Lûk 16:2 - To kə Kəzə̀ kə̀ Fughu ko

² Ghùw ù kǔu vʉ fi bughò tɔ̀ŋɔ naŋa tsughu nû ghùw ù kə̀fwàʼ ù wə̄n vʉ̀, bvʉ â wə̄n enyəa, ‘Ŋ̀ kən zuuw kâaŋ kə̀ kwò enyəa an zən zəghā a? Ghəŋlô ghù fughu nyə wo tàŋ è kə̀fwàʼ zə̀ghà, mbuu ghù lo kòom fwaʼà yo fɛ.’

Lûk 16:2 Iomraidhean Croise

Matìo 12:36

Ǹ so Ǹ dzâa wô â ghɛ̀ enyəa, abugho tsuʼ u te u kê kpe tsughu enyəa Zə̀ kə̀ fɛ saʼa àghì, chìa è ke taŋso ko shwaʼ u wə̄n ù dala wəla ù kə̌a ghè wò;

Matìo 20:8

A m bùghò nəgha è kwəla e kpe tsughu, mughu ù ùsum n dzɛ̄ â ghùw wəla ù lɛɛ̄n ghî a kəfwàʼ ghò enyəa, ‘Tɔŋɔ tsughu ghî a kəfwàʼ ghò ghù tsə ghee. Zǐi tsughu a zəŋò ghì ghəla ghe mô soʼ nyə gûŋsò wo, ghù è kɔʼɔ nduw.’

Lûk 12:20

Zə̀ kə̀ ŋ kuuwn dzɛ̀ â wə̄n enyəa, ‘Ndzə̀ŋòfùw zən, tsuʼ u tsʉtsʉ wən zuuw kwuun yo ghû; à laʼà fʉgha wʉ̀a u te wə e kele ndùghò à?’ ”

Lûk 12:42

Mughu ù te fi dzɛ̂ nù enyəa, “À kǔuwn lò kɔ̂ɔ fə̀ dzûŋ fə̀ ghɛ fo, fə ti an tɔ u wə̀n à, mughùbè u wə̄n lo alenìi naŋā tsughu wə̄n tò kə̀tuw an ndughu enyəa ù è bɔɔm fughuu nduw kɔ̀ɔ n lì mən â fʉ̀ghàzəa wo an nə̀gha e ghee è zəa zo a?

Lûk 16:1

Yɛso n daŋso dzɛ̀ â tsə̀təndə̄ghā tə wə̄n to enyəa, “Ghùw ù kǔu ù lì fə̀ ki ghùw ù kə̀fwàʼ ù wə̄n, ghe m mgbɛɛ bughò dzàa fùghuu tsə̀ghà ko enyəa ghùw ù kə̀fwàʼ ù wə̄n bəla nyàa fʉgha u wə̄n tò fʉgha u dzʉghadzʉgha.

Lûk 16:3

Ghùw ù kə̀fwàʼ vʉ m bvʉ enyəa, ‘Mùghò è dzə̂ èndūghō êzə̄ŋ à, mùghùbè waŋā sô so e buū tsɔ̄ʼ mugho alo kəfwàʼ a? M̀ fɛ lǒ, Ŋ̀ ki yo nûŋ wò alebwiī tsəmā kaaŋ luʼū to, yìa Ǹ də̂nsò sughò tuw ko alenɔɔ nɔ̄e ko.

Lumà 14:12

Ghùw e ke taŋso dzaā nduw ko ghəa a ghùe u wə̄n gho â Zə̀ kò, taŋso dzàa ndùw sughò soo kə eghəa kəla kə fə̀ ghəŋlo enyəa ù ghəŋlo êzə̀.

1 Kòlentìan 1:11

Ŋ̀ ghəa ghən gho enyə dzàa wò â ghɛ̀ a waazə̂ ghaŋa gho bòʼ ghî à li gho an kɔn u Kəlôes ghə̀ n dzɛ̀ â mùghò enyəa ghɛ̀ zughùu zěe aŋ eghùe zɛʼɛ.

1 Kòlentìan 4:2

Ghəa zəla ghe ləghaa â ghì ghəla ghe naŋa tsughu enyəa ghe e lɛnlo â ghəa ghən gho lo ko enyea, ghe ki alefwàʼ â Mughùbè ù ghee am fə̂ŋ e ghee a dzə̀m.

1 Kòlentìan 4:5

A fi lo enyəa ghù ki dzə yo alesāʼ ghùw u li mo nəgha è te e kaām kpe. Saʼ è gbǒo tee zə aghəa ki alebɔɔm ləmā to Mughu ù te kê bughò; ù ke bugho nìi nǎŋ wo tsɔŋ tə aghəa tə kələm to an ndɛ, ù dèe fughuu kɔʼ môʼn zəla ghùw ki alekele aŋ ghuu Zə kò. A kê bugho an nə̀gha e te zo, Zə̀ kə̀ lo e fughu nduw ko chìa â kɛɛ wəla u kpe â wə̄n.

2 Kòlentìan 5:10

Tɔŋlo enyəa sɛ̀ ghən à dzə̀m lo ndùw nyə̌a tēen nù an tia e sāʼ e Kə̀lestò. Ghùw ù sɛ̀ e ke lo alekelê namso kəla kə kpe â wə̄n — kə̀ dzûŋ ko ŋkāa kə̀ biigh ko, kùu ndùw fəgha kə̀là ù lǒ mò ù m fwàʼ aŋghəa ù mò lò aŋ gwə̀n e ughùe e ghûw wə̀ nsɔ̌ɔŋnchùw.

1 Timotì 4:14

E kwo ko ghù lò so e tsughòsò maʼn daʼa kəla Zuʼ tə̀ Zɔlɔ tə fə̀ fughu â ghù an nə̀ghà zəla tsoʼ tə dzeŋe kə ghì a Kəzə̀ tə fə̀ gɔ̂ŋlo mo ghe ŋ ghu a gaʼ wò an tuw kə̂a.

1 Timotì 5:24

Ghî à li a mgbaŋa ghəəŋ tsughu èbo, a ghî a dzə̀m ghə kòʼkɛ̀lɛ mɛ̀ʼɛ̀ ndùw bo e te zo abugho ghe buʼù saʼā ko ghee. Lò êzə̀ mo bôo tə ghî à li tə lô ghue u ghûu dêe ko nù.

1 Pità 4:10

To aŋghəa Zə̀ kə lo mo kə m fughu chìa â fwàʼ kò, tò ghî a kəfwàʼ à dzûŋ ghò, ghɛ̀ ki aleyoso nduw ghî ghò am fwàʼ kədzûŋ kəla Zə̀ kə̀ namso ghɛ a te.

1 Pità 4:5

À sò fɛ kuuwn lò ko enyəa ghe lo ki aletaŋso dê see kə emùghù kə ghee â ghùw wəla ù ti tən ko alesaʼ aghî a dzə̀m; ghî ghəla ghe lo â tuw ko àsùghò ghəla ghe lo mo ghe mafə kpuwnlo.

Edêe Fughu 20:12

Mùgho n daŋso kòʼ ndùw ghì à kpuuwn gho, bvùʼù mə̀ aghì àsùghò ghì a səŋo ghò, ghe ti an sə kə ndàŋ è kə̀də̀ŋ zə̀. Tsə̀təndə̄ghā tə̀ li tə n tsʉnlo ùmwàʼsò, ghe n tsʉ kpeʼe kɔʼ mwàʼsò kə̀ li ko, mò à lǒ mwàʼsò kə emùghùu. Zə̀ kə̀ n sâ saʼ tə ghì à kpuuwn yì aŋ ghəa ghəla ghe tɔm naŋā fughu am mwàʼsò vʉ̀, ghe n saʼ ghe aŋ ghəa ghəla ghe lo mo ghe mafə ghəŋlo.