Lûk 18:9 - To kə Kəzə̀ kə̀ Fughu ko

⁹ Yɛso m fùghù ndùw sùghò kwə̀ən kə ushwāʼ â ghì à li ghəla ghe mò kɔʼso ghue zo enyəa ghe lo ghî à dzûŋ ghò ghe yia a kuuwn nîi yô ghî à li gho tò kəfəgha.

Lûk 18:9 Iomraidhean Croise

Lûk 10:29

Tûw vʉ n ləghaa aledèe tsughu enyəa e kâ nɔ̄ʼ, ù m bvʉ â Yɛso enyəa, “Wàanùghò lò ndughoo?”

Lûk 15:2

Ghê Dèekə̀làŋ ŋ kaʼ tsughu ghèe ghê Falàsîi tò alenyuūŋ sāʼ Yɛso enyəa, “Bəghà wən ŋgɔ̂ɔm ghì à biigh gho, zəa dzəəŋ sùghò ghèe ghee.”

Lûk 16:15

Yɛso n dzɛ̀ â ghee enyəa, “Ghɛ̀ lo ghî à dzûŋ ghò an sə kə aghì, Zə̀ kə̀ kuuwn kwō fə̂ŋ tɛʼɛ; nu fʉgha wəla ghî à kuūwn kɔʼsō, à lò udzʉ an sə kə Kəzə̀.

Lûk 18:11

Falàsîi vʉ n nùghù těe è kɔʼ, gɔ̀ɔŋ tsùghù aŋ ghùe u wə̄n enyəa, ‘Zə̀ kò, M̀ fughuu zɔ̀ɔŋ kə̀a enyəa Ǹ yo dzə̂ tò ghî à li ghən, mbaaŋ tə aghì, bəən tə aghì, nùuŋ tə aghì, M̀ bûʼ yò sughò tǒ dzə̀akə̀mwàʼsò wə̄n.

Lûk 19:7

Ghəa ghî à kôʼ tsughu ghəa yì, ghe ŋ kāʼ tsughu aletsə̀əm kə̂aa kaŋlo enyəa, “Ù ndùw alendùw bwîin kôʼ ghùw mò ù bǒo â mwam wo.”

Lûk 7:39

Falàsîi vʉ̀a ù fə̀ zɔʼɔ̄ wə̄n ŋ kòʼ ghəa yì, dzɛ̀ tsùghù aŋ ghùe u wə̄n enyəa, “Abugho bəghà wə̄n mô lo ghùwshʉ̀gha, to ù mâa kèle ŋgòʼ è fə̀ghà kəla yìzən wəla ù mɔ̀ɔ wo wə̄n lo â ghè kò, enyəa à lǒ yìzən ù bǐigh.”

Dzɔ̌n 8:48

Dzûu tə̀ dzɛ̀ ndùw â wə̄n enyəa, “Ghǎʼ fi lo nû tsəghatsəgha aledzɛ̀ enyəa ghù lǒ ghuw ù Sàmalìa, ghù vʉ̀a ghù ki sugho zə̀a fə̀ biigh.”

Dzɔ̌n 9:28

Ghî a Falàsə̂ ghə̀ n shə̄n wə̄n enyəa, “À lò ghû tsə̀ndə̄ghā è wə̄n, ghàʼ kuuwn lǒ tsə̀təndə̄ghā tə Musî.

Dzɔ̌n 9:34

Ghe n dzɛ̀ â wə̄n enyəa, “Ghî fə̀ biigh fən, mo ghe fə̀ fə̀fùghù dzə alo ebō, fə̀fùghù fə̀ n noo sùghò alo ebōʼ, ghù so e bughò zoʼn ghàʼ à?” Ghe n dzùm nùghù sə ghùw ù fǒo vʉ̀ an Ndùghène è Tə̀dzûu.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Lumà 10:3

Ghe kaam kwo dzə yo dzì zəla Zə̀ kə̀ naāŋ ghùw a te tsəghatsəgha a vʉ̀a wə̄n, Ghe ŋ kuuwn də̀m è tsughu, kəŋ tsughu è ghee dzì alelo tsəghatsəgha a te. Ghe ŋ kè kuuwn boō dzì zəla Zə̀ kə̀ nîi ghî ghò a te enyəa ghe doʼò tsəghatsəgha a vʉ̀a wə̄n.

Lumà 14:10

Ghɛ̀ sò waazughù à koʼò kèe mò a lǒ kwò a? Ŋkāa à lǒ kwò ghɛ̀ sô saʼa waazughù ghò a? Sɛ̀ a dzə̀m lo bùghò tènlo an tia e saʼ a vʉ̀a Zə̀ kò.

Lumà 14:3

Ghî ghəla ghe zəā fʉgha wo u dzə̀m kì yo alekòʼò lʉgha ghî ghəla ghe zəā yo fʉgha wo u dzə̀m. Ghî ghəla ghe kuūwn nuūm təla ko tuūwfʉ̄ghā wo ki sugho yo alesāʼ ghî ghəla ghe zəā fʉgha u te wo u dzə̀m, nu Zə̀ kə̀ ŋ ghee boo.

Lumà 7:9

Ghuūghùe waŋā, mùgho fə̀ mughu tsəgha mò Ŋ̀ kwo yo lâŋ kò, a m bùghò lâŋ kə Kəzə̀ kə̀ ndûw bugho, bo e fi dê sə̀ wò sùghò nù ghue wo, mùghò ŋ kuuwn lǒ tò m kpuw dòʼò nù.