Lûk 4:16 - To kə Kəzə̀ kə̀ Fughu ko

¹⁶ Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa,

Lûk 4:16 Iomraidhean Croise

Matìo 2:23

Ù n ndùw mùghù ndùw fughu an naʼ è li zo ghe fə̀ tɔŋlo enyəa à lò Nazalɛ̀t, enyəa e bɔɔ̄m səā kpeē ndûw an shwaʼ wəla ghiīshʉ̀ghà a fə̀ dzɛ̂ naŋā kùu ndùw Yɛso enyəa, “Ghe lô wə̄n tɔŋlo enyəa à lo ghùw ù Nazalɛ̀t.”

Lûk 2:39

A m bùghò ghe fwâʼ mɛʼɛ̀ kɔʼ ghəa gho an lwàŋ u Tsə̂ntə̀mbî, ghe n nùghù ndùw èbàm an tsə kə ghee, tɔɔŋ Nazalɛ̀t am mbùʼ è Galèlîi.

Lûk 2:42

A m bùghò Yɛso noō kpe tsughu nûu tò eghə̄m à ghè tò tə bə̀ghà, ghe n nùghù kɔ̀ʼ ndùw alendùw zə zə kə te ko aŋghəa bughōo kə enaʼ kə deē.

Lûk 2:51

Yɛso n nùghù tsùghù ndùw ghèe ghee an Nazalɛ̀t. Ù m bɔɔm zuuw ndùw ko â ghê tsele, zə̂ n tsôo mìin nǎaŋ tsə̀ghà sùghò ghəa a te gho am fə̂ŋ, e wə̄n zo.

Lûk 4:15

Ù n zoʼn kaŋlo àghì aŋ ghəa a Kəzə̀ an Ndughutə̀ne tə Tə̀dzûu tò, ghî ghə̀là a dzə̀m ŋ kɛɛ wə̄n.

Lûk 4:17

ghe m fùghù ndùw wə̄n â mwàʼsò kə Èzayà kò, tɔɔŋ ghùwshʉ̀gha. Ù n tsʉ̀ ndùw an lùʼù kəla ghe tɔm naŋā enyəa,

Lûk 4:21

Ù ŋ kāʼ ndùw aledzɛ̀ â ghee enyəa, “Shwaʼ u Kəzə̀ wəla ghɛ̀ zuw nɛ, ghəa a te ghə m bəla kə nî.”

Lûk 4:23

Ù n dzɛ̀ à ghee enyəa, “Ŋ̀ kwo nû enyəa ghɛ̀ sô kwə̀ən dzàa wò â mùghò enyəa, ‘Ghùwŋgàŋ, sǒ baaŋ tsughu ghue wʉ̀a wǒ a, ghəəŋ tsughu sùghò ghəa ghə̀là ghàʼ zuw enyəa ghù mò ghəŋlo aŋ Kàpɛnùm fɛ an naʼ zəghà.’ ”

Dzɔ̌n 18:20

Yɛso m bɛ̀lɛ̀ ndùw wə̄n enyəa, “Mùgho mò ghəa ghaŋa a kəaa an ndɛ â ghì ghò a dzə̀m an Ndughutə̀ne tə Tə̀dzûu tò àsùghò an Ndùghù è Kə̀zə̀ an Yɛ̀lusalɛ̀m, luʼū kəla aghî à dzə̀m bùghò zûŋlo a te. Ŋ̀ kaām ghəa è li zə n nân kə̀a kòʼ.

Kə̀fwàʼ 17:2

Pôl m bùghòo nàŋa tsughu enyəa ù e nduūw tsəgha an Ndùghùnè è Tədzûu. Ù n nì kɔ̀ʼ Tsuʼutəntsə̄ tə təgha mò ù tsòo ndùw kə̀aa zěe ko àghəa ghèe ghê ghì ghò a fughu, tɔɔŋ səa kɔʼɔ àghəa am Mwàʼsò kə Kəzə̀,