Lûk 18:7 - To kə Kəzə̀ kə̀ Fughu ko

⁷ Bùghò ŋgòʼ è ghùw wən lô alekə̀a èghəa tò zən, Zə̀ kə̀ yo ênzə̂n aledaŋso saʼā fughuu kɔʼ sāʼ â ghì ghə̀là ù ləghaa lo, abugho ghe dîi zeē a vʉ̀a wə̄n à, ntsuʼu n dzə̀m n dzə̀m a? To ù kòom lɛɛ̄n boo enyəa gha kə sə mò ù kà êzə̀ â ghee ghəŋlo à?

Lûk 18:7 Iomraidhean Croise

Matìo 24:22

Abugho Zə̀ kə̀ mô tâʼkè ghəə̄ŋ tsughu enyəa tî kə te kə ka lo dòʼò dàan ndùw, ghùw mɔʼɔ̄ mô yò alezə̄ kətuw; Zə̀ kə̀ lô tsùʼù mən fɛ gbôo kə̂a tsughuu wô bòʼ ghì a wə̄n ghəla ù tsɔʼ kɔʼ.

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 7:11

Ghɛ̀ ghəla ghɛ̀ lô ghî à biigh gho, abugho ghɛ̀ lo alekwo alefughuu wɛ ghɛʼɛ gho â fʉgha ù dzûŋ wò, Tsele wɛʼɛ wəla ù lò alo kəwālā lo alebòʼò fughu ênzə̂n fʉgha ù dzûŋ wò â ghì ghəla ghe bvʉ nduw â wə̄n à!

Lûk 11:13

Abugho ghɛ̀ â biigh ghən laam fughuu fʉgha ù dzûŋ wò â wɛ ghɛʼɛ̄ gho, à è səasəa tsele wɛʼɛ alo Kəwālā, ù bòʼò lò alefughu ênzə̂n Zuʼ tə̀ Zɔlɔ to â ghì ghəla ghe nɔe tsughùu à?”

Lûk 2:37

Ù n dòʼò ko êzə̀ aŋ wìikpūw noo kpe tsughu ghə̀m n tə̀nùu efāa à ghè tò tə chìakò. Ù m mughu zee ko am be kə̀ ne ko, baa èdzughu, kɔʼso Kə̀zə̀, gɔ̀ɔŋ zěe ndùw, gɔ̀ɔŋ bwǐi ndùw.

Lûk 21:28

Abugho ghəa ghən kê kaʼ tsughu êzə̄ŋ alenì kə̀bəla, ghɛ̀ ke nughu tēe wo ebàm alo tətsə̀n, nu ghe kê fi so e kuʼù bəghā sə ghɛ.

Lumà 8:33

À lo fəgha kə̀ nsɔ̌ɔŋnchùw kə̀ ghɛ ko kə lô alekòom bamsô dzughu e ghûw mò Zə̀ kə̀ ŋ wə̄n shîaa a? À lò Kəzə̀ kə ghəŋlo enyəa ghî à doʼò tsəghatsəgha a vʉ̀a wə̄n.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

1 Tɛ̀sàlonìan 3:10

Ghǎʼ yìa a gɔ̂ɔŋ zēe Zə̀ kò, gɔ̀ɔŋ bwîi am fə̂ŋ zaʼa e dzə̀m enyəa to kə mô ghəŋlo enyəa to ghàʼ mô kôom koʼò wô ghɛ̀, ghɛ̀ koʼ wo sugho ghàʼ, asùghò enyəa ghàʼ kele sughò dzì zəla a lô alefəghaan nîi tisô boo zɛʼɛ a te.

2 Tɛ̀sàlonìan 1:6

Zə̀ kə̀ fwàʼà kô ghəa ghəla a lô tsəghatsəgha, à fi lo enyəa kə lo fɔeso nù ghî ghəla ghe fughuu ghɛ â tsù wò.

1 Timotì 5:5

Wìikpuw wəla ù ki yo ghùw alelɛnlo â wə̄n, mò ù lò ko wə̄n à nəŋ ko, ù n naŋa moʼnlò e wə̄n zo a zəŋò Zə̀ ko, ù lo tən ko alegɔ̀ŋlò, ù nɔɔ̄ yôsò zò â Zə̀ kò alo ntsuʼu n dzə̀m.

2 Timotì 1:3

M̀ fughuu kə̀zɔ̀ŋlò â Zə̀ kə̀là M̀ fwaʼā a tsəlà wə̄n am fə̂ŋ è zɔ̀lɔ, tò aŋghəa ghê bə̀ghà fə̀ ghəə̄ŋ tsəgha. M̀ fughuu zɔɔŋ kə wə̄n nəgha tən tə̀ dzə̀m abugho M̀ moʼn tsughu ghû aŋ gɔ̀ɔŋ zaŋa.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

1 Pità 1:1

À lò mugho Pità, tɔɔŋ tùm è Yɛso Kə̀lestò — M̀ mwàʼsò kən kə tɔɔ wò â ghɛ̀ ghì a Kəzə̀ ghəla ghɛ̀ ti nân doʼò kaāŋ tsəgha aŋ kɔlɔ tə Pontùs, aŋ Gàlasìa, Kàpàdosìa, Ɛshìa, àsùghò am Bìtinìa.

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

Edêe Fughu 18:20

Ôo wala ko e duʼnlo, ghɛ̀ ghì zɔlɔ gho, tətum àsùghò ghǐishʉ̀ghà ghò, tɔŋlo enyəa Zə̀ kə̀ n tāʼ ghɛ̀ à ghee, fə̀n tsùghu mgbə̀ghà a zəŋò naʼ e te zo bòʼ ghəa a biigh ghəla ù mò ghəŋlo â ghɛ̀!”

Edêe Fughu 6:10

Ghe ŋ kele sə̄a kɔʼɔ àghəa an dzə̂ è tughu enyəa, “Wo Tsə̂ntə̀mbî ù Ghàʼa ù ghàʼa, ghù zɔ̀lɔ nù, ghù vʉ̀a ghù lò sugho êsəŋò, ghù lô ghì ghən fɛ am mbī saʼa zən, â ghù aledì ŋgə̀mà tə təkàŋ taʼa a?”

Edêe Fughu 7:15

Zən lò e ghee ghe lo a vʉ̀a ndàŋ è kə̀də̀ŋ è Kə̀zə̀, fwàʼà bwǐi ndǔw ndùw â wə̄n bùghò fwàʼà zěe wò an tsughu e wə̄n. Ghùw wəla ù dòʼ an ndàŋ è te lo e lɛnlo â ghee aŋghəa ù lò dzə̂ ghèe ghee.