Lûk 4:23 - To kə Kəzə̀ kə̀ Fughu ko

²³ Ù n dzɛ̀ à ghee enyəa, “Ŋ̀ kwo nû enyəa ghɛ̀ sô kwə̀ən dzàa wò â mùghò enyəa, ‘Ghùwŋgàŋ, sǒ baaŋ tsughu ghue wʉ̀a wǒ a, ghəəŋ tsughu sùghò ghəa ghə̀là ghàʼ zuw enyəa ghù mò ghəŋlo aŋ Kàpɛnùm fɛ an naʼ zəghà.’ ”

Lûk 4:23 Iomraidhean Croise

Matìo 13:54

Aŋghəa ù kwən nyə wo an naʼ wə̄n, ù n zoʼnlo àghì an ndughène è Tə̀dzûu, tuw kə m kpuw ghee, ghe m bvʉ enyəa, “Tûwbʉ̀ghà wən fə̀ tɔ wən boʼo ni wo ghɛ enyə a, àsùghò kɔ tə aghəa tən to a te a?

Matìo 4:13

Aŋ Galèlîi, ù ndùw an naʼ e Nazalɛ̀t, ù n zə̀ghàa tsughu Nazalɛ̀t, ù n ndùw mùghùu ndùw aŋ Kàpɛnòm a ŋgùŋ è dzùghùntsòʼ, am mbùʼ è Zɛbulùn àsùghò Naftalè,

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Mâk 6:1

Yɛso n zə̀ghà tsùghù bâ kə enaʼ chìa ù mò lo a te, nùghùu wò an nāʼ zəla ù noō a te, tsə̀təndə̄ghā tə m bùghò dzə̌əŋ ko ghèe ghee.

Lûk 2:39

A m bùghò ghe fwâʼ mɛʼɛ̀ kɔʼ ghəa gho an lwàŋ u Tsə̂ntə̀mbî, ghe n nùghù ndùw èbàm an tsə kə ghee, tɔɔŋ Nazalɛ̀t am mbùʼ è Galèlîi.

Lûk 2:51

Yɛso n nùghù tsùghù ndùw ghèe ghee an Nazalɛ̀t. Ù m bɔɔm zuuw ndùw ko â ghê tsele, zə̂ n tsôo mìin nǎaŋ tsə̀ghà sùghò ghəa a te gho am fə̂ŋ, e wə̄n zo.

Lûk 4:16

Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa,

Lûk 4:31

Yɛso n daŋso nùghù tsùghù ndùw aŋ Kàpɛnùm, naʼà fə̀ Galèlîi fə̀ li fo, ù n zoʼnlo àghì fughu Tsuʼntsə̄ u ghee.

Lûk 4:35

Yɛso ŋ ke naŋa ndùw wə̄n, dzɛ̀ tsùghù enyəa, “Dòʼò mɔŋ, ghù mba sə nughu a zəŋò ghùw vʉ̀!” Zʉ̀ u te wə m bòʼò tə̀m wò ghùw vʉ̀ a ghueetsə̄, a fughu an sə kə aghì, nùghù sə̀ wò a zəŋò wə̄n mo kə kâ wə̄n nomso.

Lûk 6:42

Ghù lò ênzə̂n aledzɛ̀ â wàazùghù enyəa, ‘Ŋ wàazə̀, na M̀ foō maʼà səā wô sugho e fəkàʼ zəa e lô an sə zəghà,’ mo ghuūghùe wʉ̂a ù koʼò yò bâŋ chia kə lô alo e zəghà zò esə à? Bəən kə ghûw tò ghû, bùʼu fo màʼa sə wò dzə̀ bâŋ chia kə lô alô è zəghà zò esə, sěe ghù sə̀ tɔʼɔ̀ koʼò alefoō maʼà səā sughò zəla e lô an sə e wàazùghù.”

Dzɔ̌n 4:28

Wìzən vʉ n naŋatàʼà tsùghù fəgha kə mmùghu kə wə̄n, daŋso nùghù kwə̀n ndùw ènàʼ. Ù n ndùw dzɛ̀ ndùw â ghì ghò enyəa,

2 Kòlentìan 5:16

À fì lò enyəa alenìi nughù tsughu êzə̄ŋ ndùw â sə ko, sɛ̀ ki dzə yo aletsòo nìi ko ghùw aŋghəa ghî à koʼò ndûw kôʼ e wə̄n zo a te mbuu sɛ̀ fə̀ bûʼ nî dzə Kə̀lestò aŋ kôʼ e wə̄n, sɛ̀ yia kôom yo alenì wə̄n êzə̀ êzə̄ŋ.