Lûk 16:9 - To kə Kəzə̀ kə̀ Fughu ko

⁹ Ǹ so Ǹ dzâa wô â ghɛ̀ enyəa, nǐi kɔʼ nlò fʉgha u mbī wo, ghɛ̀ kwu nduw fwən wo a te ghɛ̀ à ghê ghì ghò, mo u kê bùghò mìa tsùghù nû, ghe lo kpeē nî ghɛ̀ alo Kəwālā.

Lûk 16:9 Iomraidhean Croise

Matìo 19:21

Yɛso n dzɛ̀ â wən enyəa, “Abugho ghù ləghaa aledòʼò ghùw ù tsəghatsəgha, ndǔw nǐi fěe tsughu fʉgha wəla ghù ki u dzə̀m, ghù dzughu kua u te wo â ghì à laa gho, tò ghù e ke kuuwn lo ghùw ù kǔu alo kəwālā; ghù daŋso nughu wo a bǎa mùghò tǒ tsə̀ndə̄ghā zaŋā.”

Matìo 6:19

“Kà fʉgha wɛʼɛ ù səŋò ù zuūŋ naaŋ fɛ am mbī, an lùʼù kəla u lô fwoʼō, ŋkāa soʼosoʼ tə lo alebùgho pfʉā kɔʼ; ŋkāa ghî a tsɔŋo a lo alebùghò tsɔŋɔ nughùu kɔʼ.

Matìo 6:24

Ghùw u mɔ̀ʼ yò aledzeŋe fwaʼā â ghì ghò a bə̀ghà alo e nə̀gha e mɔ̀ʼ. Abugho ù lò alefwàʼ êzə̀, ù sò bàa nù u mɔ̀ʼ, ù è ləghaa ù lì wən. Ŋkāa ù è ŋgee fwaʼā â u mɔ̀ʼ, ù è koʼō lʉghaa ù lì wən. Ghù yò alekɔʼso Zə̀ kò, kɔʼso sughò ùkua.”

Lûk 11:41

Laam gaʼ tsughu nlò fə̂ŋ tò aleyosō ghî à laa gho, ghəa ghɛʼɛ ghə e zɔ̄lɔ̄.

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Lûk 14:14

Zə̀ kə̀ kê bughuso ghù, tɔŋlo enyəa ghe kê yò aletsəā tsə̄ghàa wô ghù ebàm. Zə̀ kə̀ kê ghù tsəa tsə̀ghàsò wò bugho ghî ghəla ghe lô tsəghatsəgha kê kɔʼɔ̄ səā alo evʉ.”

Lûk 16:11

Ghəa ghɛ̀ yô alenyɔ̀ʼɔ̀ kwuū kēlê kum è səŋò zò, à kǔuwn lò ndughoo alefughūu wô ghɛ̀ â fʉgha ù səŋò wò enyəa ghɛ̀ kwu kelê à?

Lûk 16:13

Kɔ̂ɔ fə̀ li fə yo dzə̂, fə lo alefwaʼā aŋ ghùu ghê mughùbè a bə̀ghà alo enə̀gha e mɔ̀ʼ; tɔŋlo enyəa to ù sə̀ lə̀ghaa u mɔ̀ʼ, bàa ù lì wən, ŋkāa ù è tumso u mɔ̀ʼ, kòʼò kèe ù lì wən. Ghù yò alekɔʼso Zə̀ kò, kɔʼso sùghò fʉgha u mbī wo.”

Lûk 16:4

Mùghò ŋ kele ghəa zəla Ǹ lo tò mùghò è ghəŋlo, to abugho M̀ bûʼ guŋù ko fwàʼ kò fɛ, to ghî ghə̀ è ke e naam koʼō kɛ̄lɛ̄ mugho an lùʼù tə ghee.’

Kə̀fwàʼ 10:31

Ghùw vʉ mo enyəa, ‘Kɔ̀nelìus! Zə̀ kə̀ ŋ gɔ̀ɔŋ zə̀ghà è zuw, chia kə kòʼ sugho fughu kə̂a kò.

Kə̀fwàʼ 10:4

Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.

2 Kòlentìan 4:17

Nyàaŋ fə utsù fə̀là ghàʼ zuw kəŋo ndûw fɛ lo tsùuŋ yò, fə fɛ ndzùuŋ nǎaŋ ghàʼ an səghanyəgha n sə̀ŋò mə̀là n dòʼò tən, mò n tsə̀ghàtàʼà sə tsû wə̄n.

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.