Lûk 16:16 - To kə Kəzə̀ kə̀ Fughu ko

¹⁶ Ghɛ̌ fə̀ bwiī ko an làŋ kə Musî, zuuw sùghò tsʉ̀ e ghîishʉ̀gha bùghò kùm wò an tì kə Dzɔ̌n Fùghùu mùghù ŋ Kə̀zə̀; alenìi nughù wô an tì kə te ko, ghî à fɛ tsòo mgbɛ̌ɛ kə̀aa tsə̀ghà kô ghəa e Fɔ̀e u Kəzə̀, ndə̀m è àghì yia a dəmà aleŋgaām nyə aŋ ghəa e te zo.

Lûk 16:16 Iomraidhean Croise

Matìo 10:7

E kəā nduw ghəa a Kəzə̀ ghò aŋghəa ghɛ̀ nduūw, dzàa ndùw enyəa, ‘Fɔ̂e ù kəwālā wə m bùghò.’

Matìo 15:11

à yò dzə̂ fəgha kəla kə nyəā nduw an dzughu e ghûw kə boōn ghùw, à lò fəgha kəla kə səā wo an dzughu e ghûw kə boōn wə̄n.”

Matìo 21:32

Dzɔ̌n mò bugho a vʉ̀a ghɛ̀, alebùghò dêe wô ghɛ̀ â dzì zəla è lò tsəghatsəgha, ghɛ̀ ŋ kè boō fughu â wə̄n. Ghê dzə̀akə̀mwàʼsò m fwə̀n bǒo fùghù ndùw â wə̄n ghèe ghêe kpàlà wò. Ghɛ̀ m bùʼ kòʼ kô ghəa yì èzə̀, kè buʼù dzɛ̂ enyəa ghɛ̀ ti kuwnlo, ghɛ̀ boo fughu nduw â wə̄n.”

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 4:17

Yɛso fə̌ tsə̀ndə̄ghā è Kə̀zə̀ kaʼ nughu wo alenàʼà an tì kə te ko enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n su.”

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Mâk 1:14

Ghəa ghe kwu kɔʼ Dzɔ̌n êzə̄ŋ, Yɛso n nùghù nyə̀ ndùw aŋ Galèlîi, nàʼn ndùw tsə̀ndə̄ghā è Kə̀zə̀ è dzùŋ,

Mâk 1:45

Ù ŋ kuūwn kòom nùghù è tsughu, ndùw kàʼ ndùw ghəa yia lùʼù ndzɛɛ̄n kəaa gho â ghì ghò, nàʼà tsughu ghəa yi enyə, Yɛso ŋ kôom yò alendzìin tsəghàa nyə enaʼ, dòʼò kòom tsughu ko alo təŋgwə̀là, ghî ghə̀ n naam nùghùuŋ wò kô bàa tə̀n tə̀ dzə̀m, bùghòo ko alebùghò kôʼ wə̄n.

Lûk 10:11

‘Kɛ̀sò gbə̀n kə enaʼ kɛʼɛ̄ kəla kə kɔʼ kɔʼ aŋ ghùw ghaʼā, ghàʼ buʼu màʼn tsùghuu ko an tuw wɛʼɛ, kuuwn kele tsughu ko nlò enyəa Fɔ̂e u Kəzə̀ wə n sū.’

Lûk 10:9

Ghɛ̀ m baāŋ tsughu ghì à dzaŋā yì fughu, ghɛ̀ n dzɛ̀ â ghee enyəa, ‘Fɔ̂e u Kəzə̀ wə n sū alebùghò.’

Lûk 16:29

Abə̀làhâm ŋ kuuwn dzɛ̀ enyəa, “Ghe ki nû lâŋ kə Musî kò àsùghò tsʉ̀ e ghîishʉ̀gha zò, ghe e bwiī nduw a te.”

Lûk 16:31

Abə̀làhâm n dzɛ̀ â wə̄n enyəa, “Abugho ghe yô alebwìi an làŋ kə Musî, àsùghò tsʉ̀ e ghîishʉ̀gha zò, to ghe kâ ŋgə̌əŋ zùw sùghò bugho ghùw bùʼ sə ko an nāʼ zə evʉ̄.”

Lûk 9:2

Ù n daŋso tùm sə̀ ndùw ghee enyəa ghe e naʼn nduw tùm è dzùŋ kùu ndùw Fɔ̂e u Kəzə̀, baaŋ ndùw sùghò tə̀dzàŋà.

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Dzɔ̌n 11:48

Abugho a bən zəghà tsughu ko wə̄n enyəa ù è ndûuŋ nduw ko nû, aghî a dzə̀m lo bɔɔ̄m boō fughuu ndûw ko â wə̄n. To a fi lo enyəa Gɔ̂mnɛ̀ è Lumà lo bùghò saʼà maʼà tsughu naʼ e sɛ̀ àsùghò Ndughu è Kə̀zə̀ è ne è sɛ̀.”

Dzɔ̌n 12:19

Ghî a Falasîi ghə̀ n daŋso nùghù dzɛ̀ tsughu aŋ ghùe e ghee enyəa, “Sɛ̀ kôom tsò yò aleghə̂əŋ ghəa è li zo. Kòʼô, aghî a dzə̀m êzə̄ŋ tsə̀ghà tə̀ŋò ndùw ko a bàâ wə̄n.”

Dzɔ̌n 5:4

bòʼ tsə̀ndə̄ghā è Mughu ù te fə̀ bughōo fughu an tì kə̀ li ko, zə̀ n nyə̀ tsùghù fwə̀n kɔʼ tsəm kə te ko. Ghùw ù dzàŋa wəla ù nyə tsughu an tsəm kə te ko esə̄ n dzàŋ è tughu, abugho ù mò buʼù dzaŋà ko dzâŋ è ghɛ zo.]

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.