Lûk 7:13 - To kə Kəzə̀ kə̀ Fughu ko

¹³ A m bùghò Mughu ù te kôʼ tsughu nughò vʉ̀, ù ŋ kwuso èse, gɔ̀ɔŋ tsùghu wə̄n enyəa, “Kà dî sùghò ma.”

Lûk 7:13 Iomraidhean Croise

Mâk 8:2

“Se e kwuu mùghò a zəŋò nɔ̀e kə aghì kən aŋ ghəa ghe doʼō ghàʼ à ghee alo n tsuʼu n təgha mo ghe ki yo fəgha kə̀ zəa ko.

Lûk 10:1

A m bùghò ghəa ghən tsəghà tsughu, Yɛso n shìa kpèʼe sə̀ wò tsə̀təndə̄ghā ŋghəm sə̀ghàmbəgha à ghè tò tə bə̀ghà, tùm zìi ndùw ghee a bə̀ghà à bə̀ghà â sə ko an nàʼà mə̀n n dzə̀m an lùʼù tən tə̀ dzə̀m ù lo nduūw a fughu.

Lûk 11:1

Tsuʼ ù li wo Yɛso ŋ gɔ̂ŋlò an luʼu kə̀ li ko, a m bùghò ù gɔ̀ɔŋ mɛʼɛ̀ tsughu, tsə̀ndə̄ghā è wə̄n e mɔ̀ʼ n dzɛ̀ â wə̄n enyəa, “Mughùbè, zoʼn wò ghaʼ alegɔ̀ŋlò, tò ghəa Dzɔ̌n fə̀ zoʼn tsə̀təndə̄ghā tə wə̄n to a te.”

Lûk 11:39

Mughu ù te fi dzɛ̂ nù â wə̄n enyəa, “Ghɛ̌ tə̀ Falàsîi, ghɛ̀ sûuw zɔnso tsughuu ko kə̀kaŋ à wùa tò fɛ̄ a beē, mò ghɛ̀ alo tə fə̀ŋ bɔɔm mòʼò tə̀la ko ŋgaam tə aghəa àsùghò kəff kə ebo ko.

Lûk 12:42

Mughu ù te fi dzɛ̂ nù enyəa, “À kǔuwn lò kɔ̂ɔ fə̀ dzûŋ fə̀ ghɛ fo, fə ti an tɔ u wə̀n à, mughùbè u wə̄n lo alenìi naŋā tsughu wə̄n tò kə̀tuw an ndughu enyəa ù è bɔɔm fughuu nduw kɔ̀ɔ n lì mən â fʉ̀ghàzəa wo an nə̀gha e ghee è zəa zo a?

Lûk 13:15

Mughu ù te n daŋso bɛ̀lɛ̀ ndùw wə̄n enyəa, “Ghê kə̀bàŋàdzə̀m tò ghɛ! Yìa n so ghɛ̀ mgbaŋa səa ko fɛ â kʉ̀anyòm wò Tsuʼutəntsə̄ ten tə̀ dzə̀m à, ndùw fùghuu ghee â mùghù mò a?

Lûk 17:5

5 Tum tə Kə̀lestò tə̀ n dzɛ̀ â Mughu ù te enyəa, “Ghəəŋ tsughu boo zaʼa zə e tughuu.”

Lûk 17:6

Mughu ù te fi dzɛ̂ nù â ghee enyəa, “Abugho ghɛ̀ mô bûʼ boōm fughuu tsughu ko fənyàŋlò tò aŋ sam e kàʼ fə̀ mostàd fə̀ nyâaŋ toō a te, to ghɛ̀ mò lò nû aledzàa tsughu â faŋkwu kə fəkàʼ kən ko enyəa, ‘Dwə̀la nùghu kɔʼ ghue wʉ̀a wò, ghù tsughu tam tsughu an dzùghùntsòʼ!’ Kâʼ fə te fə sò zuūw wô â ghɛ̀.”

Lûk 18:6

Mughu ù te fi dzɛ̂ nù â tsə̀təndə̄ghā tə wə̄n to enyəa, “Zuw to nlò shwaʼ u bəən kə sàʼàtə̀saʼ wə̄n wo a.

Lûk 19:8

Zàkyôs n nùghù těe è kɔʼ, dzɛ̀ â Mughu ù te enyəa, “Kòʼô, Mughùbè, êzə̄ŋ aŋghəa a ti fɛ, Ǹ nîi kɔ̀ʼɔ̂ kə̀m kə ufʉgha kaŋā, Ǹ dzughù â ghì à laa gho. Mò à lò enyəa M̀ maā ghùw kpaʼ tsè kòʼ an dziī è lì, Ǹ tsəā tsəghàa ndûw èbàm tənəghā tə chìakò.”

Lûk 22:61

Mughu ù te ŋ kwə̄n sɔʼ lɛ̄ɛn ndùw Pità. Pità n tɛ̀ mòʼn wò shwaʼ u Mughu ù te wəla ù mò dzɛ̂ naŋā â wə̄n enyəa, “Â nùumbvʉ̄ alekɔʼɔ̄ tɔ̄ŋ nɛ, à sò lǒ mò ghǔ m mùghò tue màʼà tənəghā tə təgha.”

Lûk 24:3

Ghe mo e kôom nyə̌a ndùw nù, kè kôom kôʼ gwən e Mughu ù te.

Lûk 24:34

Ghe n dzɛ̀ â ghì yì a bə̀ghà enyəa, “Mughùbè ŋ kùm zòo alo evʉ, vʉ̀ ù ndùw dê ghue wo â Sǎemòn!”

Lûk 7:12

A m bùghò ù kuʼso ndûw fu ū ughɔ̄ŋ wə enaʼ u te wo, ghe n tɛ̀tsə̀n kɔ̀ʼ aghî mo ghe yia boʼn səā wô â gwən e ghûw zò; mò à lǒ sɔ̀ʼ kə wɛ̄ kə̀ nûu kò â zə̀, tɔɔŋ wìkpuw ù lì. Ndə̀m è àghì n tə̂əŋ sə̌a wò fughu alo enaʼ ghèe ghê wìkpuw vʉ̀.

Lûk 7:14

Ù n daŋso sə kəŋo kwū tsughu kəmbùŋ, ghî ghəla ghe mò boʼò kele mbùŋ chì ko n tēe è tsughu. Ù n dzɛ̀ tsùghù enyəa, “Ǒ wɛ̂ɛtùghu, Ǹ dzɛ̂ enyəa, ghù nughu kɔʼ.”

Lûk 7:19

Dzɔ̌n n tɔŋɔ tum tsughu tsə̀təndə̄ghā tə wə̄n tə bə̀ghà enyəa ghe ndûw bvʉ â Mughu ù te enyəa, “À lò ghû ghùw wəla ù mo ki alebùghò ŋkāa a ki aleləmā tsughu ghùw ù nùghu a?”

Lûk 8:52

Ghe mǒ fughu tee nduw mo ləm wə n tsən aŋ ghùu kwǔukwǔu zə̀ èdì, ghe diī wɛ̄ vʉ̀. Yɛso m fwə̀n dzɛ̀ â ghee enyəa, “Kǎ nlò dî sùghò kpe mò ù kpùw nû, ù bwǐi nù nû.”

Dzɔ̌n 11:2

Mèle wən fə̀ naam lo ko wìzən ù mɔ̀ʼɔ wəla ù fə̀ tsoʼsō fwee e Yɛso zò am vʉ n lə̌əm mò, se kɔʼ an nyùŋ tə kətuw tə wə̄n, Lazalùs fə̀ lo wàazə̀ ù ghee ù nu.

Dzɔ̌n 11:3

Waazə̂ a zən ghə n tùm ndùw tum a vʉ̀a Yɛso enyəa, “Mughùbè ghùw ù fə̀n wʉ̂a dzàŋà nù.”

Dzɔ̌n 20:13

Tsə̀təndə̄ghā tə Kəzə̀ ti m bvʉ â wə̄n enyəa, “Wizən, ghù sə̀ ŋ kûu ŋ kwò mò?” Ù n dzɛ̀ â ghee enyəa, “À lǒ bòʼ ghe n nì nùghù gwə̄n e Mughù waŋā zo, yìa Ŋ̀ kwo yo luʼū wəla ghe nî naŋā wə̄n a te.”

Dzɔ̌n 20:15

Yɛso m bvʉ â wə̄n enyəa, “Wìzən, ghù sə̀ ŋ kuu ŋ kwò mò? Ghù kəŋo ndùghò fɛ à?” A m bùgho Mèle sô mòʼò enyəa à lǒ ghùw ù sum ù lì, Mèle n dzɛ̀ â wə̄n enyəa, “Mughùbè, abugho à lǒ mò ghù ŋ gwən e wə̄n e boʼò nùghù, ghù n teso wò luʼū kəla ghù ndùw nyə̂ŋsò naŋā wə̄n a te, tò Ǹ ndûw boʼò nughù.”

Dzɔ̌n 4:1

A fə̀ bughoo Yɛso kele sə kɔʼ enyəa ghî a Falàsîi a maā shwaʼ wən wo zuw enyəa, “Yɛso nǎam nìi ndùw kô tsə̀təndə̄ghā, fughuu ndùw ghee â mùghù ŋ Kə̀zə̀ mò, tsə̀ghàtàʼà Dzɔ̌n.”

Dzɔ̌n 6:23

À n lo êzə̀ mò kwə̀n ù li u mâa bùghò kùʼù těe dòʼò tsughu fughu an lùʼù kəla ghe mò zə bɛ ko a te aŋghəa Mughu ù te mò fughu tsughu zɔ̀ɔŋ kò â Zə̀ kò, mo kwə̀n u te u nughù wǒ an Tàebɛlìas.

1 Kòlentìan 7:30

Ghî ghəla ghe dînlo, mughùu tsughu tò ghəla ghe dîin yo, ghəla ghe duʼnlo mughùu tsughu tò ghî ghəla ghe duʼn yo, ghəla ghe zueēn fʉgha wo, ghe mughùu tsughu tò ghəla ghe kî yô fəgha ko.

1 Tɛ̀sàlonìan 4:13

Waazə̂ ghaʼa gho, ghàʼ ləghaa dzə̀ yò enyəa ghɛ̀ è lo alo kə̀ŋgòmsò kùu ndùw ghì ghəla ghe lo mo ghe m kpuw, enyəa ghɛ̀ ka ŋgee mʉŋe abugho ghùw kpuw tsughuu, tò ghî ghəla ghe chîi yo tùʼ enyəa ghî à lo zòom nùghùu wò nù ebàm alo evʉ̄.

Hibùlù 2:17

Zən lò e ghee Zə̀ kə̀ mò ki aleghəəŋ tsughu enyəa ù dòʼò wô tò waazə an dzii tən tə dzə̀m, enyəa to ù mò doʼo tsughu tuw kə fɔ̀e kəla kə ki se è kwuso zo, ù gaʼ sugho fə̀ŋ am fwàʼ kə wə̄n â Zə̀ kò. Zən fə̀ enyə lò enyəa ù e lo alenìi fughu ndûw ghue u wə̄n tò kəfughu tò Zə̀ kə̀ ghuūw maʼà bòo tə aghì.

Hibùlù 4:15

Tɔŋlo enyəa Tuw kə fɔ̀e kəla sɛ̀ ki, à yò dzə kəla kə buw alekwuso èse a zəŋò sɛ̀ abugho sɛ̀ bvʉ̂ kôom tsughu; sɛ̀ laam ki Tuw kə fɔ̀e kəla kə lǒ mo ghe ŋ wə̄n tsoom kaŋlo alo tədzìī tə dzə̀m, to ghe mò tsoōm kôʼ sugho sɛ̀, ù ŋ kè kuūwn ŋgəmso ghəŋlo èbo.