Lûk 6:8 - To kə Kəzə̀ kə̀ Fughu ko

⁸ Ù n lo mò ù mâa kèle zìi fəgha kela ghe moʼō â ghè kò, ù n dzɛ̀ â kpùuwkə̀kwe vʉ̄ enyəa, “Tee kəŋo wò fɛ.” Ghùw vʉ ndùw těe ndùw fughu.

Lûk 6:8 Iomraidhean Croise

Matìo 9:4

Yɛso n lo mò ù ŋ kele zìi moʼnlò e ghee zo, ù n dzɛ̀ â ghee enyəa, “Ghɛ̀ ghəa à biigh gho ghɛ̀ nî naŋā alo təfə̀ŋ a, ghɛ̀ nî nàŋa bòʼ kwò à?

Mâk 3:3

Yɛso n dzɛ̀ ndùw â kpùuwkə̀kwe vʉ enyəa, “Sə kɔ̀ʼ wò fɛ a vʉ̀a mùghò.”

Lûk 13:12

A m bùghò Yɛso kòʼ nduw wə̄n, ù n tɔŋɔ tsə̀ghà ndùw wə̄n, dzɛ̀ â wə̄n enyəa, “Êwɛ̀, Zə̀ kə̀ ŋ ghù bəghasə an dzàŋ zə̀ghà.”

Lûk 5:22

Yɛso ŋ kòʼ tɔ tsughu moʼnlò e ghee, ù m bvʉ â ghee enyəa, “Tuw kə ghɛ kpûuw kwò?

Lûk 6:9

Yɛso n dzɛ̀ â ghee enyəa, “Ǹ so M̀ bvʉā wô a ghɛ̀ enyəa, à è yia lo nû lâŋ kò à, aleghəŋlo èdzɔ̀ Tsuʼntsə̄ ŋkāa aleghəŋlo èbo à? Alebəghaasə ghùw ŋkāa alewī ghǔw a?”

Dzɔ̌n 2:25

bòʼ ù màʼâ fə̀ kwo ghî ghò a dzə̀m, ù ŋ kôom kə̀ŋo sùghò yǒ ghùw wəla u lo aletesô mwam u ghuw wə̀ nsɔ̌ɔŋnchùw â wə̄n, u maʼa fə kwo zîi fəgha kəla ghùw nsɔ̌ɔŋnchùw lǒ ghè kò.

Dzɔ̌n 21:17

Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?” Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.” Yɛso n dzɛ̀ ndùw â wə̄n enyəa, “E lɛnlo â ndzì taŋa to.”

Dzɔ̌n 9:4

Êzə̄ŋ wəla à naām lô â tsə̀ tò, sɛ̀ ki alembaā fwaʼà tsughu fwàʼ kə ghùw wəla ù tum wô mugho, nu tsuʼ u dzəa wò nù mò ghùw kòom bùʼ yò aleghə̂əŋ ghəa è li zo.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 26:26

Mughènaʼ Agelepà kwò nû ghəa ghə̀n à dzə̀m: Ǹ ndzəmà kə̀aa ndùw nù ghəa a te gho â wə̄: tɔŋlo enyəa Ŋ̀ kwo nû enyəa ghəa ghə̀là Ŋ̀ kə̂a fɛ à dzə̀m, è li e yo a te mò à lǒ è fughu zo â wə̄n; nu ghəa ghən ka mo tsɔŋ sə̀ dzə̀.

Fèlepìan 1:28

E kwo ko ghîikətuw ghɛʼɛ̄ a lô so e beme tsughu ghɛ̀, ghɛ̀ nughu tsəŋ doʼo nduw. Zən kè lǒ tsə̌a aledèe tsughu â ghîikətuw ghɛʼɛ gho enyəa ghe lo bvʉ̀a kòom nù, Zə̀ kə̀ lo ghəŋlo ghɛ̀ zə tuw ko.

Hibùlù 4:13

Fəgha kə̀ li yo dzə fɛ am mbī Zə̀ kə fə̀ gbə̂n wo kə nân doʼo an sə kə wə̄n. Ghəa ghən a dzə̀m tsò tsʉ̀ doʼo ko enyə an sə kə wə̄n. Sɛ̀ ki aletaŋso dzɛ̂ ghəa ghən a dzə̀m sɛ̀ lo mo a m fwàʼ â wən.

1 Pità 4:1

Aŋghəa e lô enyəa Kə̀lestò fə̀ fala aŋ gwə̀n e ughùe, kele tsùghù sùghò nlò moʼnlò e wə̄n e te zo; tɔŋlo enyəa abugho ghùw zuw tsughu fɔɔn zo aŋ gwə̀n e ughùe, ù ŋ kôom ki yo moʼn zo aleghəŋlo ebo.

Edêe Fughu 2:23

Ǹ lo wiin tsughûu ghì ghə̀n a dzə̀m ghe nî ghuw kə ebwìi kə nughò wən ko. Zən lo zoʼn tsughu dzweŋe u ghì a Kəzə̀ u te wo to enyəa Ǹ lo ghùw wəla Ǹ tsaʼà fə̂ŋ tə ghì tò àsùghò mòʼnlò e ghee zo, àsùghò enyəa Ǹ lo ghùw wɛʼɛ fùghuu ko â fəgha kə̀là kə kpe tsughu aŋ ghə̀a a wə̄n à ghəəŋ gho.