Lûk 3:16 - To kə Kəzə̀ kə̀ Fughu ko

¹⁶ Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Lûk 3:16 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:12

Ù lò â kwònɛ̀lɛ aŋ ghu alefoōn nughù kɔʼ təŋgòʼ a te, ù fwə̀là naŋā ndûw an tɔ̀e a kə̀twɛ̄; ù daŋso kâaŋ kpâa ndûw ghùw u te wo aŋ wə̀n wəla u nyəə̄m tsəghà yo.”

Dzɔ̌n 1:26

Dzɔ̌n n bɛ̀lɛ̀ ndùw ghee enyəa, “Ŋ̀ ghî à fughu â mùghù ŋ Kə̀zə̀ mò, zə̀ e kuūwn lo enyəa ghùw lo fì an tsə̀tèʼè fɛʼɛ mò ghɛ̀ kwo yo wə̄n.

Dzɔ̌n 1:27

Ù bùghò a bàâ mùghò, ù kǔuwn tsə̀ghàsə̀ mugho, Ŋ̀ kâ tsò kɔ̀ʼ kpē aledòʼò ghùw ù kə̀fwàʼ ù wə̄n aletsughū zê gbaʼ u tə gùw u wə̄n.”

Dzɔ̌n 1:33

Ghuūghùe waŋā, mùgho fə̀ kwo sugho yo wə̄n, à sô fɛ lo enyəa, ghùw wəla u tum wô mugho enyəa M̀ bughò, mùghò è fughuu ghî ghò â mùghù ŋ Kə̀zə̀ mò, fə dzɛ â mùghò enyəa, ‘Ghùw wəla ghù kè koʼo Zuʼ tə̀ Zɔlɔ tə sə tsughu wô alo kəwālā, bùghò tsùghù maa dòʼò tsùghù a zəŋò wə̄n, kele tsughu enyəa à fi lo wə̄n wəla ù lo fughuu ghɛ â Zuʼ tə̀ Zɔlɔ to aleghəŋlo enyəa ghɛ̀ doʼo ghî à fughu gho.’

Dzɔ̌n 7:38

Ghuw wəla ù boō fughu â mùghò aŋghəa mwàʼsò kə Kəzə̀ kə̀ dzaā enyəa, ‘Mùghù mə̀là m fughuu mughù zò lo kuŋu səa wò a zəŋò wə̄n tò fədzughù.’ ”

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 10:44

Ghəa Pità naām kə̂aa ghəa gho, Zuʼ tə̀ Zɔ̀lɔ tə n tsughu nyəə̄n tsughu a zəŋò ghì yì à dzə̀m ghe mò zəə̄n shwaʼ vʉ̀.

Kə̀fwàʼ 2:33

Zə̀ kə̀ ŋ wən kɔʼso naŋa, vʉ̀a ù lò êzəŋ aŋ kwe u Kəzə̀ ù təma wo, vʉ̀a ù mò nî kɔʼ Zùʼ tə̀ Zɔlɔ təla Zə̀ kə fə̀ to naŋā aŋ ghùu Tsele ù te. Fəgha kə̀là ghɛ̀ koʼō ezə̄ŋ à kə̀là ghɛ̀ zuūw, à kwə̀n fughu tsughu wə̄n â ghàʼ.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.