù Kə̀zə̀.

Dzɔ̌n 6:14

A m bùghò ghî a te a kôʼ sʉghà vʉ̀a Yɛso dè tsughu, ghe ŋ kâʼ ndùw alekə̀a enyəa, “Kùmkùm, wən lǒ ghùwshʉ̀ghà ù Kə̀zə̀ wəla ù mò ki alebùghò fɛ mbī.”

Dzɔ̌n 9:17

Ghe ŋ kòom bvʉ kpeʼe ndùw â ghùw ù fǒo vʉ enyəa, “Yia a bughò ghû, ghù dzɛ̀ êndūghō kùu ndùw wə̄n a, aŋghəa à lǒ wə̄n ù mo tsʉ sə ghəa ghò a?” Tuwbʉ̀ghà vʉ n dzɛ̀ â ghee enyəa, “Ù lǒ ghùwshʉ̀ghà ù Kə̀zə̀.”

Kə̀fwàʼ 5:5

Ghəa Ànànîas zuw tsughu shwaʼ wə̄n, ù m bvʉ̀ wò à ghueetsə̄, kpùw è nduw. Ghùw wəla ù fə̀ zuw dzə̂ ghəa a te gho mo è tsəŋ.

Kə̀fwàʼ 7:37

Wən lò Musî wəla ù fə̀ dzɛ̂ nduw â wɛ ghə Ezə̀lɛ̂ ghò enyəa, ‘Zə̀ kə̀ kê shìa sə̌aa wò ghùwshʉ̀ghà ù Kə̀zə̀ am bvʉa e waazughù tò aŋghəa ù fə̀ shîaa sə wô mugho.’

Gàlashìan 1:24

Ghe n təm ŋkəma â Zə̀ kò am fwàʼ kə̀là ù mò fwâʼ tsughu a zəŋò mùghò.