Lûk 3:8 - To kə Kəzə̀ kə̀ Fughu ko

⁸ E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà, kà nlò kaʼ tsùghù dzə̀ ghɛ̀ è kəaa kaŋlo enyəa, ‘Abə̀làhâm lǒ tsele waʼa.’ Ǹ dzâa wô â ghɛ̀ enyəa, to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Lûk 3:8 Iomraidhean Croise

Matìo 21:43

Zən lò e ghee Ǹ so Ǹ dzâa wô â ghɛ̀ enyəa, ghe lo nìi nùghùun kɔ̀ʼɔ̂ fɔ̀e u Kəzə̀ aŋ ghùu ghɛ̀, ghe nîi fughuu ndûw â ghî ghəla ghe lo aleghəŋlo ghəa è dzûŋ e səā wô a te.”

Matìo 3:8

E ghəəŋ nduw nlò ghəa ghəla a lo aledèe tsughu enyəa ghɛ̀ ŋ ghəa ghɛʼɛ à biigh a ti màʼà.

Matìo 3:9

E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Lûk 13:25

Abugho tsuʼ u kê kpe, mughù ù ndughu ù te nughù dzʉ̂a kɔʼ bâʼ kò, ghɛ̀ lo e ti a beē tsʉʉn kə̀bàʼ enyəa, ‘Mughùbè tsʉ tsughu ghaʼ â bàʼ kò.’ Ù ke e so â ghɛ̀ enyəa, ‘Ŋ̀ kwo yo luʼū kəla ghɛ̀ sə a te.’

Lûk 13:26

Ghɛ̀ ke e dzaā keē nduw enyəa, ‘Sɛ̀ mò mgbaŋa dzeŋe zəa tsəgha ko a dzə̀m, mʉa sùghò a dzə̀m, ghù n zoʼn kaaŋ sùghò ghàʼ alo enaʼ.’

Lûk 14:9

Ghùw wəla ù nàʼà ghɛ vʉ̀a ù bùghò dzɛ̀ â ghù enyəa, ‘Fughu tsughu ndàŋ â ghùw wə̄n,’ ghù koom doʼō tsughu tsughu am bəla kəla kə lwənsō tsə̀ghàtàʼà gbəla wo u dzə̀m an tuw kə̀ dəla ko.

Lûk 19:40

Yɛso n dzɛ̀ ndùw à ghee enyəa, “Ǹ so Ǹ dzâa wô â ghɛ̀ enyəa abugho ghî ghən doʼò tsughu mɔŋ, tia a sô kaʼā tsughu bɔ̀ŋ m bùʼn mò.”

Lûk 19:9

Yɛso n dzɛ̀ â wə̄n enyəa, “Nɛ an tsuʼ u nɛ wə̄n, ndughu zən n tuw kə zə bòʼ tûwbʉ̀ghà wən lo sugho wɛ ù Abə̀làhâm.

Lûk 5:21

Ghê dèekə̀làŋ ghèe ghê ghì a Falàsîi y ghə m bvʉ enyəa, “Fən lǒ fə̀ ndùghò, fə bəlā suūwn Zə̀ kò ènyə à? À lò ndughoo, ù lò aleghuūw maʼà bòo tə aghî a, bugho à buw Zə̀ kò à?”

Dzɔ̌n 8:33

Ghe m bɛ̀lɛ̀ ndùw wə̄n enyəa, “Ghaʼ lo wɛ a awɛ ghə Abə̀làhâm, ghàʼ kaām doʼò kòʼ am fàŋa kə ghùw ù lì. Ghù lò ênzə̂n aledzaā wo â ghàʼ enyəa, ‘Ghe lo bəghāsə̄ ghɛ a?’ ”

Dzɔ̌n 8:39

Ghe bɛ̀lɛ̀ ndùw wə̄n enyəa, “Abə̀làhâm lo tsele waʼā.” Yɛso n dzɛ̀ â ghee enyəa, “Abugho ghɛ mô lô wɛ gho Abə̀làhâm ghò, to ghɛ̀ mô ghə̌əŋ sùghò ghəa ghəla Abə̀làhâm fə̀ ghəŋlo.

Kə̀fwàʼ 26:20

Sʉ̂esʉ mùgho n dzɛ̀ tsùghù an Dàmaskùs, daŋso ndùw an Yɛ̀lusalɛ̀m, daŋso zùghòo ŋgə̀a wò Dzùdîa edzə̀m, dzɛ̀ ndùw â Tòʼò tò, enyəa ghe kuuwn kɔʼ fə̂ŋ tə ghee, ghe boō ndûw Kə̀zə̀, ghe e fwaʼā nduw sugho ghəa ghəla a dêe tsughu enyəa ghe ŋ kūwnlō.

Lumà 4:16

Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

Lumà 9:7

À yò dzə̂ aghî a dzə̀m ghe sə an tigh kə Abə̀làhâm ghe lô wɛ a Kəzə̀ ghò, tò aŋghəa Zə̀ kə fə̀ dzɛ̂ naŋa nduw â Abə̀làhâm enyəa, “Ŋ̀ kê wɛ a awɛ ghə̂a ghəla mùgho fə̀ to naŋa â ghù nîi an taŋ an zən zə Esâʼ.”

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.