Lûk 21:8 - To kə Kəzə̀ kə̀ Fughu ko

⁸ Ù n daŋso bɛ̀lɛ̀ tsùghù enyəa, “Nǐ nlò ghôom zò, ghe lô sêe məŋso ghɛ; nu ndə̀m kè ndùw bùghòo fɛ enyəa ghe lo mugho, ghe e dzaā wo enyəa; ‘À lò mugho ghùw ù te! Nəghā e te e fɛ kpè dzə̀ nù!’ Kà nlò tsəghà tə̀ŋò tsùghu a bàâ ghee.

Lûk 21:8 Iomraidhean Croise

Matìo 24:11

Ndə̀mà tə ghǐishʉ̀ghà tə agha tə kê nughù səghàan səa kɔʼ, ghe sêe məŋsō tsughu ndə̀mà tə aghì.

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Lûk 17:23

Ghî à ke so â ghǔ a, ‘Ghù wɛ̀ɛ, à lò fɛ!’ Ŋkāa, ‘Ghù wɛ̀ɛ, à lò fî!’ E kwo ghɛ̀ è ke e ndûw, kà kê è nlò dɔ̂ɔm tsə̀ghà tə̀ŋò a bàâ ghee;

Lûk 21:7

Ghe m bvʉ â wə̄n enyəa, “Wàdè, à kè lò zən, à lo dèe sùghò kwò enyəa e fɛ so e nî kə̀bəla lo a?”

Lûk 21:9

Abugho ghɛ̀ kê zuw ghî à dəmà kaŋlo, təmā kaāŋ sùghò tə̀tsaā; nu ghəa ghən kê bùʼù nìi dzə̀ kə̀bəla, nəgha è mianlō e kê kǔuwn kaam daŋso dzùum wò yò.”

Dzɔ̌n 5:43

M̀ bughò an daʼa kə Bəghà, ghɛ̀ yia bōom yô ghəa ghaŋa gho; abugho ghùw ù lì ndùw bugho aŋ ŋgəŋ è wə̄n, ghɛ̀ ŋ kuuwn nì nàŋa wò wə̄n.

Dzɔ̌n 8:24

M̀ maā dzɛ̂ a ghɛ̀ enyəa ghɛ̀ lo kpuuw am bòo tɛʼɛ. Alekùu nîi tsughu, ghɛ̀ lo kpuuw nu am boo tɛʼɛ abugho ghɛ̀ tâʼkè boo enyəa Ǹ lo ghùw wəla M̀ mô dzɛ̂ â ghɛ̀ â sə ko.”

Dzɔ̌n 8:28

Yɛso fi dzɛ̂ nù a ghee enyəa, “Abugho ghɛ̀ lo kɔʼsō kɔʼ Wɛ ù Ghùw, ghɛ̀ lo daŋso kele tsughu enyəa Ǹ lo ghùw wəla Ǹ dzɛ̂ enyəa Ǹ lo wə̄n, àsùghò enyəa Ŋ̀ ghəəŋ yo ghəa è lī zo aŋ ŋgəŋ zaŋā tsə̀ghàa sə̌a ko yo fəgha kəla Bəgha mo de â mùghò.

1 Kòlentìan 6:9

Ghɛ̀ kwo yo enyəa ghî ghəla ghe yô dzə̂ tsəghatsəgha lo zəa yo fɔ̂e u Kəzə̀ wò à? E kwo ko fəgha kə li kə lô nɔɔ̄m ghɛ; ghùw ù li aŋ ghì ghən, ŋkāa à lò nùuŋ kə ghûw, ŋkāa wəla ù kɔʼsō mùʼù mò, ŋkāa wəla ù lǒ bwìkòʼ kò, ŋkāa ghînû ghəla ghe nyə̂əŋ dzəə̄ŋ ghue zo ghèe ghê yìnû à li gho,

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

2 Tɛ̀sàlonìan 2:3

E kwo ko ghùw ù lì lô so e tsêe ghɛ̀, tɔŋlo enyəa tsuʼ fə te lo yo dzə̂ alebùghò mò ndə̀m è aghì kaam bûʼ sə̀ wò dzə̀ enyə, enyəa ghe tuu màʼn Kə̀zə̀ — à ke lo sugho mò ghùw ù biigh ù biigh ŋ ghue u wə̄n u dê fughu sə wò; ghùw wəla ghe lo dzûuw maʼnlo an uwə̀n.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Edêe Fughu 1:3

Dzɔ̀ lǒ ghuw wəla ù tɔɔ̄ŋ səā kɔʼɔ̄ shwaʼ u ushʉ̀ghà wə̄n wo, dzɔ̀ lò sugho â ghî ghəla ghe zuw tɔ shwaʼ u te wo, yìa à lò sugho dzɔ̀ â ghì ghəla ghe zuw shwaʼ u te wo bwìi ndùw an dzə̂ e ghə̀a ghəla ghe tɔm naŋā am mwàʼsò kən; tɔŋlo enyəa nəgha zə n sū â ghəa a te gho alenì kə̀bəla.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.