Lûk 23:2 - To kə Kəzə̀ kə̀ Fughu ko

² ghe fi kaʼ nù alekwu Yɛso, dzàa tsùghuu enyəa, “A kəŋ kwu sə kɔʼ enyəa tûwbʉ̀ghà wən tsʉ̂a bǒon ghì ghə enaʼ a sɛ̀, ù dzɛ̀ enyəa ghî à ka mwàʼsò kə̀ e chuuw â Kaesà, dzàa kaaŋ sùghò enyəa e lo Bəghambī, də̀ŋ kə̀ tsuʼu ko.”

Lûk 23:2 Iomraidhean Croise

Matìo 17:27

To a mô zəghà ko nù, a ka boon fə̂ŋ tə ghee to. Ndùw nlò alo enyʉ̀ ghɛ̀ maʼa nduw saʼ fo, ghɛ̀ ni kɔʼ tsəgha e sʉesʉ zəla ghɛ̀ kwuu sə kɔʼ, ghɛ̀ zom tsughu dzughu e wə̄n zo, ghɛ̀ koʼ tsughu kua u fəŋgɔ̀ʼ wò a te, ghɛ̀ nduw fughu nduw â ghee enyəa à lǒ chuw è sɛ̀ a dzə̀m ghən.”

Matìo 22:21

Ghe n dzɛ̀ â wən enyəa, “À lò sʉ u Kaesà.” Ù n daŋso dzɛ̀ â ghee enyəa, “Fəgha kəla kə lô kə Kaesà kò, ghɛ̀ è fughuu nduw Kaesà, də̀ŋ kə Lumà, mò alò fəgha kəla kə lô kə Kəzə̀ kò, ghɛ̀ è fughuu nduw sugho â Zə̀ kò.”

Matìo 27:11

Ezə̄ŋ, Yɛso n ti a vʉ̀a gɔvə̀nò ù Lumà; Paelɛ̀t m bvʉ â wə̄n enyəa, “À lò ghu Də̀ŋ kə Tə̀dzûu kò à?” Yɛso n dzɛ̀ enyəa, “Ghǔ n dzɛ̀.”

Mâk 12:17

Yɛso n dzɛ̀ â ghee enyəa, “E fughuu nduw fʉgha u Kaesà wò â Kaesà, fughuu ndùw u Kəzə̀ wò â Zə̀ kò.” Dzughu zə n zum ghee.

Mâk 15:2

Paelɛ̀t m bvʉ â wə̄n enyəa, “À lò ghu Də̀ŋ kə tə Dzûu kò à?” Yɛso m bɛ̀lɛ̀ tsùghù enyəa, “Ghù dzɛ̀ èzə̀.”

Lûk 23:14

Ù n dzɛ̀ â ghee enyəa, “Ghɛ̀ mǒ ghùw wə̄n ni wo a vʉ̀a mùghò enyəa ù tsʉ̀a bonlo àghì enyəa ghe e tiso naaŋ kɔʼɔ naʼ zo alo efwē, Mùghò ŋ wə̄n â ghəa a tɔ̂ʼ bvʉʉn fɛ an sə kɛʼɛ̄, yìa Ŋ̀ kəŋ kele kɔʼ sughò enyəa ghu kə wə̄n kə yo aŋ ghəa yìa ghɛ̀ kwuu wə̄n a te.

Lûk 23:5

Ghe m mgbɛɛ ko enyəa, “Ù tiso naŋa kɔʼ naʼ e Dzùdîa e dzə̀m alo efwē an tsʉ̀ e wə̄n. Ù fə̀ ziī tsughu aŋ Galèlîi, vʉ̀ ù bùghò tɛ̂ wô fɛ.”

Dzɔ̌n 18:29

Paelɛ̀t n daŋso bùghò sə̀ kòʼ wò ghee a beē, bvʉ â ghee enyəa, “Ghɛ̀ ghùw wə̄n kwu enyəa ù bǒon kə̀ kwò?”

Dzɔ̌n 18:30

Ghe n bɛ̀lɛ̀ ndùw wə̄n enyəa, “Abugho ghùw wə̄n mô tâʼkè ghəə̄ŋ bonlo èghəa, to ghàʼ kâ mò nì wò dzə̂ wə̄n fɛ a vʉ̀a ghù.”

Dzɔ̌n 19:12

A m bùghò Paelɛ̀t zuw tsughu êzə̀, ù ŋ kàʼ alekə̄ŋ tə dziī alezə̀ghàa maʼà Yɛso. Dzuū tə ŋ kuuwn tughuu səa kɔʼɔ ko â dzə̀ tò enyəa, “Abugho ghù zə̀ghàa maʼà nduw ghùw wə̄n, à fi lo enyəa ghù dɔ̀ɔm yò dzə̂ fən ù Də̀ŋ kə Lumà kò; nu ghəəŋ tsə̀ghà dzə̀ ghùw fɛ alo enaʼ enyəa e lo kədə̀ŋ, à fi lo enyəa ù tsʉ̂ʉn tuw kə Də̀ŋ kə Lumà.”

Kə̀fwàʼ 24:13

Ghe bûʼ yò sughò aledè ghəa zə̄lā ghe kwuū mugho fɛ̀ a te.

Kə̀fwàʼ 24:5

Ghàʼ kôʼ tsùghù enyəa ghùw wən lo ghûw ù ùtsù, ghùw wəla ù sòʼò kaāŋ tsû wò am bvʉa e Tə̀dzûu fɛ am mbī e dzə̀m, vʉ̀a ù lò sughò tuw ko an dzeŋe kə̀ biigh kə ghì a Nazalɛ̀t gho.

Lumà 13:7

Ghɛ̀ e fughuu nduw fəgha kəla ghɛ̀ ki alefughu tsəghà ndûw â ghee: mò à lǒ mwàʼsò kə̀ chuuw ko, ghɛ̀ n chùw è nduw, chuuw ndùw sùghò chuw tɛʼɛ, ghɛ̀ m fughuu ndùw kɔʼso məla m kpe â ghee.