Lûk 12:5 - To kə Kəzə̀ kə̀ Fughu ko

⁵ Abugho ghɛ̀ so e tsəŋ ghùw, e tsəŋo tsughuu nlǒ ghùw wəla abugho ù wi tsughu ghùw, ù n naam ki daʼa kə te ko aletūm wə̄n an tsə̀ fə̀ baŋā fo. Kùmkùm, Ǹ dzâa wô fɛ â ghɛ̀, tsəŋ nlǒ wə̄n.

Lûk 12:5 Iomraidhean Croise

Matìo 10:28

Kà nlò tsəŋ ghî ghəla ghe lô alewiī tsughuu kô gwən e ughùe e ghûw, mo ghe yo alewī fə̀ŋ è ghùw, laam tsə̄ŋ ndùw nlǒ Zə̀ kò, kəla kə lô alewi gwən e ughùe e ghûw àsùghò fə̀ŋ è wə̄n, Kə nîi kpâa ndûw am kpǎaghùw

Matìo 25:41

Ù lo daŋso dzɛ̂ â ghì yia aŋ kwe u wə̄n ù kwû wò enyəa, ‘Nùghu nlò an sə kaŋā, fə̀ghàan ŋ kə̀lòʼ mə̄n, ndǔw nlò aŋ wə̀n wəla u doʼò tən; wəla ghe fə̀ fəghaan naŋā â Vʉatsə̄a gho ghèe ghê tum tə wə̄n to;

Matìo 25:46

Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 13:23

Kuuwn nǐi kɔʼ ko nlò ghôom zò, nu mùghǒ ŋ ghɛ̀ â ghəa ghən à dzə̀m dzɛ̂ zìi nàŋa wò.”

1 Tɛ̀sàlonìan 4:6

Alenìi tsughu aŋ ghəa ghəla ghàʼ dzɛ̂ tsughu fɛ, e kow ko ghùw wɛʼɛ lô so e tsêe wàazə ŋkāa ù ghəəŋ wə̄n à bo è li zo. Mughu u te lo fɔeso nù ghî ghəla ghe ghəəŋ ghəa ghən gho. Ghàʼ maā ghɛ aŋ ghəa ghən kì kwɛ̀ɛn naŋa wò.

Hibùlù 10:31

À ŋgè lǒ fɛ̀ɛn kə eghəa â ghùw alebvʉ̀a tsughu nyəa tsughu aŋ ghu kə Kəzə̀

2 Pità 2:4

Tɔŋlo enyəa Zə̀ kə̀ ka fə̂ zəən zə̀ghà dzə̀ alefɔesô tsə̀ntəndə̄ghā tə wə̄n tə̀ li to an nə̀gha zəla ghə fə̀ ghəə̄ŋ tsughu bo zo. Kə a fə̀ ni kɔn tsughu ghee, màʼà nàŋa nyə tsughu alô fə̀baʼebigh, am bùʼ kə utsù enyəa ghe e ləəm tsughu tsuʼu saʼ wo.

Edêe Fughu 14:7

Ù mo an zò kə dzə̂ enyəa, “E tsəŋo nduw nlǒ Zə̀ kò, ghɛ̀ è fughuu nduw ghè kò â kɔʼso mò, tɔŋlo enyəa nəgha e wə̄n è saʼa zə aghì zə̀ m kpē; e fughu nduw nlò kɔʼso mò â ghùw wəla ù fə̀ bɔm wala ko à ghueekətsə̄ ko, dzùghùntsòʼ àsùghò nndzînlò”

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”

Edêe Fughu 20:14

Ghe n daŋso nì màʼà nyə̀ ndùw Èvʉ ghèe Naʼ zə Evʉ̄ zo aŋ fɛ̀ɛn kə uwə̀n kə̀ biigh ko. Fɛ̀ɛn kə uwə̀n kə biigh kən fɛ lò vʉ e kə̀bə̀ghà zəla e dzûum wo.