Lûk 23:4 - To kə Kəzə̀ kə̀ Fughu ko

⁴ Paelɛ̀t n daŋso dzɛ̀ â tuw u tə fɔ̀e wò, àsùghò nɔ̀e kə aghì chi ko enyəa, “Ŋ̀ kâ ghəa è biigh è li e kôʼ ghùw wə̄n ghəŋlo.”

Lûk 23:4 Iomraidhean Croise

Matìo 27:19

Ghəa Paelɛ̀t bùʼ naām dôʼ ko an tia e sāʼ, wi n tùm wò tum â wə̄n enyəa, “E kwo ghù lò ghəə̄ŋ ghùw vʉ̀ â ghəa zo, tûw vʉ kâ ghəa è bonlo; nu Ŋ̀ ŋge fəm bwii nɛ an udzǒo aŋ ghəa e wə̄n.”

Mâk 15:14

Paelɛ̀t m bvʉ â ghee enyəa, “Hô! ù bòʼò bǒon kə̀ kwò?” Ghe ŋ kòom kǔuwn fə̀ghaan tughu sə kɔʼ â dzə̀ tò enyəa, “Tə̀ghaa wə̄n.”

Lûk 23:22

Paelɛ̀t n dzɛ̀ â ghee, kɔʼɔ səa ndùw tə̀nəghā tə təgha enyəa, “Mò à, ù bòʼò ghə̌əŋ ghəa è biigh è ghɛ zo a? Ŋ̀ kâ dɔ̀m kòʼ ghəa zəla ù bonlō tò ù è kpuw a te. Ŋ̀ kuuwn kamso tsughu ko nǔ sàʼsàʼà fò an sə e wə̄n Ǹ zəghà ndûw wə̄n.”

Dzɔ̌n 18:38

Paelɛ̀t m bvʉ â wə̄n enyəa “Səŋò e lo kə kwò?” Ghəa Paelɛ̀t bvʉ tsughu êzə̀, ù n daŋso nùghù sə kpeʼe ndùw a beē a vʉ̀a Dzûu tò, dzɛ â ghee enyəa, “Ŋ̀ kâ ghəa e biigh e li e kôʼ a zəŋò ghùw wə̄n.

Kə̀fwàʼ 25:25

Mùgho ŋ kòʼ tsughu enyəa ù kamo ghəa e bonlo tò ù è kpuw a te; aŋ ghəa ghuūghùe u wən u mò dî dzɛ̂ ndûw sughò enyəa e so e kô də̀ŋ kə ne ko, mùgho n dzɛ̀ enyəa Ǹ nîi tǔu ndùw nǔ wə̄n.

Kə̀fwàʼ 3:13

À lǒ Zə̀ kəla Abə̀làhâm àsùghò Aezìk àsùghò Yàkɔ̂b fə̀ kɔʼso tsəgha, tɔɔŋ Zə̀ kə ghê tsele a sɛ̀, kə fughu tsughu kɔ̂ɔ fə wən fo Yɛso â kɔʼso n te mò. Ghɛ̀ ŋ kuuwn nì kɔʼ wə̄n fèe fùghù sə̀ ndùw enyəa ghe wi, tùe màʼà sùghò wə̄n an sə kə Paelɛ̀t, mo Paelɛ̀t maā tsə̂m enyəa ghe zəghàa maʼà wə̄n.

Hibùlù 7:26

E mò kpe nû enyəa a kele tsughu ŋgòʼ è tuw kə fɔ̀e tò kən, ghùw mò u zɔlɔ nù, ki yo tsû wò, ki yo dzʉ wo, yò dzəəŋ dzə̂ ghèe ghê ghì à biigh gho, mò Zə̀ kə̀ ŋ wə̄n alo kəwala kɔʼso naŋa kɔʼ.

1 Pità 1:19

À fə̀ kuuwn lo aŋ kɔ kə kàŋ tə Kə̀lestò, tǒ kâŋ tə tsʉa u ndzì zəla è ki yô dzʉ wo ŋkāa na kə̀ li ko ghe fə̀ zue sə tuw kɛʼɛ ko a te.

1 Pità 2:22

Ù ka fə bo è li e ghəəŋ kòʼ dzə̀, ù ka fə gha è li tso kàʼ kòʼ sùghò.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.