Lûk 20:5 - To kə Kəzə̀ kə̀ Fughu ko

⁵ Ghe n daŋso tsɔ̀ŋ tsə̀əm kǎaŋ wò aŋ ghùe e ghee enyəa, “Abugho a dzɛ̂ tsughu enyəa, ‘À fə̀ fughu Kəzə̀, ù è so e so enyəa, ghɛ̀ ŋ kè sô boo mò à lǒ kwò à.’

Lûk 20:5 Iomraidhean Croise

Matìo 16:7

Ghe ŋ kaʼ tsughu alekə̀a aŋ ghùe e ghee enyəa, “Ù ghəa ghən fɛ kə̀a nu ù a kâ bùghò â bɛ ko.”

Matìo 21:25

Ù n daŋso bvʉ̀ ndùw â ghee enyəa, “À mò daʼa ko â Dzɔ̌n wəla ù fughuu ghî ghò â mùghù ŋ Kə̀zə̀ mò fughu ndugho a, alekəma ghî ghò a? À mò lo Kəzə̀ ŋkāa ghùw a?” Ghe ŋ kàʼ ndùw fom tə̀ baaŋ to alo eghùe enyəa, “A lo aledzàa ndûw èndughō? Abugho a bɛlɛ̀ ndûw enyəa, ‘À mò lo Kəzə̀.’ Ù sò dzɛ̂ enyəa, ‘À sò lǒ kwò ghɛ̀ màʼa fə̀ taʼkè boō fughuu ndûw â wə̀n à?’

Lûk 20:4

Dzɔ̌n fə̀ ghî a fɛ fughuu â mùghù ŋ Kə̀zə̀ mò ù daʼa kə nî ghɛ̀, à fə̌ wə̄n â daʼa kə te kə fughu aghî ŋkāa Kə̀zə̀ a?”

Lûk 20:6

Abugho a dzɛ̂ tsughu sughò enyəa, ‘À fə̀ fughu aghî.’ Ghî ghən fɛ a dzə̀m sò təəm sɛ̀ alo atīa; nu ghe boo fughu tən nû enyəa Dzɔ̌n fə̀ kûum lo ghùwshʉ̀ghà ù Kə̀zə̀.”

Dzɔ̌n 1:30

Wən lǒ ghùw wəla mùghò mò dzɛ̂ enyəa, ‘Ghùw wəla ù bùghò a bâa mùghò mò ù tsə̀ghàsə̀ mugho.’ Tɔŋlo enyəa ù fə̀ lo ziī nû to ghe e dzə mugho.

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 3:26

Ghe m bùghò dzɛ̀ â Dzɔ̌n enyəa, “Wàdè, ghùw wəla ghàa wə̄n mò lo a dzə̀m a ŋgùŋù tsə̀, abugho a dâŋ sə kɔʼ Dzodàn, wəla ghù fə̀ teso dzàa ghəa a wə̄n gho enyəa ù lǒ Ù tsùʼu, ù lò fɛ, fughu àghì â mùghù ŋ Kə̀zə̀ mò, ghî a fi tsòo nyə̀ŋo ko a fughu.”

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Kə̀fwàʼ 13:25

A m bùghò sùghò aŋghəa Dzɔ̌n sô mîasò tsughu fwàʼ kə wə̄n ko, ù n dzɛ̀ tsùghù enyəa, ‘Ghɛ̀ moʼò enyəa Ǹ lo ndughoo a? Ǹ yo dzə̄ ghùw wəla ghɛ̀ ləmlo wə̄n. Ɛ̂ŋgaŋ, ghùw ù lì bùghòo èbàm; Ŋ̀ kâ bùʼ kɔ̀ʼ kpe alelo ghùw ù kə̀fwàʼ ù wə̄n wəla ù alebuʼu tsɔʼɔ nughuun tsughu ko gûw tə wə̄n to alo kə kəghùw.’ ”