Lûk 23:5 - To kə Kəzə̀ kə̀ Fughu ko

⁵ Ghe m mgbɛɛ ko enyəa, “Ù tiso naŋa kɔʼ naʼ e Dzùdîa e dzə̀m alo efwē an tsʉ̀ e wə̄n. Ù fə̀ ziī tsughu aŋ Galèlîi, vʉ̀ ù bùghò tɛ̂ wô fɛ.”

Lûk 23:5 Iomraidhean Croise

Matìo 11:1

A m bughò Yɛso tsʉ̀ mɛʼɛ̀ tsughu tsə̀təndə̄ghā tə wə̄n tən èghəm a ghè tò tə bə̀ghà, ù n zə̀ghàa tsùghù luʼu chìa ù mò lo a te, nùghù nyə̀ ndùw an nàʼà mə̀la ŋ kùʼù lo kaāŋ tsəgha a fughu, ndùw kàʼ ndùw ghì a zoʼn gho a fughu. Ù n zoʼn ndùw aghì naʼà tə̀ nàʼà a fughu am mbùʼ e te, kə̀a ndùw sughò shwaʼ u Kəzə̀.

Matìo 2:1

Ghe fə̀ Yɛso dzə tsughu an naʼ e Bɛtə̀lɛ̀hɛ̂m am mbùʼ è Dzùdîa, an tì kəla Hɛlɔ̀d fə̀ lo də̀ŋ kǒ a te a fughu am mbùʼ e te. Ghî à tɔɔ à li ghə n zə̀ghàa tsùghù naʼ e ghee am bà kəla zuuw e səā wo a te, nyə̀ wò an Yɛ̀lusalɛ̀m, bvʉʉn wò enyəa,

Matìo 27:24

A m bùghò Paelɛ̀t kòʼ tsughu enyəa à sə̌a kɔʼɔ ko kə̀gbə̀n, enyəa à kòom fwə̀là kɔ̀ʼɔ wò ùtsù nû, ù n nì kɔ̀ʼ mmughu, sùw sə kɔʼ aghu a te an sə kə aghì yì, dzàa tsùghuu enyəa, “Ghu kaŋa kə yo am vʉ e ghûw wə̄n, vʉ lo tsû wɛʼɛ.”

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Mâk 1:14

Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ,

Lûk 11:53

Ghəa Yɛso nùghù tsughu an lùʼu chì, Falàsîi tì ghèe ghê dèekə̀làŋ yi ŋ kɔʼ kɔʼ ŋgāŋ alebvʉʉn wə̄n â ghəa gho. Ghe n tsuʼn kaaŋ ko wə̄n enyəa ù ŋgee kə̂aa wô àghəa,

Lûk 23:23

Ghe m mgbɛɛ buʼn səa kɔʼɔ ko m̀bɔ̀ŋ enyəa ghe wi Yɛso. Paelɛ̀t n zùw ndùw â ghee.

Lûk 23:6

Paelɛ̀t n zuw tsughu ghəa yì, bvʉ enyəa tûw wən lo ghùw ù Galèlîi à?

Dzɔ̌n 1:43

Tsuʼu tsʉtsʉ vʉ̀, Yɛso m moʼn tsughu enyəa to e mô nughu ndûw aŋ Galèlîi. A m bùghò ù nùghùun nduw, ù ŋ kòʼ tsùghu Felêb, dzɛ̀ â wə̄n enyəa, “Nùghu wò a bâa mùghò.”

Dzɔ̌n 19:15

Ghe n tughuu səa kɔʼɔ ko â dzə̀ enyəa, “Wi wə̄n, wi wə̄n, təgha wə̄n alo kə dâŋlo!” Paelɛ̀t m bvʉ â ghee enyəa, “A wi dəŋ kɛʼɛ a?” Tuw u təfɔ̀e wə m bɛ̀lɛ̀ ndùw wə̄n enyəa, “Ghaʼ ki yo də̀ŋ kə̀ li ko, à gɔ̀ʼɔ̀ ko yo Də̀ŋ kə Lumà kò.”

Dzɔ̌n 2:11

Zən fə̀ lo tsə̌a è Yɛso è sûesʉ u fə̀ dê tsughu aŋ Kanàn an naʼ e Galèlîi, dè kɔ̀ʼ sùghò dwaʼa u wə̄n; tsə̀təndə̄ghā tə wə̄n tə m boo fughu tsughu â wə̄n.

Dzɔ̌n 7:41

À li ghə n dzɛ̀ enyəa, “Wən lǒ Kə̀lestò.” À li ghə ŋ kuuwn bvʉ enyəa, “À lò enyəa Kə̀lestò ù te lo səa wò aŋ Galèlîi ŋkāa?

Dzɔ̌n 7:52

Ghe m bɛ̀lɛ̀ tsùghù wə̄n enyəa, “Ghù sə̀ sùghò aŋ Galèlîi ŋkāa? Kəŋ sə kɔ̀ʼɔ, ghù so e kele tsughu enyəa ghùwshʉ̀ghà ù Kə̀zə̀ ù lì kê yò alesəa koʼò wô aŋ Galèlîi.”

Kə̀fwàʼ 10:37

Ghe n nàʼà tùm è te an Dzùdîa e dzə̀m, alenìi nughù tsughu aŋ Galèlîi an nə̀ghā zəla Dzɔ̌n fə̀ naʼā mɛʼɛ̀ tsughu mùghù ŋ Kə̀zə̀ mò.

Kə̀fwàʼ 23:10

A m bùghò ndə̀m kə te kə tughu kɔʼ kpe tsughu, pfʉtəŋgə̄m n tsəŋo enyəa ghe lo alenìi sâan tsughu Pôl an ushwà, ù m fughu tsughu kəlâŋ â sùghugòʼ tò enyəa ghe tsughuu nîi nughù kɔʼ wən alo esə̀ŋ am bvʉa e ghee ghe nîi kɔʼɔ̄ wô alo kəbɛ̄lɛ̄.

Kə̀fwàʼ 5:33

A m bùghò ghe zuw tsughu ghəa ghən, ghe n sàʼsò mìasò ndùw èghue enyə, ləghaa alewī ghee.

Kə̀fwàʼ 7:54

A m bùghò ghî a ghî a Kaaŋsì à zəə̄n ko shwaʼ u sìtòfɛ̀ wò, ghe ŋ ŋgɛlɛ ndùw ènyə, pfʉa àsɔŋ enyəa a zəŋò Sìtofɛ̀ an nə̀ghà m pfʉ̌a mò.

Kə̀fwàʼ 7:57

Ghe ŋ kaʼ tsughu bɔ̀ŋ m bùʼn mò, fè nàŋa kɔʼ tuŋlō u ghee, dzeŋe tə̀ŋɔ̀ ndùw ko an tuw kə Sìtofɛ̀.