Lûk 4:15 - To kə Kəzə̀ kə̀ Fughu ko

¹⁵ Ù n zoʼn kaŋlo àghì aŋ ghəa a Kəzə̀ an Ndughutə̀ne tə Tə̀dzûu tò, ghî ghə̀là a dzə̀m ŋ kɛɛ wə̄n.

Lûk 4:15 Iomraidhean Croise

Matìo 13:54

Aŋghəa ù kwən nyə wo an naʼ wə̄n, ù n zoʼnlo àghì an ndughène è Tə̀dzûu, tuw kə m kpuw ghee, ghe m bvʉ enyəa, “Tûwbʉ̀ghà wən fə̀ tɔ wən boʼo ni wo ghɛ enyə a, àsùghò kɔ tə aghəa tən to a te a?

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Matìo 9:35

Yɛso ŋ ŋgəaa ndùw nàʼà tə̀ ne to tə dzə̀m àsùghò n tughoon mò a te, zoʼn ndùw àghì, kə̀aa ndùw sùghò ghəa a Kə̀zə̀ an Ndughutə̀ne tə Tə̀dzûu tò, baaŋ ndùw dzàŋà tə ghì ghə̀n a dzə̀m àsùghò ndzughu tə ghee to.

Matìo 9:8

A m bùghò nê kə aghì chi kə kôʼ tsughu ghəa yi gho, fə̂ŋ tə̀ n sə ghee, ghe ŋ kàʼ ndùw alekɔʼso Kə̀zə̀, kəla kə mò fughu ŋgòʼò dàʼà kən â ghì ghò.

Mâk 1:27

Dzughu zə n zūm ghî a te gho a dzə̀m, ghe m bvʉʉn kaŋlo aŋ ghùe e ghee enyəa, “Zən lò Tsʉ e kwo zo enyəa à? Ù dòo tsə̀ghàsò sùghò kə̀làŋ â zʉ̀ wò, vʉa u zuūw â wə̄n.”

Mâk 1:39

Ù m bwìi ŋgəa tsughu Galèlîi e dzə̀m, kə̀a ndùw shwaʼ u Kə̀zə̀ an ndughutə̀ne tə Tə̀dzûu to, shùaan sə̌a ndùw sùghò ùzʉ̀ a zəŋò ghì ghò.

Mâk 1:45

Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.

Lûk 13:10

A m bùghò ko Tsuʼntsə̄ u Tə̀dzûu ù li wo, Yɛso n zoʼnlo àghì an ndùghènē è lǐ fughu alo enaʼ.

Lûk 4:16

Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa,